Lʉkas 23:5 - Kálar Nzyɛ̌m : Ejwán é Sáá

⁵ Bé ntɔ̂ʼ nyémle métwíí ó: «Lɛ́ʼlá nyé dí edwe bɨ́h wɨ́, wé lɨ́ etô le ebyâ bíntʉ̌ mékwár e mékwár mɛ̂h ɨ́ sí Yʉ́da. Nye á taare esâ nó ó ɨ́ sí Galilê. Nye nzě kumǒ gúmó mɨ́ná dí gá yɨ̂.»

Kálara Zyɛ̌m Edwán é mpʉ̌n

⁵ Bé ntɔʼ lɛɛ okʉkʉ ó: «Bol sikʉlʉ nye lé edwe-dwe bɨh ɨ, yé eto le ebya bɨntʉ é lal Yʉda. Nye a taare lé esa no ó, é lal Galɨle. No ó, nyi ka ze kumo nteme gumo bɨna ndɨ ga wâʼ yi!»

Lʉkas 23:5 ပူးပေါင်းရင်းမြစ်များ

Yʉanes 2:11

Lɨ́haá ó dí esimá lé ésôʼ Yésʉs á nyɛɛ sâ lɨ́, nye ɨ́ Kanâ, ɨ́ sí Galilê. Nye á lɛ̂ʼle nó ó, kûm nyé. Ompʉ́n bé ntɔ̂ʼ báʼǎ buú dyɛ̂ʼwo e né.

Yʉanes 1:43

Ɨ́ mɛ́n tɨ̂, Yésʉs nzě tíʼe ɨ́ lémé wé ó, nyě tó ó ɨ́ sí Galilê. Nye nzě beě Philippe. Nye e né ó: «Dúʼóó mê!»

Markus 1:14

Bê nzě gbâ Yʉánɛs ɨ́ mbʉʼ. Píe tɨ̂, Yésʉs nzě tô sí Galilê, tô le etúnǒ Mbɨambɨa Lɔ́ɔ dí eduho kwá mé Nzyɛ̌m wɨ́.

Mataos 4:23

Nó ó Yésʉs á to le etye ɨ́ bigúmó bí sí Galilê bíbyɛ̂h, tô le edwe bʉ̂r milɛ́ʼlá ɨ́ mempáh mínjɨʼla, le etúnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le etiʼ bʉ̂r o b'á bíle mekpaa mɨ́mɛ̂h bá. Nye á si tiʼ bʉr o bídyɛ̂m bíbyɛ̂h tʉ́ŋlʉ̌ kúl bʉ̂r yé.

Mɨlʉmlʉ 23:10

Nó ɨ́ jɔʼ óleŋéleŋé, wé á be, wé mû lɨ́ ekǎ sahle yɨ́, njwɨ́ɨ bisója nzě jóʼo bʉ́á, ó bé ámû nyǎ Pɔ̂l bipêh bipêh. Sá tɨ̂ʼ ó nyé á dwe bisója nkul ó, byé súlaa sí, nko bʉ̂r, bé á be yɨ́. Bé tô dwǐh Pɔ̂l ɨ́ mebó mɔ́ɔ́. Bé obáʼǎ swîʼ e né ɨ́ kóʼ bísója tʉ́ŋlʉ̌.

Mɨlʉmlʉ 10:37

Bɨ̌n bʉr o tɨ̂, bɨ̌n bé lɨ́ egʉ́ǎ sá yé á syɛ́ɛ ɨ́ sí Yʉ́da yɨ́yɛ̂h yɨ́. Yé á táare ó, ɨ́ sí Galilê, píě ndubó Yʉánɛs á du bʉr wɨ́.

Mɨlʉmlʉ 7:57

Bé ntɔ̂ʼ bʉ̂ bítím lɨ́ ejámlɔɔ nyê, dibɔɔ mégwǎl mɔ́ɔ́, swɨɔɔ nyé ɨ́ nyʉ̂l, bɨ́bɛ̂h ɨ́ piií.

