Lʉkas 22:32 - Kálar Nzyɛ̌m : Ejwán é Sáá

³² Sâ gwár, me á si jɨʼla e Nzyɛ̌m lɨ́ esú lô, ó búʼó yô, yé sá akur. Jɔʼ nyé ósâ nó, go ntémé sí báʼǎ nze kwá nyǎm yɨ́, go e súʼó bɨ́ɔɔ́ bô bibúʼó byɔ́ɔ́!»

Kálara Zyɛ̌m Edwán é mpʉ̌n

³² Sa gwar, me a si jwɨʼla e Zyɛm é l'efu lo, ó buʼo yo, yé beʼ l'akur. É jɔʼ nye ósa no e, ǃgo nteme bâʼle ze boo me nɛʼɛ, go à gba obɨɔ bo nkul é monyʉl.»

Lʉkas 22:32 ပူးပေါင်းရင်းမြစ်များ

Rôm 8:34

Nzé óláa mɨ́ná gá bibaa bí ébébe, le edwe mɨ́ná gá bintɨ́ʼá? Abe e mʉr! Yésʉs-Krîst á si dwe, búra e mɨná gâ. Yé abě njɨ nó. Nye á si pah, duho lɨ́ odwe, tó di ɨ́ mecwɨ́ɨ́, ɨ́ mbó éjʉ́m mé Nzyɛ̌m Sɔ́ŋ. Nye ó mʉr nkɔ̌m, waá dí ekamle e mɨná gá nyá.

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

2 Pyɛr 3:14

Bʉr ó kpɛ̌l bâm! Mpʉ mɨ́ná dí ebóno gá móhó waá yɨ́, sáʼ gá sɨ́n lɨ́ edi e mepyɛbla páʼ nyɨ́n, tó pyâl ɨ́ jɔʼ nyé óbáʼǎ nze yɨ́. Sáŋáá gá ó, bɨ̌n díʼee mpʉ nyʉ̂l mé Krîst dí abe e mebar nyɨ́. Diʼee gá abe le ebébe bé óboʼlo bɨ́n e tɨ̂ʼ lɨ́.

1 Pyɛr 1:5

Nzyɛ̌m mû baʼle bícwiʼ bín ó e nkul nyé, ebe bɨ́n dí edyɛ̂ʼwo e né yɨ́. Nyě baʼlé mɨ́ná gá ó, lɨ́ esú lé édwe mɨ́ná gá twǐʼ njʉ̌m dǐ. Twiʼ yaá ó dí ebóno mɨ́ná gá yɨ́. Nye ólɛ̂ʼle bʉ̂r bɨ́bɛ̂h yǎ ó, lɨ́ elú lé ósûʼla lɨ́.

Lʉkas 8:13

Bʉ́ʉ́ bʉ̂r, bé ó mpʉ̌ mpeʼ dí mbeá ɨ́ sí mékóʼ yɨ́. Bé lɨ́ enʉǎ lɔ́ɔ waá jɔʼ bé dí ejóʼo wé yɨ́. Sâ gwár, bé abîr ó, lɔ́ɔ waá, wé páhaa mikaalé ɨ́ milémé myɔ́ɔ́. Bé jaá bûʼla wé ó, njɨ ɨ́ mâ jɔʼ. Bé ntɔ̂ʼ gbɔba e búʼó yaá ɨ́ jɔʼ bʉ̂r mû lɨ́ etíble bé lɨ́ esú é búʼó yaá yɨ́.

Mɨlʉmlʉ 3:19

Nó túmáá gá mikoo e misyóm mín. Bɨ̌n a dwírá míléme, Nzyɛ̌m nkʉ̂ pɛʼ bíbaa bí ébébe nyé á niʼe bɨ̌n bí!

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

Ebrœ̂ 12:15

Gwá di gá le ocwóó, ó mʉ̌r sá abɔ́ʼa e Nzyɛ̌m dí e mpam nyá. Kaalé dí ɨ́ dwie dwie wɨ́, wé sá apâh bíntoʼdu, ntɔ̂ʼ lœʼ bʉ̂r ɨ́ buo buo ɨ́ míh mé Nzyɛ̌m.

Mataos 18:3

«Mě lɛ́ɛ́ bɨ́n lɨ́ otyeetye ó, bɨ́n bé adwira, báʼǎ dǐ mpʉ bwá ó ntwǒm nó, bɨ̌n bé ákóʼó nî níʼée ɨ́ Mpóʼo mé Dâ Nzyɛ̌m.

