Lʉkas 24:39 - Kálar Nzyɛ̌m : Ejwán é Sáá

³⁹ Jwɛ́ʼɛ́ɛ́ gá mebô ndu e mekʉ̌ mâm. Gʉ́ŋáá gá ó, yé ó me. Bóbáá gá me. Bɨ̌n gʉ́ŋaa tyeetye ó, yé ó me. Ndîm, wé abe e bipúno e bidwehé, bisá bɨ́n dí ebee mé e byé bî.»

Kálara Zyɛ̌m Edwán é mpʉ̌n

³⁹ Dwɛʼa ga mokœh ndwe e mokʉ mam. Gʉŋa ga ó, yé ó me mʉr tɨ! Boba ga me. Gʉa dweʼe ga me. Ndim, wé abe e bɨpuno e bɨdwehe, bɨsa bɨn lé ebee me e bya bi.»

Lʉkas 24:39 ပူးပေါင်းရင်းမြစ်များ

Yʉanes 20:27

Nye e Thomas ó: «Ntaá nzě lâʼ diné yô wâ. Jwɛ́ʼɛ́ɛ́ mékœ́h mâm. Swamaǎ mbó gô ɨ́ mpah yâm. Go e gwáʼ mésónó. Go e dí mbûʼla.»

1 Yʉanes 1:1

Lɔ́ɔ́ bɨ́h mû lɨ́ elɛ́ɛ bɨ́n wɨ́, wé ó, ɨ́ lɔ̌b Lwǐb Twiʼ. Nye á boo be ó tɨ̂, kʉ́ e sí apǎ bě kuhá. Bɨ̌h bé á si jóʼo twíí nyé, bee ntémé nye e míh mɨ́h. Nye ó mʉr bɨ́h á siŋle, waá mebó mɨ́h, mé á kúna nyá.

Yʉanes 20:20

Jɔʼ nyé á be ɨ́ lɛ́ɛ bé nó yɨ́, nye nzě lɛ̂ʼle bé mebó mé ti e bimpah byé. Ompʉ́n bé kʉ́ nzě buú soho lɨ́ ebee Tî Yésʉs.

1 Tesalonika 5:23

Nzyɛ̌m waá dí esâ ó, bʉr tíʼaa ɨ́ mepyɛbla nyá, nye mʉr tɨ̂, nye púbaa bɨ̌n ɨ́ mipáʼ mímyɛ̂h. Nye bâʼlaa misísǐm mín, milémé mín, ti e menyʉ́l mɨ́n. Nye bâʼlaa bɨ̌n mbɨ̂mbɨá nó, mɨná díʼee gá abe e mebě, tó pyâl ɨ́ jɔʼ Tî gá wɨ́ná Yésʉs-Krîst óbáʼǎ nze yɨ́.

Ebrœ̂ 12:9

Yé e yʉ́ʉ́ sɔ̂ʼ: ɨ́ jɔʼ ósɔ́ŋ gá bɨ́ná, bé á byâ mɨná bá, sɨ́ʼ mɨ́ná gá milʉ̂ yɨ́, mɨná sɨ́sá ó, dwe gá bé dúu. Nó ó, Sɔ́ŋ gá wɨ́ná á tíʼ mɨná gá misísǐm nyá, nyé ósɨ̂ʼ mɨ́ná gá ntémé milʉ̂ nó, nzê mɨná bé ajala le edwe gá nye dúu ɨ́ buo buo ɛ̌? Mɨ́ná sí sâ gá nye mejóʼo nó, lɛ́ɛ́, mɨná bé ótíʼe gá ɨ́ nzɨ̌ mejóʼo maá.

Yʉanes 20:25

Bʉ́ʉ́ ómpʉ́n, bé e né ó: «Bɨ̌h bé ó sí bee Tî Yésʉs!» Thomas, nye e bé ó: «Mé bé abee mépɨ́ɨ́ bínzâŋ ɨ́ mebó mé, lâʼ diné yâm tɨ̂, swam ntémé mbó wâm ɨ́ mpah yé nɛ́ɛ: me l'abûʼlǎ lɔ́ɔ́ wɨ́n.»

Mɨlʉmlʉ 1:3

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

Lʉkas 23:46

Yésʉs ntɔ̂ʼ tíme kʉ́kʉ́. Nye ó: «Dâ ɛ̌, mɨ́ tímlě sísǐm wâm ɨ́ mebó mô!» Le nyé á sil elwib, le nyé ntɔ̂ʼ á sula swɨ̂h.

Lʉkas 24:38

Nye ntɔ̂ʼ dî e bé ó: «Yé dí etɨ̂l bɨ́n mekʉ̌ sí? Bɨ̌n bé lɨ́ esóŋlo ɨ́ miléme ɨ́ yé?

Lʉkas 24:40

Jɔʼ nyé á sil elɛ́ɛ bé nó yɨ́, nye nzě lɛ̂ʼle bé mebô e mekʉ̌ mé.