Lʉkas 22:53 - Kálar Nzyɛ̌m : Ejwán é Sáá

⁵³ Me á bɨbe dʉ́ó lɨ́lɛ̂h ó, témé sɔ́má yɨ́n ɨ́ mpáh Nzyɛ̌m, bɨ̌n l'akɛl mé mbô ɨ́ nyʉ̂l. Nó bɨ̌n ka mɛ́r mé ɨ́ báánâʼ ó, ebě, lɨ̂ʼ éwala mû ó laá lɨ́n e laá mpóʼo mé Sátan.»

Kálara Zyɛ̌m Edwán é mpʉ̌n

⁵³ Bɨna bé a be ga ó, dobo lɨlɛh é jahla bii mo Zyɛm. Bɨn bé a baakɛl me mbo é nyʉl. Bɨn bé emɛr mé é bananaʼ ó, ebe, ewala lɨ, lé mu ó jɔʼ yin, bɨn boo Satan!»

Lʉkas 22:53 ပူးပေါင်းရင်းမြစ်များ

Éfɛsɔs 6:12

Ebě, yé abe ó, mɨná tɛ́l gá ó e bʉr ó sí yɨ̂. Mɨná lwímlá gá ó, le misísǐm mi dí milʉ̂ mí, le myaá mi nkûl, le myaá mi dí ejwɨ́ɨ ɨ́ mpóʼo edúrʉ́ʉ́ lɨ̂ʼ mí, le meleme me dí páʼ jʉ́o le ejwoo má.

Yʉanes 12:27

«Ɨ́ báánâ, lémé wâm, wé mû ó lɨ́ ekʉ́ jóʼǒ túú. Nó ó, me ólɛ́ɛ yé? Nzê me lɛ́yɨɨ Sɔ́ŋ wǎm ó, nye pɛ́ʼɛɛ me ɨ́ sá múo nzě pyâl mé ɨ́ báánâʼ yɨ̂ʼ ɛ̌? Heʼé, ebě, me á nze ó ɨ́ lɔ̌b sâ yaá, ó me bɔ́maa e mitúú mí tɨ̂.

Kolosi 1:13

Nzyɛ̌m, nyɨ́ dwih mɨ́ná gá le onɔ́ɔ́ ɨ́ mpél édúrʉ́ʉ́, ntɛŋ mɨ́ná gá ɨ́ mpóʼo Mwâ kpɛ̌l wé dí ejwɨ́ɨ nyɨ́.

Mɨlʉmlʉ 26:18

Mě lómó gó ó, go tô bɛ́ɛ bʉ̂r mîh. Go dwíhɨɨ bé lɨ́ edúrʉ́ʉ́, tyen bé ɨ́ myɛ́n; dwih bé ɨ́ jwɨ́ɨ́ mé Sátan, tyen bé kwá mé Nzyɛ̌m. Bé ódyɛ̂ʼwo e me nó, me ópɛʼ bíbaa bí ébébe mé á niʼe bé bí, ntɔ̂ʼ dwe bé diá ɨ́ sɔ́má bʉ̂r bâm dí mipubá bá.”»

Yʉanes 7:45

Bisója nzě báʼǎ tóŋɔɔ̌ nko ójwɨ́ɨ o mpáh Nzyɛ̌m le oFarizyɛ̂n bé á be yɨ́. Bé e bisója ó: «Bɨ̌n bé amɛ̂r nyê, nze e né ɨ́ yé?»

Yʉanes 14:30

Me ákǎ báʼǎ buú lwib e bɨ̌n, ebě, njwɨ́ɨ sí yɨ̂, nye mû ó lɨ́ enze. Nyé abe e nkul ejwɨ́ɨ mɛ̂m yɨ́ɛ.

Yʉanes 7:30

Bé á sɨsáa ó, bé mɛ́r ó nye. Sâ gwár, abe e mʉr á gbâ nye mbô ɨ́ nyʉ̂l, ebě, jɔʼ éswie lé, yé á bé apǎ pyâl.

Mataos 21:23

Yésʉs nzě nî mpáh Nzyɛ̌m. Jɔʼ nyé á be lɨ́ edwe bʉ̂r milɛ́ʼlá yɨ́, ojwɨ́ɨ ó tɨ̂ʼ le otɔ́má bʉ̂r o b'Ɨ́zraɛ̂l, bê nzě dî e né ó: «Nzé á lómo go ó, go sâʼ bisá bî? Go ntémé pʉgʉ́ sâ byé e nkul jwɨ́ɨ mé nzé?»

Lʉkas 22:52

Yésʉs ntɔ̂ʼ lɛ́ɛ ójwɨ́ɨ o mpáh Nzyɛ̌m, le ojwɨ́ɨ bé ódwéela o tɨ̂, le otɔ́má bʉ̂r o b'Ɨ́zraɛ̂l, bé á mɛ̂r nye bá ó: «Bɨ̂n nzé le opasoŋ le mimbɨ́ŋ ó, nzê bɨ̂n jóʼó ó, me ó nzilngǎn ɛ́?

Lʉkas 22:54

Nó bé ntɔ̂ʼ mɛ̂r Yésʉs, tóŋɔɔ e né ɨ́ mbɛ̌r njwɨ́ɨ opara. Pétrus á be ó lɨ́ edû nyé e ncɛrá.

Yʉanes 13:30

Lě Yʉ́das á kʉ nʉa blêr, le nyé á tô kʉ̌l. Yé á be ó ɨ́ pum.