Lʉkas 22:20 - Kálar Nzyɛ̌m : Ejwán é Sáá

²⁰ Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ báʼǎ dwe bé bélé ményoʼ. Nye ó: «Menyoʼ mâ, mé ó edwán é sáá Nzyɛ̌m mû lɨ́ etyêl páʼ nyɔ́ɔ́ e bʉr lɨ́. Nyě tyél nyé ó, ɨ́ nzɨ̌ metié mâm mû lɨ́ eswɨɨ lɨ́ esú lɨ́n má.

Kálara Zyɛ̌m Edwán é mpʉ̌n

²⁰ Jwɨʼ gwar yaa, é jɔʼ bé a sil de e, nye ntɔʼ bâʼle dwe be bele monwoʼ mo rezɛŋ. Nye ó: «Bele monwoʼ yi, yé elɛʼle edwan e mpʉn Zyɛm lé ede e bʉr é zi motié mam, maa lé eswɨɨ si ebe bɨn ɨ.

Lʉkas 22:20 ပူးပေါင်းရင်းမြစ်များ

1 Korɛnt 11:25

Jwɨʼ gwár yaá, ɨ́ jɔʼ bé á sil ede yɨ́, nye ntɔ̂ʼ nʉǎ bélé ményoʼ. Nye ó: «Menyoʼ mâ, mê nze tyél ó, edwán é sáá, ɨ́ nzɨ̌ metié mâm dí lɨ́ esú lɨ́n má. Jɔʼ yɨ́yɛ̂h bɨ́n ódɨde ményoʼ mâʼ yɨ́, bɨ̌n e sísímsá mé tɨ̂.»

Mataos 26:28

Ebě, metié mâm ó mâ, metié mû lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ le bʉr ɨ́ buo buo má. Nyě tyél nyé ó, nye nkʉ̂ pɛʼ bé bibaa bí ébébe byɔ́ɔ́.

Ebrœ̂ 13:20

Me lɨ́ ejɨʼla e Nzyɛ̌m, mʉr dí egbâ mɨ́ná gá mepyɛbla ɨ́ miléme, waá á pɛh «Mbɔʼlʉ bintemě nɨ́nɨ́ɨ́», Tî gá wɨ́ná Yésʉs nyá. Ɨ́ tɨ̂ʼ, Nzyɛ̌m á sâ ó, saá ngá dǐ njʉ̌m dǐ e njʉ̌m dǐ nyɨ́, ɨ́ nzɨ̌ metié mé.

Ebrœ̂ 12:24

Bɨ̌n bé á si nze kwá mé Yésʉs, mesaádɔm á sâ edwán é sáá páʼ gá nyɨ́ná e Nzyɛ̌m nyá. Bɨ̌n bé á si pyâl, cɨɨ ɨ́ nzɨ̌ metié mé nyé á pubo bɨ̌n e mé má. Metié mé maá jaá lwilwib ó, njɨ mekǎn me dí ɨ́ mbɨa má, laa maá Ábɛl nyɨɛ á cɨ má.

Ebrœ̂ 9:17

Yé bé mʉr á cɛma mekaná mé líʼe nyá, nye dína ɨ́ twiʼ nó, mekaná maá, mé ápǎ gbáŋɔɔ ɨ́ nkɔb. Mé ójaá kǎ gbáŋɔɔ ɨ́ nkɔb ó, njɨ píe l'eswie lé.

2 Korɛnt 3:6

Nye ó b'á dwe bɨ̌h nkul ó, bɨ̌h díʼee bʉr o jálá le eséa nyé syɛ́ɛ́ bá. Bɨ̌h mû ó osyɛ̂l o mésá bé, lɨ́ eníŋle bʉ̂r lɨ́ edwán é sáá. Nye á sâ saá nyaá ó e nzɨ̌ Sísǐm wé, abe e metié me dí micɛmá má. Ebě, metié mɨ́ɛ, mé jaá jʉ̂jʉ ó jʉ́ʼóo; Sísǐm mé Nzyɛ̌m wɨ́ɛ dwe bʉ̂r twǐʼ njʉ̌m dǐ e njʉ̌m dǐ.

Ebrœ̂ 9:15

Mpʉ̌ Krîst á sâ nó yɨ́, nye mû ó mesaádɔm dí etyɛ̂b páʼ gá nyɨ́ná e Nzyɛ̌m nyá. Nye á tyɛ̂b nó ó, lɨ́ esâ édwán é sáá páʼ gá nyɨ́ná e Nzyɛ̌m. Saá nyaá, nye tɨ̂ʼ ó, lɨ́ esú é bʉ̂r ó Nzyɛ̌m á jébe bá, ó bé bíʼee twǐʼ njʉ̌m dǐ, jala e nkɔb líʼe nyɔ́ɔ́. Yé ó sá Nzyɛ̌m á kɛʼ bé yɨ́, ebě, Krîst á si dwe, lɨ́ enzě táǎ góo, le edwih mɨ́ná gá ɨ́ mpila ébébe, pɛʼ mɨ́ná gá ɨ́ fá. Mɨná bé á be gá ɨ́ mpila yaá ó, tɨ̂ e bisyɛ́ɛla bí ébébe mɨ́ná bé á sâ gá ɨ́ jɔʼ mɨ́ná bé á be gá ɨ́ saá esôʼ yɨ́.

Markus 14:24

Nye e bé ó: «Metié mâm ó mâ: metié lɨ́ eswɨɨ lɨ́ esú ó, Nzyɛ̌m tyélɨɨ saá páʼ nyɔ́ɔ́ e bʉr ɨ́ buo buo má.