Lʉkas 5:32 - Kálar Nzyɛ̌m : Ejwán é Sáá

³² Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm, ó bé túmaa mikoo e misyóm myɔ́ɔ́, le edwira míléme.»

Kálara Zyɛ̌m Edwán é mpʉ̌n

³² Me a baaze jebe ocɨcyel o bʉr. Me a ze jebe ó osyɛl o mɨsyem, ó bé gwɨma mobebe mɔɔ, le edwir mɨleme.»

Lʉkas 5:32 ပူးပေါင်းရင်းမြစ်များ

Lʉkas 19:10

Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Lʉkas 15:10

Mě lɛ́ɛ́ bɨ́n ó: jwɨʼ gwár yaá ntémé ó bisʉhʉʉ ngá bě gúmó bééngeles mé Nzyɛ̌m dí yɨ́, ɨ́ jɔʼ syɛ̂l misyóm ngwár mû sí túmǒ koo e misyóm myé, le le edwirǎ léme yɨ́.»

Lʉkas 15:7

Mě lɛ́ɛ́ bɨ́n ó: jwɨʼ gwár yaá ntémé ó, bé óbuú soho ɨ́ jʉ́o kʉ́ ɨ́ jɔʼ syɛ̂l misyóm ngwár mû sí túmǒ koo e misyóm myé, le edwirǎ léme yɨ́. Bé óbuú soho nyê, laa bʉ̂r mekám ebǔ le ebǔ, baá o dí “otîtyěl”, dí adweʼe mísyóm myɔ́ɔ́, nkʉ̂ gʉ́a ó, bé lɨ́ ejala le etúmǒ koo e myé, le edwira míléme bá.»

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

Lʉkas 24:47

Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.

Mɨlʉmlʉ 17:30

Jɔʼ myâ, bimpám bín, byé á be ó minjéʼe-Nzyɛ̌m. Nzyɛ̌m nyɨɛ á bé anyɛɛ́ nʉa bíjɔʼ bʉ̂r, bé á be ɨ́ gʉʼla bí byaá, gbâ ɨ́ nkɔb. Nó ó, ɨ́ báánâ, nye mû ó sí kǎ jébe bʉ̂r bɨ́bɛ̂h ɨ́ bigúmó bíbyɛ̂h ó, bé túmaa mikoo e misyóm myɔ́ɔ́ le edwira míléme.

2 Pyɛr 3:9

Dâ Nzyɛ̌m, nye ábea le elóŋlo nkɛ́ʼ nyé mpʉ bʉ́ʉ́ bʉ̂r dí ejwɨʼ ó, nye álɨ̌ dira nkɛ́ʼ nyaá yɨ́. Nye ɨ́ buo bíhwó ɨ́ bɨ̌n, ebě, nyé agwɨ̂m ó, nyʉ́ʉ́ mʉ̂r dímɨɨ ɨ́ nkɔb bʉr. Gwɨ́má lémé wé, yé ó, bʉr bɨ́bɛ̂h túmaa mikoo e mebébe mɔ́ɔ́, le edwira míléme.

Mɨlʉmlʉ 2:38

Nó ó Pétrus á yala e bé ó: «Túmáá gá mikoo e misyóm mín. Bɨ̌n a dwírá míléme. Mʉr nyɨnyɛ̂h ɨ́ sɔ́má yɨ́n, nye dúŋɔɔ ɨ́ díé mé Yésʉs-Krîst, Nzyɛ̌m pɛ́ʼɛɛ nye bibaa bí ébébe nyé á niʼe nye bí. Nó ó bɨ́n ngá kǎ nʉǎ sá Nzyɛ̌m á boo kɛʼ bɨ̌n yɨ́: Sísǐm wé.

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Mɨlʉmlʉ 3:26

Nó ɨ́ jɔ̌ʼ Nzyɛ̌m á ka lómo syɛ̂l mesâ wé yɨ́, nye á nyɛɛ tyen nye ó, kwá nyɨ́n, ó nye sʉ́ʼoo bɨ̌n métyɛʼ me mpóm, le edwih mʉ̂r sɔ́má yɨ́n nyɨnyɛ̂h ɨ́ bɨ́blǎ syɛ́ɛla yɨ́yɛ̂h nyé dí esâ yɨ́.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Mɨlʉmlʉ 5:31

Nzyɛ̌m, nyɨ́ bɨ̂r nyé kʉ́, dil nyé ɨ́ mbó éjʉ́m wé ɨ́ ntuuu, tyêl nyé ɨ́ dǐ Tî, ti e dǐ Tiʼbʉr. Nye á sâ nó ó, lɨ́ esú lé édib bʉ̂r o b'Ɨ́zraɛ̂l nzɨ̌ etúmo míkoo e misyóm myɔ́ɔ́, le edwira míléme, ó nye pɛ́ʼɛɛ bibaa bí ébébe nyé á niʼe bé bí.

Markus 15:10

Nye á lwib nó ó, ebě, nye á si bee ó, ojwɨ́ɨ o mpáh Nzyɛ̌m, bé á jaa pur Yésʉs ó, njɨ ɨ́ lɔ̌b nzwíí.

Markus 15:7

Gúú mbʉʼ, wé á be e díe ó, Barábas. Bé e bʉr o b'á sâ bintʉ̌ bá, bé á be ó mimbʉʼ. Bé á si jʉ̂ mʉr ɨ́ jɔʼ bé á gbɔba e bʉr ó Rôm yɨ́.

Mataos 9:13

Swíʼɨ́ɨ́ gâ. Bɨ̌n a tó jɨ̂ʼ sá mékǎn mâʼ dí elɛ́ɛ ɨ́ Mekaná mé Nzyɛ̌m yɨ́. Yê cɛmá ó: Mě gwɨ́m ó, bɨ̌n lɛ̂ʼlaa bʉr mpam, laa ó, bɨ̌n dwêʼ me mindwéá mí ótír. » Yésʉs nzě kɛl tɨ̂ʼ ó: «Ebě, me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»

Markus 2:17

Yésʉs ntɔ̂ʼ jóʼo bé lɨ́ elwib nó. Nye ó: «Minjɨ̂h, myé ajɨ ójomo o bʉ̂r. Mimbêl myé omér ó dí ejɨ bê. Me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»

Lʉkas 5:31

Yésʉs ntɔ̂ʼ yala e bé ó: «Minjɨ̂h, myé ajɨ ójomo o bʉ̂r. Mimbêl myé omér ó dí ejɨ bê.

Lʉkas 5:33

Bʉ́ʉ́ bʉ̂r, bé á si dî e Yésʉs ó: «Ompʉ́n mé Yʉánɛs, bé e baá bé óFarizyɛ̂n, bé lɨ́ etiti méde nzɔʼ nzɔʼ jɔʼ bé dí ejɨʼla yɨ́. Sâ gwár, bô ómpʉ́n, bé lɨ́ ede méde le menyoʼ. Bé sá nó ɨ́ yé ɛ́?»