Lʉkas 24:48 - Kálar Nzyɛ̌m : Ejwán é Sáá

⁴⁸ Bɨ̌n ó dí oboʼlo ó lɔ̌b waá.

Kálara Zyɛ̌m Edwán é mpʉ̌n

⁴⁸ Bɨn ó ndɨ oboʼla o lɔb waa.

Lʉkas 24:48 ပူးပေါင်းရင်းမြစ်များ

Mɨlʉmlʉ 13:31

Yésʉs á bɨbe ó lɨ́ enyɨ̂nyɨn, tâŋ melû ɨ́ buo buo, kwá bʉr o bé le onɔ́ɔ́ bé á duhǒ sí Galilê, tô Yerʉ́zalɛm bá. Bʉr baá ó dí eboʼlǒ lɔ̌b wé kwá bʉr o b'Ɨ́zraɛ̂l.

Mɨlʉmlʉ 5:32

Le bɨ̌h nyɨɛ, le Sísǐm mé Nzyɛ̌m ntémé ó dí oboʼlo o tɨ̂. Sísǐm waá ó Nzyɛ̌m dí edwe bʉ̂r o dí esâ Yésʉs mejóʼo bá.»

Mɨlʉmlʉ 2:32

Yésʉs waá ó Nzyɛ̌m á pɛh, dwih lɨ́ odwe nyá. Lɔ̌b wé ó bɨ́h dí eboʼlo bɨ́n wɨ̂.

Mɨlʉmlʉ 1:8

Bɨ̌n bé óbi nkûl ɨ́ jɔ̌ʼ Sísǐm mé Nzyɛ̌m ngá sulo bɨ́n ɨ́ menyʉ̂l yɨ́. Nó ó bɨ́n ngá boʼlo mílɔ̌b myâm, táare ɨ́ Yerʉ́zalɛm, le ɨ́ mekwár mé sí Yʉ́da mɨ́mɛ̂h, ndu e maá mé sí Samarî, tó pyâl ɨ́ medumo mé sí mɨ́mɛ̂h yɨ́.»

Mɨlʉmlʉ 10:41

Abe yɨ́ɛ bʉr bɨ́bɛ̂h. Nye á jaa pyâl ó, njɨ kwá nyɨ́h, bʉ̌r Nzyɛ̌m á boo twâr bá. Bɨ̌h bɨɛ ó dí oboʼlo bé, ebě, bɨ̌h le onɔ́ɔ́ ó b'á pûhla mebô lɨ́ ede méde le menyoʼ píe jɔ̌ʼ Nzyɛ̌m á pɛh nye, dwih nyé lɨ́ odwe yɨ́.

Mɨlʉmlʉ 10:39

Bɨ̌h bɨɛ ó dí kwahaá oboʼlo o tɨ̂, bʉr o dí ekʉ́ gʉ́a bísyɛ́ɛla bíbyɛ̂h nyé á sâ ɨ́ sí bʉ̂r óYúden ndu e Yerʉ́zalɛm bí bá. Bé á si bomlo nye e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

1 Pyɛr 5:1

Me ó lɨ́ sɔ́má ótyɛ̂b bé ésôʼ ɨ́ Mbɛ̌r-Nzyɛ̌m. Me ntémé, me ó mboʼlo á bee mitúú mé Krîst nyá. Me ntémé, me ó mʉr ngá bi nkɔ̂b líʼe ɨ́ mentyɛnwa múo nzě nyɨ̂n ɨ́ kpɛŋlɛm má nyá. Mě cɛmá ɨ́ báánâʼ ó, bʉ́ʉ́ ótyɛ̂b bé ésôʼ ɨ́ Mbɛ̌r-Nzyɛ̌m bɨ́bɛ̂h, lɨ́ epihle bɨ́n egwǎl ó:

Mɨlʉmlʉ 4:33

Bʉr o mílʉ́mlʉ́ mé Yésʉs, bé á bʉboʼlo pahá sóo mé Tî Yésʉs ó e nkul nyɨnyɛ̂h. Nó ntémé ó Nzyɛ̌m á sʉ bé metyɛʼ me mpóm ɨ́ ntʉʉʉ́ yɨ́.

Yʉanes 15:27

Bɨ̌n bɨɛ ntémé, bé óboʼlǒ lɔ̌b wâm, ebě, mɨná gá ó b'á be, duho ɨ́ menyɛ̌l.

Mɨlʉmlʉ 22:15

Ebě, go óbʉboʼlǒ lɔ̌b wé, lɨ́ elɛ́ɛ ɨ́ míh mé bʉ̂r bɨ́bɛ̂h, sá gó á bee le ejóʼo yɨ́.