Lʉkas 23:33 - Kálar Nzyɛ̌m : Ejwán é Sáá

³³ Bê nzě pyâl gúmó bé jɨ́jébé ó, “Bʉ̌n Lʉ̂” yɨ́. Bé ntɔ̂ʼ bomlǒ Yésʉs e binzâŋ, bɨ́nɔɔ nyé ɨ́ kolôs kʉ́, bomlɔɔ ntémé osyɛ̂l bé ébébe obá baá: nyâ, ɨ́ yé kolôs ɨ́ páʼ mbó éjʉ́m mé Yésʉs; nyʉ́ʉ́, ɨ́ mbó émyɛ̌l.

Kálara Zyɛ̌m Edwán é mpʉ̌n

³³ Bé ze pyal gumo bé lé ejebe-jebe ó, Koko lʉ ɨ. Bé ze bomlo nye e mosen, bɨnɔ nye é klos kʉ. Cyèlɔ nteme bɨzilngan é bɨklos: yiʼ, é mbo ejʉm; yʉʉ, é mbo emyɛl.

Lʉkas 23:33 ပူးပေါင်းရင်းမြစ်များ

1 Pyɛr 2:24

Krîst á si bɛb misyóm gá míná, ntɔ̂ʼ dwe e myé ɨ́ kolôs. Nye á sâ nó ó, mɨná nkʉ̂ dwe gá ɨ́ nkǒ páʼ mísyóm, ntɔ̂ʼ tíʼe lɨ́ otîtyěl. Mɨná bé á be gá ó, mimbêl. Mɨná ntɔ̂ʼ kǎ tíʼe gá ɨ́ nkul mepɨ́ɨ́ mé.

Yʉanes 18:32

(Yé á syɛ́ɛ nó ó, mekǎn nyé á lɛ́ɛ má, mé díraa. Nye á be ɨ́ boó lɛ̂ʼle bé mbi éswie nyé ngá dwe wɨ́.)

Galásia 3:13

Mpʉ mɨ́ná dí abaʼle gá metié yɨ́, nó ó, Nzyɛ̌m, nyɨ́ syɛm mɨ́ná gâ. Sâ gwár, Yésʉs-Krîst á si dwih mɨná gá ɨ́ mpila ébébe, le enʉa méswomlʉ maá mɨ́mɛ̂h ɨ́ nyʉ̂l nyé lɨ́ esú gá lɨ́ná, ebě, yê cɛmá ó: Mʉr nyɨnyɛ̂h á tyelɔɔ ɨ́ lɨ́ kʉ́ nyá, nye ó waá Nzyɛ̌m á syɛm nyá.

Mɨlʉmlʉ 13:29

Jɔʼ bé á sil esâ sá yɨ́yɛ̂h yé á be cɛmá ɨ́ Mekaná mé Nzyɛ̌m, dumo e né yɨ́, bê nzě pɛʼ nyé ɨ́ kolôs kʉ́, ntɔ̂ʼ dɨlɔɔ̌ múú wé.

Mɨlʉmlʉ 5:30

Nzyɛ̌m bimpám gá bíná á si pɛh Yésʉs, dwih nyé lɨ́ odwe. Yésʉs waá ó bɨ́n á jʉ̂ lɨ́ ebomlo nyé e binzâŋ, bɨ́nɔɔ nyé ɨ́ kolôs kʉ́ nyá.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Yʉanes 3:14

Jwɨʼ gwár Moyɨ̂z á nʉa mveʼle nyʉ́a, gbâ ɨ́ lɨ́, bɨ̂n yé kʉ́ ɨ́ lʉá yɨ́, jwɨʼ gwár yaá ntémé ó Mwân mé Mʉr jálá le ebɨ́nɔɔ kʉ́ yɨ́.

Lʉkas 24:7

“Yé jala ó, bé bɛ́maa Mwân mé Mʉr, tímle nyé ɨ́ mebó mé ósyɛ̂l o mísyóm. Bé óbomlo nyé ɨ́ kolôs kʉ́. Nye ódwe, debe ɨ́ soo. Nye ójâ ɨ́ soo melú mébá. Lɨ́ elú élɛ̂l, nyé opah.”»

Mataos 26:2

«Bɨ̌n bé lɨ́ egʉ́a ó, nzɔɔ Páska, nyɨ́ kǎ lîʼ mélú mébá ó, nye bwálɔɔ. Nó ó Mwân mé Mʉr ónzě bɛ́mɔɔ, ó bé bómlaa nye ɨ́ kolôs kʉ́.»

Mataos 20:19

Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»