Lʉkas 5:17 - Kálar Nzyɛ̌m : Ejwán é Sáá

¹⁷ Ɨ́ lʉ́ʉ́ dʉ́o, Yésʉs á be ó lɨ́ edwe éntumo e bʉ̂r milɛ́ʼlá. OFarizyɛ̂n, le olɛ̂ʼla o métié, bé á be ó tɨ̂ʼ ɨ́ sɔ́má yaá mindîndǐl. Bé á duho ó ɨ́ mekwár mɨ́mɛ̂h mé sí Galilê le maá mé sí Yʉ́da; bâʼ duho ntémé Yerʉ́zalɛm. Nkul mé Nzyɛ̌m á be lɨ́ enyɨ̂n ɨ́ nye ɨ́ tiʼá nyé á titiʼ bʉr wɨ́.

Kálara Zyɛ̌m Edwán é mpʉ̌n

¹⁷ É lʉʉ dobo, Yesʉs a be ó lé eyeʼle ntuntuma bʉr. OFarizyɛŋ bé e l'oyeʼle o motie, bé a be ó tɨʼ nteme é ntuntuma bʉr yaa, ondindil. Bʉr onɨ, bé a duho ó, é mokwar mɨmɛh mo Galɨle le Yʉda; baʼ duho nteme Yerʉsalɛm. Yesʉs a be ó e nkul mo Da é l'efu ó, nye tiʼɨ mɨsyoblʉ.

Lʉkas 5:17 ပူးပေါင်းရင်းမြစ်များ

Lʉkas 6:19

Mʉr nyɨnyɛ̂h ɨ́ sɔ́má bʉ̂r baá á be lɨ́ esáa édǐ kúna e né ɨ́ lɔ̌b nkûl á duduho ɨ́ nye, nyé á be e né ɨ́ nyʉ̂l nyɨ́. Nye á si tiʼ bɨ́bɛ̂h.

Lʉkas 8:46

Yésʉs ntɔ̂ʼ lɛ́ɛ ó: «Nyʉ́ʉ́ mʉ̂r, nye bé ɨ́ kʉ́ kúna e me, ebě, mɨ́ jʉ̂ʼra nyʉ́ʉ́ nkûl lɨ́ epʉʼa mé ɨ́ nyʉ̂l.»

Mɨlʉmlʉ 19:11

Nzyɛ̌m á sɨ̂sa mesimá ménɨ́nɨ́ɨ́ ó, cɨɨ e nzɨ̌ mé Pɔ̂l.

Mataos 11:5

Baántím, bé mû ó lɨ́ ebáʼǎ bee. Bʉr o b'á tɨtɨ́a bá, bé lɨ́ etye mbɨ̂mbɨá. Minzɨ̂nzǎm, sí tiʼe. Mingʉʼ, myé mû ó lɨ́ ejóʼo; odwe lɨ́ epah ɨ́ mesoo. Mbɨambɨa Lɔ́ɔ, wé mû ó lɨ́ elɛ́ɔɔ kwá baántéʼenteʼe o bʉ̂r le baá o dí ɨ́ kpaa nkóó bá.

Mɨlʉmlʉ 4:30

Syɛ́mɨ́ɨ́ mbó gô, go e lɛ́ʼlé nkûl nyǒ. Go e tíʼ mímbêl ɨ́ díé é syɛ̂l mesâ gǒ Yésʉs, mʉr dí ti nyá. Sɨ́sáʼ ntémé mesimá ti e bisá bí ékâm ɨ́ díé lé.»

Markus 7:1

OFarizyɛ̂n le bʉ́ʉ́ ólɛ̂ʼla o métié bé á duhǒ Yerʉ́zalɛm bá, nzě swálɔɔ̌ gúmó Yésʉs á be yɨ́.

Markus 5:30

Ɨ́ tyé gwár yaá, Yésʉs ntɔ̂ʼ jʉ̂ʼra ɨ́ nye mʉr tɨ̂ʼ ó, nyʉ́ʉ́ nkûl bé ɨ́ duho nyé ɨ́ nyʉ̂l. Nye nzě dwira témé bʉr, ntɔ̂ʼ dî ó: «Nzê kúná e mikán myâm ɛ̌?»

