Lʉkas 5:35 - Kálar Nzyɛ̌m : Ejwán é Sáá

³⁵ Jɔʼ, yé ópyâl. Ɨ́ melû maá ó bé ókǎ ti méde yɨ́, jɔʼ mbɛ̂l mʉmá ópɛʼɔɔ ɨ́ sɔ́má yɔ́ɔ́ yɨ́.»

Kálara Zyɛ̌m Edwán é mpʉ̌n

³⁵ Yé ópyal jɔʼ ndɨ ó, mbœm mʉma óze pɛʼɔ é sama yɔɔ ɛ. É molu maa ó bé óti mode e.»

Lʉkas 5:35 ပူးပေါင်းရင်းမြစ်များ

Lʉkas 17:22

Nó nyé á lɛ́ɛ le ompʉ́n bé ó: «Yé ópyâl jɔʼ bɨ́n ngá jóʼǒ dwéh édi e Mwân mé Mʉr sɔ́má yɨ́, damá bě móhó ngwár. Sâ gwár, yé ákǎ bána.

2 Korɛnt 11:27

Me á si sia e túú bísyɛ́ɛ́, le mekɔbla. Me á si di doho nzɔʼ nzɔʼ. Me á si di ɨ́ nza ndu e dwéh médíbé. Me á si ti mede nzɔʼ nzɔʼ lɨ́ ejɨʼla e Nzyɛ̌m. Me á si jóʼo ejwóo, le edǐ suswáh.

1 Korɛnt 7:5

Nyʉ́ʉ́ sá abene nyʉ́ʉ́, alaa ó, bɨ̌n bé á si boo ntaa minkâl ó, bɨ̌n bé ákǎ syɛŋa ɨ́ jɔʼ bɨ́n dí ejɨʼla e Nzyɛ̌m yɨ́. Píe tɨ̂, bɨ̌n e tó e twiʼ ébá yɨ́n dóló. Bɨ́n bé asâ nó wá, bɨ̌n bé ámû jaá duma ɨ́ mebʉ́blá mé Sátan, mpʉ bɨ́n dí agʉ́a émâr míléme yɨ́.

Mɨlʉmlʉ 14:23

Ɨ́ sɔ́má bʉ̂r ó Mbɛ̌r-Nzyɛ̌m yɨ́yɛ̂h, bé á be lɨ́ etyêl ótyɛ̂b bé ésôʼ. Bé á tityêl bé ó, sí pǎ ti méde, le ejɨʼla e Nzyɛ̌m. Bé á titímle bé ó, ɨ́ mebó mé Tî Yésʉs, mʉr bé á dyɛ̂ʼwo e né nyá.

Mɨlʉmlʉ 3:21

Báánâ, nye ɨ́ jala le edi ɨ́ jʉ́o kʉ́, ɨ́ di di di, tó pyâl ɨ́ jɔ̌ʼ Nzyɛ̌m óbáʼǎ tyêl bísá bíbyɛ̂h ɨ́ bityé byɔ́ɔ́ mpʉ nyé á boo kɛʼ, duho myâ yɨ́. Nye á kɛʼ nó ó, cɨɨ e nzɨ̌ ogwíha o mílɔ̌b bé, baá dí egúmo e né bá.

Mɨlʉmlʉ 1:9

Jɔ̌ʼ Yésʉs á sil elɛ́ɛ milɔ̌b myaá yɨ́, nye nzě bɨ́nɔɔ ɨ́ jʉ́o kʉ́ ɨ́ míh mɔ́ɔ́. Píe tɨ̂, dwiné nzě búblo nyê. Nye ntɔ̂ʼ dîm bé ɨ́ mîh.

Yʉanes 16:28

Me á duho ó kwá Sɔ́ŋ wǎm, me nzě pyâl ɨ́ sí yɨ̂. Me óbáʼǎ mɔa, líʼě sí yɨ̂, bérě nko Sɔ́ŋ wǎm dí yɨ́.»

Yʉanes 13:33

Bwán bâm, me ka líʼ lɨ́ edi e bɨ̌n ó, mâ jɔʼ. Bɨ̌n bé ósáa mê. Nó, mě lɛ́ɛ́ bɨ́n báánâʼ ó, sá mé á nyɛɛ lɛ́ɛ le oYúden yɨ́. Yé ó: bɨ̌n bé abe e nkul etô nko mé múo tô yɨ̂.

Yʉanes 12:8

Bɨ̌n e baántéʼenteʼe o bʉ̂r ó dí edǐ jɔʼ yɨ́yɛ̂h. Sâ gwár, mɨná bɨɛ bé ábe gá jɔʼ yɨ́yɛ̂h.»

Mataos 9:15

Yésʉs, nye e bé ó: «Nzê bɨ̌n bûʼlá ó, bʉr o mû sí báŋlɔɔ ɨ́ nzɔɔ ebâ bá, bé e nkul edi, asoho ɨ́ jɔʼ mbɛ̂l mʉmá dína ɨ́ duo nzɔ́ɔ yɨ́ ɛ́? Sɔ̂ʼ, yé abe e nkul esâ nó! Yé ópyâl jɔʼ dí ó, mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́. Jɔʼ yaá ó bé ngá kpaa mébúʼ, ti méde yɨ́.»

Markus 2:20

Jɔʼ, yé ópyâl. Jɔʼ yaá ó bé ngá kǎ ti méde yɨ́, jɔʼ mbɛ̂l mʉmá ngá pɛʼɔɔ ɨ́ sɔ́má yɔ́ɔ́ yɨ́.»

Lʉkas 5:34

Yésʉs, nye e bé ó: «Jɔʼ mʉ̂r bém mʉ́má yɨ́, nyě sá ó tyêl nzɔ́ɔ, báŋle ósó bé, bé le onɔ́ɔ́ ntɔ̂ʼ kʉ́ de méde e bisʉhʉʉ. Nzê bɨ̌n jwɨʼ ó, bɨ̌n bé e nkul etil ósó mé mbɛ̂l mʉmá mede, nye dína tɨ̂ʼ ɨ́ duo nzɔ́ɔ ɛ̌?

Lʉkas 5:36

Nó nyé á lwib e bé ɨ́ nzɨ̌ bikɨkɛna. Nye ó: «Mʉr, nyé anʉǎ péh kán dwân, tó sâ ébágá ɨ́ njʉ̌m kán, ebě, nyě nyǎ ó, kán dwân. Tó kœb ó, njʉ̌m kán, yé ásíŋá le ebágá é kán dwân.