Lʉkas 4:23 - Kálar Nzyɛ̌m : Ejwán é Sáá

²³ Nó nyé á nze lɛ́ɛ e bé ó: «Bɨ̌n dǐ lɛ́ɛ mé yé? Abe e mesónó, bɨ̌n bé ólɛ́ɛ̌ náǎ mûh ó, me sâʼ bɨ̌n sá kɨkɛna dí elɛ́ɛ yɨ́, ó: “Dɔ́bra, paá nyɛɛ́ jomo gó mʉr tɨ̂.” Ntémé, bɨ̌n bé ólɛ́ɛ e me ó: “Sáʼ bɨ́h wâʼ ɨ́ sí gó á byɛ̂l yɨ́ mbi mésimá bɨ́h jʉ́jóʼó ó, gó á sâ ɨ́ Kapernáʉm má.”»

Kálara Zyɛ̌m Edwán é mpʉ̌n

²³ No ó nye a ze lɛɛ e be ó: «Abe e mosono, bɨn bé ólɛɛ tina muh ó, me saʼ mpʉ kɨkɛna lé elɛɛ ó: “Dɔbra, taara tiʼ go mʉr tɨ.” Nteme, bɨn bé ólɛɛ e me ó: “Paʼ kʉ sa bɨh bɛɛ mbi mosima bɨh bé a joʼo ó, go a dɨ sa Kapernaʉm ɨ! Saʼ me wâʼ é lal go!”»

Lʉkas 4:23 ပူးပေါင်းရင်းမြစ်များ

Markus 6:1

Nó ó Yésʉs á duhǒ gúmó nyé á be yɨ́, nzě tô ɨ́ kwár nyé á bwaʼ nyɨ́. Ompʉ́n bé, nzě dû nyê.

Mataos 4:13

Nó nyé á duhǒ Nazarɛ̂t, ntɔ̂ʼ tó dǐ Kapernáʉm ɨ́ nkpâh mâŋ. Yé ó ɨ́ sí Zabulôn, bé e Nɛftalî.

2 Korɛnt 5:16

Ebe nó, táare ɨ́ báánâ, bɨ̌h bé akǎ gʉ́a mʉ̂r e nzɨ̌ ngwɨ́á wɨ́h. Damá jóʼǒ mpʉ bɨ́h á nyɛɛ gʉgʉ́a Krîst e nzɨ̌ ngwɨ́á nyaá yɨ́, nó ɨ́ báánâ, bɨ̌h bé akǎ gʉ́a nyé nó.

Yʉanes 4:28

Mʉmá nzě líʼě dɛa médíbé yé, báʼǎ tô nkana, tó jébe bʉ̂r. Nye ó:

Lʉkas 6:42

Wáǎ mbi gó dí e nkul elɛ́ɛ e mɨ́ɔɔ́ gǒ ó: “Paá nze! Mɨ́ɔɔ́ wǎm, me pɛ́ʼɛɛ go mâ sɔ̂ʼ dí go ɨ́ dîh nyá,” gua yɨ́ɛ apǎ pɛ̌ʼ mbʉ́ŋʉʉ dí go ɨ́ dîh wɨ́ ɛ́? Baányâ-mikóo bâ, tááráá épɛ̌ʼ mbʉ́ŋʉʉ dí ɨ́ díh lô wɨ́! Jɔʼ yaá ó gó ngá bee ɨ́ sʉ́lʉ́lʉ́, pɛ̌ʼ mpǔm dí mɨ́ɔɔ́ gǒ ɨ́ díh yɨ́.»

Lʉkas 4:16

Yésʉs nzě tô kwár nyé, Nazarɛ̂t, gúmó nyé á bwaʼ mʉr yɨ́. Móhó sábat, wê nzě pyâl. Nye nzě nî ɨ́ mpáh minjɨʼla, ebě, yé á boo be ó ɨ́ metum mé. Nó nyé á nze tyɛ̂b tîtyěl, láǎ péh Mékaná mé Nzyɛ̌m.

Mataos 13:54

Nye nzě tô gúmó nyé á bwaʼ yɨ́, nye ntɔ̂ʼ lɛ̂ʼle bʉ̂r ɨ́ mempáh bísulá mɔ́ɔ́, ɨ́ mbi dí ó, bʉr bɨ́bɛ̂h, bé á be ɨ́ buú kâm wɨ́. Bê nzě díila ó: «Nyě duhó e wɨ̂ʼ ócwóó le mâʼ ménkul wó?

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Lʉkas 2:39

Jɔʼ óbyɛ́l mé Yésʉs, bé á sil elóŋlo metié mé Dâ yɨ́, nó bé á nze swîʼ e né ɨ́ sí Galilê, tóŋɔɔ e né kwár nyɔ́ɔ́ Nazarɛ̂t.

Lʉkas 2:51

Nó bé e boo nɔ́ɔ́, bé á swîʼ, tô Nazarɛ̂t. Nye á si sâ bé mejóʼo. Nyɔ̌ŋ á be lɨ́ ebɨbaʼle mílɔ̌b myaá mímyɛ̂h ɨ́ lémé wé tʉ́ŋlʉ̌.

Lʉkas 4:31

Yésʉs á si baʼa tô Kapernáʉm, nyʉ́ʉ́ kwár ɨ́ sí Galilê. Nye nzě báʼǎ dwe bʉ̂r milɛ́ʼlá ɨ́ móhó sábat.

Lʉkas 4:35

Yésʉs ntɔ̂ʼ nkáŋla le eleme. Nye e lé ó: «Diblaǎ num náǎ. Duhaa mʉ̂r nɨ̌ ɨ́ nyʉ̂l.» Eleme laá nzě nkɛŋ mʉ̂r nɨ̌ sí témé bʉr baá bɨ́bɛ̂h, ntɔ̂ʼ duho nyé ɨ́ nyʉ̂l, asâ nyé ebébe.