Lʉkas 22:22 - Kálar Nzyɛ̌m : Ejwán é Sáá

²² Mwân mé Mʉr ódwě mpʉ̌ Nzyɛ̌m á boo tíʼe ɨ́ lɔ̌b wé yɨ́. Sâ gwár, nkoó, nye ó le mʉr ngá bɛ́ma nyé nyá!»

Kálara Zyɛ̌m Edwán é mpʉ̌n

²² Yé ó no: Mwan mo Mʉr ódwè mpʉ Zyɛm a bɛa tiile, tiibe e nye e. Sa gwar, a vwaʼ e mʉr ókɛha nye e!»

Lʉkas 22:22 ပူးပေါင်းရင်းမြစ်များ

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Lʉkas 24:46

Nye ó: «Mekaná mé Nzyɛ̌m, mé lɨ́ elɛ́ɛ ó, Mʉ̌r Nzyɛ̌m á lœm múló mé jwɨ́ɨ nyá, nye ɨ́ jala le esia e mitúú, dwe, nzě pah ɨ́ soo lɨ́ elú élɛ̂l.

2 Pyɛr 2:3

Bibɨ́bla bí ólɛ̂ʼla byaá, byé ókûhlo bíkɨkɛna lɨ́ edû gwɨ́má ébi bísâ. Byé onze le egwâm bɨ́n bisâ. Sâ gwár, boó táarě kɔ́m, Nzyɛ̌m, mʉr pá dí Tîʼ milɔ̌b wɔ́ɔ́ nyá, nye mû ó ɨ́ cǎr lɨ́ edwe byé bintɨ́ʼá ɨ́ milɔ̌b myɔ́ɔ́ nyé á boo tíʼe mí. Mʉr ngá dwe byé bébebébe bintɨ́ʼá waá, jʉ̂ byé nyá, nye ɨ́ doho ɨ́ mpʉ̂n nyɔ́ɔ́.

1 Pyɛr 1:11

Bé á be ó lɨ́ egwɨ̂m égʉ́a mʉ̂r Sísǐm mé Krîst á lwilwib, dumo e né nyá, le jɔʼ nyé ótíʼe yɨ́. Tó kœb ó, Sísǐm mé Nzyɛ̌m, wé á boʼlo ó, dumo e mitúú Krîst á jala le esia e myé mí, ti e kûm nyé ókǎ báʼǎ bi píe tɨ̂ʼ nyɨ́. Nye á boʼlo nó ó, bisyɛ́ɛla bi tɨ̂ʼ dína apǎ syɛ́ɛ.

Yʉanes 17:12

Jɔʼ bɨ́h le onɔ́ɔ́ bé á bɨbe yɨ́, me á bɨbaʼle bé ó e nkul díé lô gó á dwe me lɨ́. Me á si kamle e bê. Kâr mʉ̂r ngwár á dîm ɨ́ sɔ́má yɔ́ɔ́, alaa ó, waá á boo be ó, nye ɨ́ jala le edîm nyá. Nye á si dîm lɨ́ esú ó, sá dí cɛmá ɨ́ Mekaná mé Nzyɛ̌m yɨ́, yé díraa.

Markus 14:21

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr óbɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

Mataos 27:5

Nye nzě guho bé minzaŋ mí mɔnɨ́ myaá ɨ́ mpáh Nzyɛ̌m tʉ́ŋlʉ̌, ntɔ̂ʼ tô kʉ̌l, tó tyeelě kǒl ɨ́ twíí, dwe.

Lʉkas 22:23

Bê nzě tô le edíila métíá páʼ nyɔ́ɔ́, lɨ́ edǐ gʉ́a mʉ̂r á be e nkul esâ mbǐ syɛ́ɛla waá ɨ́ sɔ́má yɔ́ɔ́ nyá.

Mɨlʉmlʉ 10:42

Nye á si lɛ́ɛ e bɨ̌h ó, bɨ̌h tôʼ le etúnǒ Mbɨambɨa Lɔ́ɔ́ wé, ó: Yésʉs ó dí mʉ̌r Nzyɛ̌m á tyêl ɨ́ dǐ tîʼ milɔ̌b, waá ngá tíʼe míkublakúbla le odwe milɔ̌b nyá.

Mɨlʉmlʉ 17:31

Nó nyé á tyêl dʉ́ó nyé ngá tíʼe bʉ̂r ó sí yɨ̂ʼ bɨ́bɛ̂h milɔ̌b myɔ́ɔ́ lɨ́ otîtyěl lɨ́. Nye ntémé, nyɨ́ pɛ̂h mʉ̂r ngá tíʼe mílɔ̌b myɔ́ɔ́ myaá nyá. Nyɨ́ lɛ̂ʼle bʉ̂r bɨ́bɛ̂h jwɨʼ ɨ́ syɛ́ɛla yɨ̂: epɛh nyé, dwih nyé lɨ́ odwe!»