Mɨlʉmlʉ 7:54

Bʉr ó gwɨ́hlá bɨ́ɛ kʉ́ nzě kpaa ébúʼ ɨ́ milémé myɔ́ɔ́ ɨ́ jɔʼ bé á jóʼo nkar nyé yɨ́. Bé ntɔ̂ʼ pûʼlo médye ɨ́ mebúʼ bé á kpaa le Étiene lɨ́.

Mɨlʉmlʉ 5:33

Bʉr o b'á nze ɨ́ gwɨ́hlá bá, bé ntɔ̂ʼ kpaa ébúʼ ɨ́ jɔʼ bé á jóʼo milɔ̌b myaá yɨ́. Bê nzě sáa ó, bé jʉ́ ó bʉr o mílʉ́mlʉ́ baá.

Yʉanes 19:15

Bê nzě báʼǎ táare ébʉ̂ bítím. Bé ó: «Jʉ́ʼóó nyê! Jʉ́ʼóó nyê! Bomlaa nyé ɨ́ kolôs!» Pilátos, nye e bé ó: «Nzê ó, me bómlaa njwɨ́ɨ wɨ́n ɨ́ kolôs ɛ̌?» Ojwɨ́ɨ o mpáh Nzyɛ̌m, bé ó: «Bɨ̌h bé abe e nyʉ́ʉ́ njwɨ́ɨ píe koo mé Kɛ́ɛza.»

Yʉanes 7:52

Bé e né ó: «Nzê go ntémé, go ó mʉr Galilê ɛ̌? Pahlaa Mékaná mé Nzyɛ̌m! Go óbee ó, abe e ngwíha milɔ̌b ngwár dí eduhǒ sí Galilê.»

Yʉanes 7:41

Bʉ́ʉ́, bé ó: «Nye ó Mʉ̌r Nzyɛ̌m á lœm múló mé jwɨ́ɨ nyá.» Bʉ́ʉ́ ntémé, bé ó: «Nzê mʉr waá, nyě e nkul eduhǒ sí Galilê ɛ̌?

Lʉkas 23:23

Bé ntɔ̂ʼ jámle nyé le egbâ nkûl lɨ́ ebɨ́nɔɔ métyêl kʉ́kʉ́ ó: «Bomlaa nyé njɨ ɨ́ kolôs kʉ́.» Nó ó lɔ́ɔ́ wɔ́ɔ́ ó b'á ka ntaa.

Lʉkas 11:53

Jɔ̌ʼ Yésʉs á duhǒ gúmo yaá yɨ́, olɛ̂ʼla o métié le oFarizyɛ̂n ntɔ̂ʼ sáŋɔɔ nyé otié, le esweŋɔɔ nyé e milɔ̌b ɨ́ buo buo.

Mataos 27:24

Mpʉ̌ Pilátos á bee ó, bé á bé akpɛl éjóʼo nyé yɨ́, le ebee ntémé ó, entumo e bʉ̂r, lé ámû sâ bíntʉ̌ yɨ́, nó ó nyé á nze nʉa medíbé, nzě jwɨɨ mébó mé ɨ́ mpǒm entumo e bʉ̂r laá. Nye ó: «Mé anʉa ntœ́b ɨ́ metié me mʉ̂r nyâ! Lɔ̌b wɨ́n ó nɨ̌!»

Mataos 2:1

Yésʉs á byɛ̂l ó, Bétɛlɛhɛm, nkanǎ Yʉ́da. Yé á be ó ɨ́ jɔ̌ʼ Erôd á be njwɨ́ɨ yɨ́. Yésʉs, nyé osí byɛ̂l nɛ́ɛ: ocwóó ó bʉ̂r, bê nzě pyâl ɨ́ Yerʉ́zalɛm, duhǒ nko dʉ́o dí ejɨma yɨ́.

Mataos 11:1

Nó ó, píhe Yésʉs á dwe ompʉ́n bé kám le obá metié, nye nzě duhǒ gúmo yaá, tô le elɛ̂ʼle le elɛ́ɛ mílɔ̌b mé Nzyɛ̌m ɨ́ binkana bí sí yaá.

Lʉkas 23:6

Njóʼá Pilátos á jóʼo milɔ̌b myaá yɨ́, nye nzě dî ó: «Nzê mʉr nyâ, nye ó mʉr Galilê ɛ̌?»