Lʉkas 24:6 - Kálar Nzyɛ̌m : Ejwán é Sáá

⁶ Nyé akǎ be wâ. Nyɨ́ pah ɨ́ soo. Símsáá gá mpʉ nyé á lwib e bɨ̌n ɨ́ jɔʼ nyé á be, nye dína ɨ́ sí Galilê yɨ́. Nye á lɛ́ɛ ó:

Kálara Zyɛ̌m Edwán é mpʉ̌n

⁶ Nye aka be wâ. Nyi pàh! Toŋla ga mpʉ nye a lwib e bɨn é jɔʼ bɨn bé a be, bɨn dina é lal Galɨle e. Nye a lɛɛ ó:

Lʉkas 24:6 ပူးပေါင်းရင်းမြစ်များ

Lʉkas 9:22

Nye nzě lɛ́ɛ e bé ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Markus 8:31

Yésʉs nzě táare édwe ómpʉ́n bé milɛ́ʼlá. Nye ó: «Yé jala ó, Mwân mé Mʉr, nye síaa e mitúú ɨ́ buo buo. Otɔ́má bʉ̂r, ojwɨ́ɨ o mpáh Nzyɛ̌m, le olɛ̂ʼla o métié, bé óbene nyê. Nye ntémé ójʉ́ŋɔɔ. Elú élɛ̂l píe tɨ̂, nyé opah ɨ́ soo.»

Mataos 28:6

Nó ó, nyé akǎ be wâ. Nyɨ́ pah mpʉ nyé á pa lɨlɛ́ɛ yɨ́. Ntaá nzě bee gá gúmó nyé á be njáʼ sí yɨ́!

Lʉkas 9:44

«Bɨ̌n bɨɛ, bɨ̌n e kʉ́ gwá mɛ̂r gá ekǎn mé mû lɨ́ elɛ́ɛ bɨ́n ɨ́ báánâʼ lɨ̂: yɨ́ lîʼ njɨ mâ jɔʼ tîtííǎ, ó Mwân mé Mʉr bɛ́mɔɔ kwá bʉr o ngá jʉ̂ nyé bá.»

Mataos 27:63

Bé e né ó: «Dâ ɛ̌, bɨ̌h bé lɨ́ esímsa ó, ányâ-mikóǒ nɨ̌, ɨ́ jɔʼ nyé á be, nye dína ɨ́ twiʼ yɨ́, nye á kʉ bana lɛ́ɛ ó: “Lɨ́ elú élɛ̂l, me ópah.”

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Mataos 12:40

Ebě, mbi ngwár Yʉ́nas á di ɨ́ mo sû ɨ́ bwaʼ bwaʼ mimóhó mílɛ̂l, mipum milɛ̂l yɨ́, mbi ngwár e ngwár waá ntémé ó Mwân mé Mʉr ngá di ɨ́ soo mimóhó mílɛ̂l, mipum milɛ̂l wɨ́.

Markus 16:6

Nó ó yé á lɛ́ɛ e bé ó: «Ayɨ́ jóʼo gá bʉ́á. Bɨ̌n sáá ó, Yésʉs, mʉr Nazarɛ̂t, waá bé á bomlo ɨ́ kolôs kʉ́ nyá. Nyɨ́ pah. Nyé akǎ be wâ. Paá bee gâ: súm bé á dɨl múú wé yɨ́ ó yɨ̂!

Lʉkas 24:5

Nó ó mpʉ bé á bee bʉr ónɨ̌ yɨ́, bʉ́á nzě mɛ̂r bé ɨ́ miléme, bé ntɔ̂ʼ bɨʼ mémpǒm sí. Bʉr baá ntɔ̂ʼ lɛ́ɛ e bé ó: «Bɨ̌n bé lɨ́ enzě sáa mʉ̂r dí etiʼe nyá páʼ odwe ɨ́ yé?

Lʉkas 24:34

Bé dína pyâl nɛ́ɛ: bé kœb ó, bʉ́ʉ́ ómpʉ́n lɨ́ elɛ́ɛla páʼ nyɔ́ɔ́ ó: «Yê tyeetye ó, Dâ, nyɨ́ pah! Simon bê sí kʉ́ bee nyê!»

Mɨlʉmlʉ 2:24

Nzyɛ̌m nzě pɛh nyê, pɛʼ nyé ɨ́ mekpaa mé éswie, ebě, eswie, lé á bé agwá mɛ̂r nyé kɔ́m kɔm.

2 Tesalonika 2:5

Nzê bɨ̌n bé asímsa ó, me á si boo lɛ́ɛ bɨ̌n nó, ɨ́ metááré, jɔʼ mɨ́ná bé á be gá sûm gwár yɨ́ ɛ́?