Lʉkas 23:34 - Kálar Nzyɛ̌m : Ejwán é Sáá

³⁴ [Yésʉs ntɔ̂ʼ lɛ́ɛ ó: «Dâ ɛ̌, pɛʼɛɛ̌ baa gô pa láá bé ɨ́ syɛ́ɛla yɨ̂ʼ yɨ́, ebě, bé agʉ́ǎ sá bé dí esâ yɨ́.»] Bisója ntɔ̂ʼ kabla míkán myé, doŋɔɔ myé ebya.

Kálara Zyɛ̌m Edwán é mpʉ̌n

³⁴ Yesʉs ntɔʼ lɛɛ ó: «Da, pɛʼɛ be baa ebebe go niʼe be e, ebe, bé agʉa sa bé lé esa ɛ.» Bɨzima ntɔʼ kabla mɨkan mye, doŋɔ mye ebya.

Lʉkas 23:34 ပူးပေါင်းရင်းမြစ်များ

Mataos 5:44

Nó mɛ̌m lɛ́ɛ́ bɨ́n ó: kpɛlɨɨ gá ontɨ̂m le obɨn bɨ́n. Bɨ̌n a jɨ́ʼlá e Nzyɛ̌m lɨ́ esú é bʉ̂r o dí ebene bɨ́n bá.

Mɨlʉmlʉ 7:60

Nye ntɔ̂ʼ bɨʼ mébóó sí, ntɔ̂ʼ lwib kʉ́kʉ́. Nye ó: «Dâ Yésʉs, gǒ sá aniʼe bé baa ɨ́ lɔ̌b syóm wɔ́ɔ́ wɨ̂!» Píe nyé á bě sí cɨ ékǎn laá yɨ́, nye ntɔ̂ʼ sulǎ swɨ̂h.

1 Pyɛr 3:9

Mʉ̌r sá abɔlǎ syɛ́ɛla ébébe le ebébe. Mʉ̌r sá abɔla mélwɨ́ɨ́ e melwɨ́ɨ. Yé jala yɨ́ɛ ó, bɨ̌n yálaa baányâ-melwɨ́ɨ ó, lɨ́ esyɛɛ bé metyéelé, ebě, Nzyɛ̌m á jébe bɨ̌n ó, bɨ̌n sâʼ nó. Bɨ̌n bé onʉa métyɛʼ me mpóm mé Nzyɛ̌m mpʉ nkɔ̂b líʼe nyɨ́n.

Rôm 12:14

Syɛyɨɨ gá baá o dí etíble bɨ́n bá metyéelé. Líʼe ó, bɨ̌n syɛ́mɨɨ bê, syɛyɨɨ gá bé metyéelé.

1 Korɛnt 2:8

Abe e yʉ́ʉ́ nkáatǐr sí yɨ̂ʼ, yé á gʉ́a ocwóó waá. Yé bé binkáatir byaá, byé á bě sí gʉ́a wé nó, lɛ́ɛ́, byé á bé abomlo Tî Yésʉs e binzâŋ, le ebɨ̂n nyé ɨ́ kolôs kʉ́. Nyɨɛ ó dí Tî dí e kûm nyá.

1 Timotɛ 1:13

mɛm yɨ́ɛ mʉr á sɨsâ Nzyɛ̌m nkěh ɨ́ melú mé épíhe nyá. Me á si tíble bʉr bé, le edîʼ mpêl. Damá jóʼǒ mpʉ mé á sâ syɛ́ɛla yaá yɨ́, Nzyɛ̌m á si jɨ̂ʼ me nkoó, nyɨɛ lɨ́ egʉ́a ó, bisyɛ́ɛla mé á sɨsâ bí, byé á jaa tɨtɨ̂ ó, njɨ lɨ́ egʉʼla lâm, le abûʼla wǎm.

Mɨlʉmlʉ 3:17

«Bɨ́ɔɔ́ bâm! Okɛ́l bâm! Me lɨ́ egʉ́a ó, táare e bɨ̌n, kumo le ojwɨ́ɨ bɨ́n, bɨ̌n bé á gʉʼla ó, gʉʼláa ɨ́ lɔ̌b mé Yésʉs.

1 Korɛnt 4:12

Bɨ̌h bé lɨ́ eséǎ syɛ́ɛ́ dí ɨ́ lele lele yɨ́, lɨ́ esáǎ twiʼ yɨ́h, bɨ̌h bʉr o tɨ̂. Jɔʼ bé dí elwɨ́ɨ bɨ́h yɨ́, bɨ̌h bɨɛ̌ sʉ bé ó, metyɛʼ me mpóm. Jɔʼ bé dí etíble bɨ́h yɨ́, bɨ̌h bé lɨ́ edûhwo bê.

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

Yʉanes 19:11

Yésʉs, nye e né ó: «Nzyɛ̌m óbe, adwe nkûl nó, gó abe e nkul esâ mé sɔ̂ʼ. Sâ gwár, mʉr bɛ́má mé nyá nyɨɛ, nye ólîʼ e mebyaʼ, laa gô.»

Markus 15:24

Bé ntɔ̂ʼ bomlo nyé e binzâŋ, bɨ́nɔɔ nyé ɨ́ kolôs kʉ́, nzě kabla míkán myé, doŋɔɔ myé ebya, bé nkʉ̂ gʉ́a nkɔ̂b mʉ̂r nyɨnyɛ̂h ɨ́ sɔ́má yɔ́ɔ́ ngá nʉa nyɨ́.

Mataos 11:26

Dâ, yé ó nó. Me lɨ́ egúmlo gô, ebě, go á komlo ó, yé syɛ́yɨɨ nó.

Lʉkas 22:42

Nye e né ó: «Dâ ɛ̌, gó kam nó, pɛʼɛɛ mé ɨ́ mitúú mî. Damá jóʼo nó, yé díʼee abě mpʉ mɛ̂m dí ekpɛl yɨ́, njɨ mpʉ gúa dí ekpɛl yɨ́.»

Yʉanes 17:9

«Mě jɨʼlá e go ó, lɨ́ esú lɔ́ɔ́. Mé ajɨʼla lɨ́ esú é bʉ̂r ó sí yɨ̂, njɨ lɨ́ esú é bʉ̂r o gó á dwe me bá, ebě, bɨ́haá, bé ó bô.

Mɨlʉmlʉ 16:28

Nó ó, Pɔ̂l á bɨ̂n twíí kʉ́ e nkul nyé nyɨnyɛ̂h. Nye e né ó: «Ayɨ́ jʉ̂ nyʉ̂l nyǒ. Bɨ̌h bɨ́bɛ̂h dína ó wâ.»