Mataos 15:1

Jɔʼ yaá, oFarizyɛ̂n le olɛ̂ʼla o métié bé á duhǒ Yerʉ́zalɛm bá, bê nzě pyâl gúmó Yésʉs á be yɨ́, díŋɔɔ e né ó:

Yʉanes 3:21

Bʉr bɨ́bɛ̂h o dí esâ bísyɛ́ɛla bimpâ bá, bé kpɛl étʉtô ó, nkǒ njʉl dí yɨ́, bʉr nkʉ̂ bee ó, bisyɛ́ɛla byɔ́ɔ́, byê duho ó ɨ́ gwɨ́má mé Nzyɛ̌m.»

Lʉkas 2:46

Bé á ka to bee nye ó, lɨ́ elú élɛ̂l, ɨ́ mpáh Nzyɛ̌m. Nye á be ó témé olɛ̂ʼla o métié. Nyɨɛ lɨ́ ejôʼlo bê, le edî bé metíá.

Lʉkas 15:2

Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Lʉkas 7:30

Sâ gwár, oFarizyɛ̂n, le olɛ̂ʼla o métié, bé á si bene gwɨ́má mé Nzyɛ̌m yaá. Sá tɨ̂ʼ ó bé á be akam ó, Yʉánɛs dúʼoo bé yɨ́.

Lʉkas 5:30

OFarizyɛ̂n, bé le olɛ̂ʼla o métié bé e boo nɔ́ɔ́ bé á be nkɔ̌m mpwár bá, bê nzě gɔ́na le elwib ɨ́ bébe bébe dumo le ompʉ́n mé Yésʉs, le elɛ́ɛ ó: «Bɨ̌n bé lɨ́ ede méde le menyoʼ, bɨ̌n le onwɨa ó mɔnɨ́ tœ́a le osyɛ̂l o mísyóm ɨ́ yé?»

Lʉkas 5:21

Nó ó ólɛ̂ʼla o métié, bé le oFarizyɛ̂n, bé á nze taare esóŋlo nye. Bé ó: «Nyâʼ mʉ̂r dí esâ Nzyɛ̌m nkěh nyâ, nye nzé? Nzé dí e nkul epɛʼ bíbaa bí ébébě Nzyɛ̌m á niʼe bí? Njɨ Nzyɛ̌m nye omér!»

Markus 16:18

Bé ómɛ̂r ónyʉ́a e mebô. Bé ódě joʼo nó, adwe. Sɔ̂ʼ, yé ákóʼó sâ bé ebébe. Bé ókɛl mímbêl mebô, mimbêl myaá ntɔ̂ʼ tiʼe.»]

Markus 3:22

Bʉ́ʉ́ ólɛ̂ʼla o métié, bé á duhǒ Yerʉ́zalɛm bá bɨ́ɛ, bé á baʼa lɛ́ɛ ó: «Nyě e Béelzébul ɨ́ nyʉ̂l.» Bé ntémé, bé á lɛ́ɛ ó: «Nyě so méleme ó e nkul nyé á pa nʉa le njwɨ́ɨ meleme nyɨ́.»

Markus 1:45

Damá jóʼo ó mpʉ̌ Yésʉs á lɛ́ɛ nye nó yɨ́, mʉr waá á jaa to le etúno le egwîh lɔ́ɔ waá ó, tûtuno ó túnáa ɨ́ gúmó yɨ́yɛ̂h. Sá tɨ̂ʼ ó Yésʉs á be abe e nkul ekǎ nî ɨ́ binkana ɨ́ ponó yɨ́. Nye á ka jaa didi ó, njɨ ɨ́ bilʉ̌n, bisúm bʉ̂r, bé á be abe bí. Bʉr bé á be lɨ́ etô kwá nyé, duduho ɨ́ bigúmó bíbyɛ̂h.

Yʉanes 3:10

Yésʉs, nye e né ó: «Gua yɨ́ɛ mʉr dí lɛ̂ʼla dí ɨ́ buú gúmlɔɔ ɨ́ kúl bʉ̂r o b'Ɨ́zraɛ̂l yɨ́yɛ̂h nyá, nzê gua, gó agʉ́a mílɔ̌b mîʼ ɛ̌?

Mɨlʉmlʉ 5:34

Nó ó yé á be ó e nyʉ́ʉ́ Farizyɛ̂n, díé lé Gamalyɛ̂l. Nye á be ó lɛ̂ʼla metié bʉ̂r bɨ́bɛ̂h bé á dwáawo nyá. Nye nzě tyɛ̂b témé bʉ̌m nɨ́nɨ́ɨ́. Nye ó, bé páa pyêl bʉ̂r o mílʉ́mlʉ́ kʉ̌l ɨ́ mâ jɔʼ.