Lʉkas 22:26 - Kálar Nzyɛ̌m : Ejwán é Sáá

²⁶ Sâ gwár, páʼ nyɨ́n, yé abe nó. Mʉr láá bɨ́n bɨ́bɛ̂h nyá, nye ɨ́ jala le ebe ó mpʉ mâ ntwǒm. Bʉr o dí ejwɨ́ɨ bɨ́n bá, bé ɨ́ jala le enyɨ̂n mpʉ baá o dí eka bʉ́ʉ́ mede bá.

Kálara Zyɛ̌m Edwán é mpʉ̌n

²⁶ Sa gwar, paʼra win, mʉr lé elaa bɨn bɨbɛh ɛ, nye abe no. Laa ó, nye lɛʼla mpel, nye fuo di yɛɛ ó mpʉ mancyom. Bʉr o ndɨ ejwɨʼ bɨn ɨ, bé ejala le enyin mpʉ baa lé esea e bʉʉ ɨ.

Lʉkas 22:26 ပူးပေါင်းရင်းမြစ်များ

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

1 Pyɛr 5:3

Ayɨ́ jwɨ́ɨ gá e bʉr o b'á tímlɔɔ bɨ̌n bá e cére. Tɨ́áá gá bé kʉ̌ tyen bé jálá le edû wɨ́.

Lʉkas 9:48

Nye nzě lɛ́ɛ e bé ó: «Mʉr nyɨnyɛ̂h ngá nʉǎ mbi mâ ntwǒm wɨ̂ʼ mbɨ̂mbɨá ɨ́ díé lâm nyá, nyɨ́ nʉa mé mʉr tɨ̂. Mʉr nʉ́á mé nyá, nyɨ́ nʉa ntémé mʉr á ntɨh me nyá. Ɨ́ sɔ́má yɨ́n, mʉr bɨ́n bɨɛ béé ó, nye ó dí ɨ́ buú twâʼwo nyá ó dí waá láá bɨ́n bɨ́bɛ̂h nyá.»

Markus 9:35

Nó ó Yésʉs á nze di sí, ntɔ̂ʼ jébe ómpʉ́n bé kám le obá. Nye ó: «Mʉr kpɛ́l étyɛ̂b ésôʼ nyá, nye díʼee mʉr epíhe ɨ́ sɔ́má yɨ́n, bɨ̌n óbɛ̂h. Nye e dí syɛ̂l mesâ wɨ́n, bɨ̌n óbɛ̂h.»

Rôm 12:2

Adû gá metum me bʉ̂r ó myǎ wɨ̂. Yé jala ó, Nzyɛ̌m dwêʼ bɨ̌n bijwɨʼ bidwân, ó nye dwírɨɨ bɨ̌n miléme. Nó ó bɨ́n ngá gʉ́ǎ sá Nzyɛ̌m dí ekpɛl yɨ́. Bɨ̌n bé ogʉ́ǎ sá dí ɨ́ mbɨa yɨ́, sá dí ejala e né yɨ́, ndu e yaá dí ɨ́ pémémé ɨ́ mipáʼ mímyɛ̂h yɨ́.

Mataos 20:26

Sâ gwár, ɨ́ páʼ nyɨ́n, mbǐ syɛ́ɛla waá, wé ajala le esyɛ́ɛlɨ. Mʉ̂r ngwár ɨ́ sɔ́má yɨ́n sí kpɛl édi njwɨ́ɨ nó, nye díʼee syɛ̂l mesâ wɨ́n.

Markus 10:43

Sâ gwár, mbǐ syɛ́ɛla waá, wé ajala le esyɛ́ɛlɨ páʼ nyɨ́n. Mʉ̂r ngwár ɨ́ sɔ́má yɨ́n sí kpɛl édi njwɨ́ɨ nó, nye díʼee syɛ̂l mesâ wɨ́n.