Lʉkas 22:42 - Kálar Nzyɛ̌m : Ejwán é Sáá

^42-44 Nye e né ó: «Dâ ɛ̌, gó kam nó, pɛʼɛɛ mé ɨ́ mitúú mî. Damá jóʼo nó, yé díʼee abě mpʉ mɛ̂m dí ekpɛl yɨ́, njɨ mpʉ gúa dí ekpɛl yɨ́.»

Kálara Zyɛ̌m Edwán é mpʉ̌n

⁴² Nye e nye ó: «Da, yé be ó, gɨ gwɨm pɛʼ me é mɨtuu miʼ nɛʼɛ, yé é mbɨa! Yé óbe l'abe no nɛʼɛ, yé diʼe abe mpʉ mɛm lé egwɨm ɨ, njɨ mpʉ gwɔɔ lé egwɨm ɨ.» [

Lʉkas 22:42 ပူးပေါင်းရင်းမြစ်များ

Mataos 26:39

Nye nzě bá tô dóló, ntɔ̂ʼ kúrwo sí, píʼe mpóm ɨ́ bibwǎh, nzě jɨʼla e Nzyɛ̌m. Nye e né ó: «Dâ ɛ̌, yé óbána nó, sáʼ ó me l'ayɨ́ bɔma e mitúú mî. Sâ gwár, yé díʼee, abě mpʉ mé dí ekpɛl yɨ́, njɨ mpʉ gó dí ekpɛl yɨ́.»

Mataos 26:42

Nye ntɔ̂ʼ báʼǎ tô ɨ́ jɔʼ mbá, tó jɨʼla e Nzyɛ̌m. Nye e né ó: «Dâ ɛ̌, yé óbe, abána ó, mitúú mîʼ láŋaa me, me l'abɔma e myé nó, sáʼ mpʉ̌ gwɨ́má yô dí yɨ́.»

Markus 14:36

Nye nzě lɛ́ɛ ó: «Dâ ɛ̌, sɔ̂ʼ, yé akâr gô. Sáʼ ó me l'ayɨ́ bɔma e mitúú mî. Damá jóʼo nó, yé ayɨ́ syɛ́ɛ̌ mpʉ mɛ̂m kpɛl yɨ́, njɨ mpʉ gó kpɛ̂l yɨ́!»

Yʉanes 18:11

Yésʉs, nye e Pétrus ó: «Swamaa pâsoŋ gǒ lɨ́ ebɔ́m. Nzê gǒ jwɨ̌ʼ ó, me ánkɛ́ɛ mítúú Sɔ́ŋ wǎm dwé mé mîʼ ɛ̌?»

Mataos 20:22

Yésʉs nzě lɛ́ɛ e bé ó: «Bɨ̌n bé agʉ́ǎ sá bɨ́n dí yɨ́. Nzê bɨ̌n bé e nkul enkɛ́ɛ mítúú mé mû kúno enkɛ́ɛ mí ɛ́?» Bé e né ó: «Bɨ̌h bé e nkul enkɛ́ɛ.»

Yʉanes 5:30

«Mé abe e nkul esâ yʉ́ʉ́ sɔ̂ʼ e mɛm mʉr tɨ̂. Mě tíʼé mílɔ̌b ó, njɨ̌ mpʉ̌ Nzyɛ̌m dí elɛ́ɛ mé yɨ́. Etíʼ é mílɔ̌b lâm, lé ó tîtyěl, ebě, mé abe lɨ́ esâ mpʉ mé dí egwɨ̂m yɨ́, njɨ̌ mpʉ mʉ̂r á ntɨh me nyá dí egwɨ̂m yɨ́.

Yʉanes 6:38

Ebě, me á bé aduho ɨ́ jʉ́o kʉ́, lɨ́ enzě sâ gwɨ́má yâm, njɨ gwɨ́má mʉ̂r á ntɨh me nyá.

Yʉanes 4:34

Yésʉs, nye e bé ó: «Mede mâm, mé ó, me sâʼ gwɨ́má mʉ̂r á ntɨh me nyá, le esîl syɛ́ɛ́ nyé á lɛ́ɛ ó, me ntáa nzě séa yɨ́.

Mataos 26:44

Jɔʼ yaá ó nyé á líʼe bê, nzě báʼǎ tó jɨʼla ɨ́ jɔʼ lɛ̂l, lɨ̂lɛɛ̌ njɨ mekǎn mempwár.

Mataos 6:10

Jwɨ́ɨ́ yô, yé ntâʼ. Mitíʼá mí lémé gô, myé syɛ́yɨɨ ɨ́ sí yɨ̂, mpʉ ntémé myé dí esyɛ́ɛlɨ ɨ́ jʉ́o kʉ́ yɨ́.

Mataos 11:25

Jɔʼ yaá ó Yésʉs á nze lɛ́ɛ ó: «Dâ, me lɨ́ edwe gó kûm, gua Njwɨ́ɨ kʉ́ e sí, ebě, go á si lɛ̂ʼle bʉr o dí mpʉ bwá ó ntwǒm bá bisá gó á sol ocwóó le ogwɨ́a ó sí yɨ̂ʼ bí.

Mataos 11:26

Dâ, yé ó nó. Me lɨ́ egúmlo gô, ebě, go á komlo ó, yé syɛ́yɨɨ nó.

Lʉkas 23:34

[Yésʉs ntɔ̂ʼ lɛ́ɛ ó: «Dâ ɛ̌, pɛʼɛɛ̌ baa gô pa láá bé ɨ́ syɛ́ɛla yɨ̂ʼ yɨ́, ebě, bé agʉ́ǎ sá bé dí esâ yɨ́.»] Bisója ntɔ̂ʼ kabla míkán myé, doŋɔɔ myé ebya.

Mɨlʉmlʉ 21:14

Mpʉ nyé á be abe e nkul ejóʼo bɨ́h yɨ́, bɨ̌h ntɔ̂ʼ di ɨ́ jolaaa. Bɨ̌h á jaa ka yala epíhe ó, njɨ: «Gwɨ́má mé Tî Yésʉs, yé syɛ́yɨɨ bé.»