Lʉkas 24:36 - Kálar Nzyɛ̌m : Ejwán é Sáá

³⁶ Bʉr obá baá dína lɨ́ elɛ́ɛ bé nó, kǎ saʼ nɛ́ɛ: Yésʉs mʉr tɨ̂ʼ lɨ́ etyɛ̂b tîtyěl páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme!»

Kálara Zyɛ̌m Edwán é mpʉ̌n

³⁶ Bé dina lé etimle lɔb waa paʼra wɔɔ, ka twɨra nɛʼɛ, Yesʉs nye mʉr tɨ, nyi ze cyɛb teme ompʉn be! Nye ó: «Motala, mé swɨŋɨ é bɨn!»

Lʉkas 24:36 ပူးပေါင်းရင်းမြစ်များ

2 Tesalonika 3:16

Nó ó, Tî gá wɨ́ná, mʉr dí egbâ mɨ́ná gá mepyɛbla ɨ́ miléme nyá, nye gbâʼ bɨ̌n mepyɛbla ɨ́ miléme ɨ́ bijɔʼ bíbyɛ̂h, le menzɨ̌ mɨ́mɛ̂h. Tî gá wɨ́ná díʼee e bɨ̌n óbɛ̂h.

Lʉkas 10:5

Jɔʼ bɨ́n ní ɨ́ mbɛ̌r yɨ́, lɛ́yɨ́ɨ́ gá bʉr ó mbɛ̌r ó: “Mepyɛbla, mé díʼee bɨ̌n ɨ́ miléme!”

Markus 16:14

[Píe tɨ̂, ɨ́ mesíé, Yésʉs ntɔ̂ʼ lɛ̂ʼle ómpʉ́n kám e ngwár nyʉ̂l nyé, ɨ́ jɔʼ bé á be lɨ́ ede yɨ́. Nye á si dwe bé mebě, ebě, bé á bé abûʼla nyê. Ebě, ntémé, bé á be ó e miléme ɨ́ lele lele. Bé á bé abûʼla bʉ̂r o b'á to lɛ́ɛ bé ó, bé á si bee Yésʉs, nye lɨ́ ekubla bá.

Mɨngwiha 1:4

Yé ó mɛm Yʉánɛs ó dí ecɛma bɨ́n mekaná mâʼ nyá, bʉr ó Mbɛ̌r-Nzyɛ̌m dí ɨ́ binkana nzaangbá bi dí ɨ́ sí Azía bí. Nzyɛ̌m sʉ́ʼoo bɨ̌n metyɛʼ me mpóm le egbâ mépyɛbla ɨ́ milémé mín. Mé díʼee e bɨ̌n, duho e waá á boo be nyá. Nye ntémé ó dína. Nye ntémé ónze. Mé díʼee e bɨ̌n ntémé, duho e misísǐm nzaangbá dí ɨ́ mpǒm mecwɨ́ɨ́ mé jwɨ́ɨ́ mé Nzyɛ̌m mí.

1 Korɛnt 15:5

Nye á be ó sí pyâl kwá mé Kefâs, nzě pyâl ntémé kwá bʉr o mílʉ́mlʉ́ kám le obá.

Yʉanes 20:26

Sóno ntinɨ̂, nyé osí laa, ompʉ́n mé Yésʉs báʼǎ tó syɛŋa ɨ́ mbɛ̌r waá. Thomas á be ó tɨ̂. Mebê, mé á be ó mipɨrá e mengʉŋ. Yésʉs nzě pyâl, tyɛ̂b páʼ nyɔ́ɔ́. Nye ó: «Mepyɛbla, mé díʼee bɨ̌n ɨ́ miléme!»

Yʉanes 16:33

Mě lɛ́ɛ́ bɨ́n milɔ̌b mîʼ ó, bɨ̌n nkʉ̂ di ɨ́ mpúhlá e me, milémé mín nkʉ̂ lóno ɨ́ mepyɛbla. Bɨ̌n bé ósia e mitúú lɨ́ edi ɨ́ sí yɨ̂. Damá jóʼo nó, biʼee gá menyan ɨ́ milémé mín. Mɛm, mɨ́ ntaǎ sí yɨ̂ʼ ɨ́ nkul.»

Yʉanes 14:27

«Mepyɛbla ó mé líʼé bɨ́n e mǎ nɨ̌. Mepyɛbla mâm ó mé dwé bɨ́n nɨ̌. Mé adwe bɨ́n mǎ mpʉ bʉ̂r ó sí yɨ̂ʼ dí edwe bɨ́n bisɔ̂ʼ, kǎ sûʼlǎ dɛn byé yɨ́. Bisɨ́ǎ bî, byé ayɨ́ tɨ̂l bɨ́n mekʉ̌ sí. Ayɨ́ jóʼo gá bʉ́á.

Mataos 10:13

Bʉ̂r ó mbɛ̌r waá báʼlé bɨ́n mbi dí ejala wɨ́ nɛ́ɛ: mepyɛbla mɨ́n, mé líʼɨɨ ɨ́ sɔ́má yɔ́ɔ́ ɨ́ jɔʼ bɨ́n ólaa, tô yɨ́. Sâ gwár, bʉ̂r baá óbe, anʉa bɨ́n mpʉ dí ejala yɨ́ nó, bɨ̌n e pɛ́ʼ mépyɛbla mɨ́n, tô e mê.

Mɨlʉmlʉ 1:3

Jɔʼ nyé á sil esia e mitúú, ntɔ̂ʼ dwe yɨ́, nye nzě pah, duho lɨ́ odwe, nzě lɛ̂ʼle bʉ̂r o mílʉ́mlʉ́ bé nyʉ̂l nyé e nzɨ̌ bijwɨʼ ɨ́ buo buo, ó bé gʉ́ŋaa tyeetye ó, nye á kʉ be ó kublakúbla. Ɨ́ melû mekám ménâ maá, bé e boo nɔ́ɔ́ ó b'á bɨbe. Nye á lɨlɛ́ɛ bé ó, milɔ̌b mi Mpóʼo mé Nzyɛ̌m.

1 Korɛnt 15:7

Nye nzě báʼǎ pyâl kwá mé Jacques ti e bʉr o mílʉ́mlʉ́ bɨ́bɛ̂h.