Lʉkas 5:33 - Kálar Nzyɛ̌m : Ejwán é Sáá

³³ Bʉ́ʉ́ bʉ̂r, bé á si dî e Yésʉs ó: «Ompʉ́n mé Yʉánɛs, bé e baá bé óFarizyɛ̂n, bé lɨ́ etiti méde nzɔʼ nzɔʼ jɔʼ bé dí ejɨʼla yɨ́. Sâ gwár, bô ómpʉ́n, bé lɨ́ ede méde le menyoʼ. Bé sá nó ɨ́ yé ɛ́?»

Kálara Zyɛ̌m Edwán é mpʉ̌n

³³ Bʉʉ bʉr, bé a si dî e Yesʉs ó: «Ompʉn mo Yʉanes bé e l'oFarizyɛŋ, bé etil-ti mode ndwe le ejwɨʼla e Zyɛm. Sa gwar, baa bo, bé ede mode le monwoʼ, ati mode.»

Lʉkas 5:33 ပူးပေါင်းရင်းမြစ်များ

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Lʉkas 18:12

Me lɨ́ eti méde ɨ́ sóno ngwár bijɔʼ bibá. Me lɨ́ edwe gó yô pêh ɨ́ mebi mâm mɨ́mɛ̂h mé dí ebi má, jala e nkɔb mpwár ɨ́ menkɔb kám.”

Mɨlʉmlʉ 9:11

Tî Yésʉs ntɔ̂ʼ lɛ́ɛ e né ó: «Gbɔlwáa. Tóʼ ɨ́ nkpǎʼ dí e díe ó, “Tîtyěl” wɨ́ ɨ́ báánâ. Go e ní ɨ́ mbɛ̌r mé Yʉ́das. Gó odî mʉ̂r Tarsôs dí tɨ̂, díé lé Saʉ̂l nyá. Mʉr waá mû ó lɨ́ ejɨʼla e me.

Yʉanes 3:25

Bé dína náǎ nɛ́ɛ: bʉ́ʉ́ ómpʉ́n mé Yʉánɛs nzě táare épére métwíí, bé e nyʉ́ʉ́ Yúden ɨ́ mbi bé jálá le epuba mébébe wɨ́.

Yʉanes 1:35

Ɨ́ mɛ́n tɨ̂, Yʉánɛs á be ɨ́ báʼǎ nzě gúmo yaá, bé e bʉ́ʉ́ ómpʉ́n bé obá.

Lʉkas 11:1

Ɨ́ lʉ́ʉ́ dʉ́o, Yésʉs á be ó yʉ́ʉ́ gúmo lɨ́ ejɨʼla. Jɔʼ nyé á sil ejɨʼla yɨ́, nyʉ́ʉ́ mpʉ́n wé ntɔ̂ʼ lɛ́ɛ e né ó: «Dâ ɛ̌, lɛ́ʼláá bɨ́h esâ mínjɨʼla mpʉ̌ Yʉánɛs Ndubʉr nyɨɛ á lɛ̂ʼle bé ómpʉ́n myaá myɔ́ɔ́ yɨ́.»

Markus 12:40

Bé ó dí edɛn míkúho sá yɨ́yɛ̂h myé dí e yé yɨ́, le esâ mínjɨʼla ɨ́ jaa jaa, yé nkʉ̂ lɛ́ɔɔ ó, bé ɨ́ buú mbɨa bʉ̂r. Bé ó ngá bɔma e tíʼá mílɔ̌b dí ɨ́ buú nyan wɨ́.»

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Lʉkas 2:37

njʉ̂m wé ntɔ̂ʼ dwe, nyɨɛ ntɔ̂ʼ lîʼ kúho. Nye á didi ó nó, tótôʼ, tó kumo mímbû mekám mwom e mimbú mínâ. Nye á bé abɔ́ʼa e mpáh Nzyɛ̌m. Nye á sɨséa tɨ̂ʼ ó, móhó e pum. Nye á bɨbe ó, lɨ́ eti méde e bijɔʼ, lɨ́ esú lé éjɨʼla e Nzyɛ̌m.

Lʉkas 5:32

Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Lʉkas 5:34

Yésʉs, nye e bé ó: «Jɔʼ mʉ̂r bém mʉ́má yɨ́, nyě sá ó tyêl nzɔ́ɔ, báŋle ósó bé, bé le onɔ́ɔ́ ntɔ̂ʼ kʉ́ de méde e bisʉhʉʉ. Nzê bɨ̌n jwɨʼ ó, bɨ̌n bé e nkul etil ósó mé mbɛ̂l mʉmá mede, nye dína tɨ̂ʼ ɨ́ duo nzɔ́ɔ ɛ̌?