Lʉkas 21:12 - Kálar Nzyɛ̌m : Ejwán é Sáá

¹² Nó ɨ́ jɔʼ bísâ byaá bíbyɛ̂h ngá be, byé dína apǎ pyâl yɨ́, bé ónyɛɛ́ mɛ̂r bɨ́n, le etíble bɨ́n, tô e bɨ̌n ɨ́ mempáh mínjɨʼla, lɨ́ etó pur bɨ́n le etíʼe bɨ́n milɔ̌b gʉ̂. Bé ótô e bɨ̌n ɨ́ mimbɛ̌r mímbʉʼ, le ɨ́ mempǒm me bʉ̂r onɨ́nɨ́ɨ́ ti e maá mé ójwɨ́ɨ, ɨ́ lɔ̌b wâm.

Kálara Zyɛ̌m Edwán é mpʉ̌n

¹² «No ó, é jɔʼ bɨsa byaa bibyɛh, byé óbe, l'apa syɛɛlɨ ɨ, bé ótaare lé enaʼ bɨn mobo é nyʉl, le etíile bɨn. Bé óto e bɨn é mompah mɨnjwɨʼla mɔɔ, le egba bɨn é mɨmbɛr mɨmbʉʼ. Bé óto e bɨn é mih mɨnjwɨɨbʉr myɔɔ le ongoman bɔɔ é lɔb wam, lé eto pur bɨn le ebuʼɔ bɨn mɨlɔb gʉ.

Lʉkas 21:12 ပူးပေါင်းရင်းမြစ်များ

1 Pyɛr 2:13

Sáʼ gá otyɛ̂b bé ésôʼ o dí etyélɔɔ bá mejóʼo, ɨ́ lɔ̌b mé Tî Yésʉs. Sáʼ gá njwɨ́ɨ sí yɨ́n mejóʼo, ebě, nye ó dí lʉ́ ótyɛ̂b bé ésôʼ bɨ́bɛ̂h.

Mɨlʉmlʉ 22:30

Njwɨ́ɨ bisója waá á be ó sí tíʼe ɨ́ lémé wé ó, nyě kpɛ̌l ó, egʉ́ǎ sá óYúden bé á pʉgʉ nwâhle Pɔ̂l yɨ́. Sá tɨ̂ʼ ó bé á tii nye mikʉ̂kɔ̌b ɨ́ mɛ́n tɨ̂ʼ yɨ́. Bê nzě lɛ́ɛ le ojwɨ́ɨ ó mpáh Nzyɛ̌m ndu e bʉr ó bʉ̌m nɨ́nɨ́ɨ́ bɨ́bɛ̂h ó, bé gwɨ̂hlaa. Nye nzě tô e Pɔ̂l ɨ́ gúmó bé á be yɨ́, nzě tyêl nyé tɨ̂, ó nye káraa lɔ̌b wé.

Mɨlʉmlʉ 9:4

Nye ntɔ̂ʼ duma sí, nzě jóʼo twíí lɨ́ elɛ́ɛ e né ó: «Saʉ̂l, Saʉ̂l, gǒ bá tíble mé mpʉ́nʉ̌ ɨ́ yé?»

Mɨlʉmlʉ 8:3

Saʉ̂l nyɨɛ nzě gbâ nkûl lɨ́ egbǎh Mbɛ̌r-Nzyɛ̌m. Nye á tʉtô nó ó, mímbɛ̌r e mímbɛ̌r myɛ̂h, lɨ́ etô le edulo bʉ́bá le bʉrʉ̂m o b'á bûʼla bá bɨ́bɛ̂h, gbâ bé ɨ́ mbʉʼ.

Mɨlʉmlʉ 5:40

Bʉr ó gwɨ́hlá nzě kamɔɔ. Bê nzě jébe bʉ̂r o mílʉ́mlʉ́, bíŋɔɔ bê, gbáŋɔɔ bé mpéné ó, bé l'anyamlě kǎ báʼǎ lwib ɨ́ díé mé Yésʉs, ntɔ̂ʼ bírɔɔ bê.

Yʉanes 15:20

Símsáá gá sá mé á lɛ́ɛ bɨ̌n yɨ̂: “Yáma, yé áláá njwɨ́ɨ wé.” Yé bé bé á si tíble mɛm nó, lɛ́ɛ́, bé ótîtible bɨ́n ntémé. Yé bé bé á si jóʼo lɛ́ʼlá wâm nó, lɛ́ɛ́, bé ójóʼo ntémé wɨ́n.

Mataos 22:6

Baá bʉ́ʉ́, mɛ́rɔɔ ósyɛ̂l o mésâ ónɨ̌, sáŋɔɔ bé cére, jʉ́ŋɔɔ.

Mɨngwiha 2:10

Ayɨ́ jóʼo gá bʉ́á ɨ́ lɔ̌b bíntɨ́ʼá bé ngá dwe bɨ́n bí. Paá bee gâ: Sɔ́ŋ meleme ómɛ̂r bɨ́n bʉ́ʉ́ bʉ̂r, gbâ bé ɨ́ mbʉʼ, lɨ́ edǐ bóblo bɨ́n. Bɨ̌n bé ósia e mitúú, tó kumo ɨ́ melû kám. Gwá baʼle gá búʼó, tó kumo lɨ́ eswie. Sá tɨ̂ʼ ó mé ódwe bɨ́n twǐʼ njʉ̌m dǐ yɨ́. