Lʉkas 4:25 - Kálar Nzyɛ̌m : Ejwán é Sáá

²⁵ Mě lɛ́ɛ́ bɨ́n lɨ́ otyeetye ó, yé á be ó e mikúhó mí bʉ́bá ɨ́ buo buo ɨ́ sí Ɨ́zraɛ̂l ɨ́ melû mé Elie, jɔʼ mpíé á be akǎ nwɨ́ɨ tâŋ mimbú mílɛ̂l e pêh yɨ́. Nza á si nyaŋla ɨ́ sí yɨ́yɛ̂h.

Kálara Zyɛ̌m Edwán é mpʉ̌n

²⁵ Me elɛɛ bɨn cyecye ó nɛɛ: yé a be ó e mɨkuho mɨ bʉba é buobuo é lal Ɨzraɛl é jɔʼ mo Élie, é jɔʼ mpie a cyɛb, aka nwɨɨ tɔɔ mɨmbu mɨlɛl e peh, mya za a nyaŋla é si waa nyiwɛh ɛ.

Lʉkas 4:25 ပူးပေါင်းရင်းမြစ်များ

Jacques 5:17

Elie á be ó mʉr mpʉ mɨ́ná gâ. Nye á si jɨʼla e nkul ó, mpíé sá akǎ nwɨ́ɨ, tó pyâl ɨ́ jɔʼ mpíé á bana tyɛ̂b, akǎ nwɨ́ɨ tâŋ mimbú mílɛ̂l e pêh yɨ́.

Mataos 20:15

Nzê yé ambɨa ó, me sâʼ e bisá byâm ɨ́ mpʉ mé kpɛ̂l yɨ́ ɛ́? Go lɨ́ ebene mé ɨ́ lɔ̌b mpâm nyǎm ɨ́ yé?”

Lʉkas 10:21

Ɨ́ jɔʼ yaá, Sísǐm mé Nzyɛ̌m nzě lóŋlǒ lémé mé Yésʉs e bisʉhʉʉ. Nó nyé á lɛ́ɛ ó: «Dâ, me lɨ́ edwe gó kûm, gua, Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá, bisá gó á sol ocwóó ndu e l'ogwɨ́a ó sí yɨ̂ʼ bí. Dâ ɛ̌, yé ó nó! Ebě, go á boo bi bísʉhʉʉ ɨ́ lémé gô ó, yé sáŋɔɔ nó.

Éfɛsɔs 1:11

Mɨná bɨ́ pûhla gá e Yésʉs-Krîst ɨ́ twárá Nzyɛ̌m á twâr mɨná gá yɨ́. Nye á boo twâr mɨná gâ ó, kʉ́ e sí dína apǎ bě kuhá. Yé á be ó mpʉ nyé á boo jwɨʼ yɨ́, nyɨɛ mʉr dí egbâ nkûl ɨ́ sá yɨ́yɛ̂h, le esâ ó, bijwɨʼ le mitíʼá mí lémé wé, byé lwɨ́ŋlɨɨ nyá.

Éfɛsɔs 1:9

Nyě títyɛ́b mɨ́ná gá ɨ́ miléme ó, mɨná gʉ́ŋaa gá mitíʼá mí lémé wé, myaá myé á boo lɛ́ɔɔ ɨ́ lwǐb ódîm mí. Yé ó sá nyé á nyɛɛ jwɨʼ, kǎ sâ ɨ́ kpɛ̌l yé nye mʉr tɨ̂ʼ yɨ́.

Rôm 9:20

Gua mʉr dí edo e Nzyɛ̌m nyá, go nzé? Sá mʉ̂r á me e deʼé yɨ́, nzê yé óbɛ̂ʼ e mel ó: Go á me me mpʉʼ ɨ́ yé? Heʼé!

Rôm 9:15

Ebě, nye á lɛ́ɛ e Moyɨ̂z ó: Me ócwɨ́a ó e waá mé kpɛ́l écwɨ́a e né nyá. Me ójɨ̂ʼ nkóó ó e waá nyɨnyɛ̂h mé kpɛ́l éjɨ̂ʼ nkóó nyá.

Mɨngwiha 11:6

Jɔʼ bé dí egwîh mílɔ̌b yɨ́, bé e nkul ediblě jʉ́o ó, ompíé ayɨ́ kǎ nwɨ́ɨ. Bé ntémé, bé e nkul esâ ó, medíbé, mé líŋaa metié. Bé ntémé, bé e nkul entɨh bʉ̂r ó sí yɨ̂ʼ bɨ́bɛ̂h bibébebébe bísɔ̂ʼ mimbi mimbi, ɨ́ jɔʼ yɨ́yɛ̂h bé kpɛ̂l yɨ́.