Lʉkas 24:27 - Kálar Nzyɛ̌m : Ejwán é Sáá

²⁷ Nye nzě nyɛl épâʼlǎ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, táare lɨ́ mekaná mé Moyɨ̂z, kumo e maá ógwíha o mílɔ̌b bé, bé á cɛma má.

Kálara Zyɛ̌m Edwán é mpʉ̌n

²⁷ Nye ze taare lé epɛʼle sa yiyɛh bé a tile é Kalara Zyɛm, tiibe e nye e, taare é l'okalara o motie Moyiz a tile e, to pyal é sikʉlʉ ogwiha o mɨlɔb bé a dwe e.

Lʉkas 24:27 ပူးပေါင်းရင်းမြစ်များ

Lʉkas 24:44

Nye nzě lɛ́ɛ e bé ó: «Bisyɛ́ɛla bî, byé ó byaá mé á boo lɛ́ɛ bɨ̌n ó, byé ósyɛ́ɛ bí. Mɨná dína lɨ́ etye gá sɔ́má, me á boo lɛ́ɛ bɨ̌n ó, sá yɨ́yɛ̂h dí cɛmá ɨ́ Mekaná mé Nzyɛ̌m, lɨ́ mekaná métié mé Moyɨ̂z, le maá mé ógwíha o mílɔ̌b, le lɨ́ oSâm mé David, dumo e me yɨ́, yé ódira nó.»

Mɨlʉmlʉ 10:43

Ogwíha o mílɔ̌b bɨ́bɛ̂h, bé á si lwib, dumo e né. Bé á lɛ́ɛ ó, mʉr nyɨnyɛ̂h ódyêʼ koo e né nyá, Nzyɛ̌m ópɛʼ bíbaa nyé dí eniʼe ɨ́ lɔ̌b mísyóm myé bí. Nye ósâ nó ó, ɨ́ lɔ̌b mé Yésʉs.»

Yʉanes 5:39

Bɨ̌n bé lɨ́ etoʼo Mékaná mé Nzyɛ̌m, lɨ́ ejwɨʼ ó, bɨ̌n bé óbǐ twǐʼ njʉ̌m dǐ tɨ̂. Tó kœb ó, Mekaná mé Nzyɛ̌m maá, mé ó dí eboʼlo bɨ́n lɔ̌b wâm!

Yʉanes 1:45

Píe tɨ̂, Philippe nzě tó beě Natanaɛ̂l. Nye e né ó: «Bɨ̌h bɨ́ bee mʉ̂r, waá Moyɨ̂z á boo cɛma ɨ́ lɔ̌b wé ɨ́ mekaná métié, maá ógwíha o mílɔ̌b bé á cɛma ɨ́ lɔ̌b wé má. Mʉr waá, nye ó dí Yésʉs, mwân mé Yóseb, mʉr Nazarɛ̂t.»

Lʉkas 24:25

Nó ó Yésʉs á nze lɛ́ɛ e bé ó: «Bɨ̌n bigʉʼlʉgʉ́, bɨ̌n bé ɨ́ buo mésónó, alɨ̌ bûʼlǎ lɔ́ɔ́ ógwíha o mílɔ̌b bé, bé á cɛma wɨ́.

Mɨlʉmlʉ 7:37

«Moyɨ̂z waá ntémé ó b'á lɛ́ɛ e bʉr o b'Ɨ́zraɛ̂l ó: “Nzyɛ̌m ólómlo bɨ́n ngwíha milɔ̌b swîh mpʉ nyé á ntɨh me yɨ́. Nye óbe ó nyɛ̂r Ɨ́zraɛ̂l.”

Mɨlʉmlʉ 3:24

«Táare ɨ́ jɔʼ mé Samuel, pyâl lɨ́ ogwíha o mílɔ̌b bɨ́bɛ̂h, bím bé á lwib yɨ́, bé á lwilwib ó, dumo e bisâ bi dí esyɛ́ɛ ɨ́ melú mâʼ bí.

Mɨlʉmlʉ 3:22

Moyɨ̂z á lɛ́ɛ ó: “Dâ, dí Nzyɛ̌m wɨ́n nyá, ólómlo bɨ́n ngwíha milɔ̌b mpʉ mé dí yɨ̂. Nye óbe ó mʉr kúl yɨ́n. Sá yɨ́yɛ̂h nyé ngá lɛ́ɛ bɨ́n yɨ́, bɨ̌n e sá yê!

Mɨngwiha 19:10

Ejóʼo mé á kʉ jóʼo nó yɨ́, me ntɔ̂ʼ kúrwo sí, píʼe mpóm ɨ́ bibwǎh ɨ́ mpǒm nyé, lɨ́ edwe nyé kûm. Nye nzě lɛ́ɛ e me ó: «Sá asâ nó. Me ntémé, me ó syɛ̂l mesâ mé Nzyɛ̌m mpʉ bɨ́n e bɨ́ɔɔ́ bô dí nɨ̌. Mɨná bɨ́bɛ̂h, bé lɨ́ ebúʼla gá lɔ́ɔ́ Yésʉs á túno wɨ́. Gúmláá sɔ̂ʼ njɨ Nzyɛ̌m.» Lɔ́ɔ́ Yésʉs á túno wɨ́, wé ó b'á dwe ogwíha o mílɔ̌b nkul Sísǐm ó, bé lwíbɨɨ.

Markus 4:34

Jɔʼ bé e bʉr bɨ́bɛ̂h, bé á bɨbe yɨ́, nye á lwilwib ó, ɨ́ nzɨ̌ bikɨkɛna. Nó ɨ́ jɔʼ bé le ompʉ́n bé, bé á bɨbe bé omér yɨ́, nye á lwilwib ó, pâʼla mékǎn.

Yʉanes 5:37

Ntémé, Nzyɛ̌m Sɔ́ŋ, mʉr á ntɨh me nyá, nye mʉr tɨ̂ʼ á be ó sí boʼlo ɨ́ lɔ̌b wâm. Bɨ̌n bé apǎ jóʼo twíí nyé. Bɨ̌n ntémé apǎ bee mpóm nyé.

Yʉanes 12:41

Ésayie á lɛ́ɛ nó ó, ebě, nye á si bee kûm mé Yésʉs. Nó nyé á lwilwib ɨ́ lɔ̌b wé yɨ́.

Mɨlʉmlʉ 3:18

Tó kœb ó, Nzyɛ̌m á lóŋlo ekǎn nyé á lɛ́ɛ ɨ́ minum mí ógwíha o mílɔ̌b bɨ́bɛ̂h lɨ́ ó, cɨɨ e nzɨ̌ syɛ́ɛla yɨ́n yaá. Nye á lɛ́ɛ ó, yé jɨ ó, mʉr nyé á lœm múló mé jwɨ́ɨ nyá nkɛ́yɨɨ mitúú mpʉ́nʉ̌.

Mɨlʉmlʉ 8:35

Philippe ntɔ̂ʼ táare ɨ́ péh Mékaná mé Nzyɛ̌m gwár e gwár yaá, nzě lɛ́ɛ nyé Mbɨambɨa Lɔ́ɔ dí edumo e Yésʉs wɨ́.