1 Yʉanes 2:19

Bʉr baá, bé á si duho ɨ́ sɔ́má gá yɨ́ná. Bé á bé abe yɨ́ɛ bɨ́ɔɔ́ gá bɨ́ná. Yé bé bé á be ó bʉr ó sɔ́má gá yɨ́ná nó, mpa mɨná gá le onɔ́ɔ́, bé dína ó tɨ̂, kumo mûh. Tó kœb ó, yé á jala ó, bé tôʼ, yé nkʉ̂ nyɨ̂n ɨ́ kpɛŋlɛm ó, abe e mʉr sɔ́má yɔ́ɔ́ á be ɨ́ nkɔ̌m gá nyɨ́ná.

Yʉanes 14:19

Yɨ́ lîʼ bá tîtííǎ: sí yɨ̂, yé ákǎ bee mê. Sâ gwár, bɨ̌n bɨɛ óbee mê. Ɨ́ mpʉ mé dí kublakúbla yɨ́, nó yé lɛ́ʼlé ntémé ó, bɨ̌n bé ótiʼe ó tɨ̂ʼ yɨ́.

Markus 14:72

Tyé e tyé yaá, njʉ́m kúo ntɔ̂ʼ kwâʼ ɨ́ jɔʼ mbá, Pétrus ntɔ̂ʼ símsǎ sá Yésʉs á lɛ́ɛ e né ó: “Njʉ́m kúo dína apǎ kwâʼ nzɔ̂ʼ bá, go ókɛ́la mé nzɔʼ lɛ̂l” yɨ́. Nye ntɔ̂ʼ gɔ́na le ejɨ.

Markus 16:7

Tóʼ gâ. Tó lɛ́ɛ gá ompʉ́n bé ndu e Pétrus ó: “Nyɨ́ sámle, lɨ́ etô bóno bɨ́n ɨ́ sí Galilê! Gʉ̂ʼ ó bɨ́n ngá bee nyê mpʉ nyé á boo lɛ́ɛ bɨ̌n yɨ́.”»

Mataos 26:75

Jɔʼ yaá ó Pétrus á símsa sá Yésʉs á lɛ́ɛ e né ó: «Njʉ́m kúo dína apǎ kwâʼ, go ókɛ́la mé nzɔʼ lɛ̂l» yɨ́. Nye nzě tô kʉ̌l, ntɔ̂ʼ gɔ́na le ejɨ ɨ́ buo buo.

1 Pyɛr 1:1

Yé ó mɛm Pétrus, mʉr milʉ́mlʉ́ mé Yésʉs-Krîst ó dí ecɛma bɨ́n mekaná mâ. Mě cɛmá ó, bʉr ó Nzyɛ̌m á twâr, dí etíʼě mpʉ ójwóo ɨ́ sí yɨ́yɛ̂h, mingbɛhá míngbɛhá ɨ́ mesí mé Pɔ́ŋtos, Galásia, Kapadosía, Azía le Bitinî bá.

Rôm 8:32

Nzyɛ̌m nyɨɛ á bé akamle e Mwân wé. Nye á syɛ́ɛla twiʼ Mwân wé ó e bicwiʼ gá bíná, mɨná gá óbɛ̂h. Nzyɛ̌m pǎ nyɛɛ́ dwe mɨ́ná gá Mwân wé, á dwɛʼra e bisá bíswîh bíbyɛ̂h! Nye óbánǎ dwe mɨ́ná gá byǎ ntémé mpʉ nyé á pa dwe mɨná gá Mwân wé yɨ́.

Títos 1:1

Yé ó mɛm Pɔ̂l, syɛ̂l mesâ mé Nzyɛ̌m, ndu e mʉr milʉ́mlʉ́ mé Yésʉs-Krîst ó dí ecɛma mékaná mâ. Yésʉs-Krîst á lómo me ó, me tô kɛm bʉ̂r ó Nzyɛ̌m á twâr bá, lɨ́ egbâ bé pîm ɨ́ búʼó. Bé gʉ́ŋaa otyeetye, waá ngá sâ ó, bé dwáawaa Nzyɛ̌m wɨ́.

2 Timotɛ 2:18

Bɨ́ sâ ébébe énɨ́nɨ́ɨ́. Bé amɛ̂r ótyeetye. Bé lɛ́ɛ́ ó, Nzyɛ̌m, nyɨ́ boó pɛh ódwe kɔ́m. Lɔ́ɔ́ wɔ́ɔ́ waá, wɨ́ dímle bʉ́ʉ́ óbûʼla búʼó yɔ́ɔ́.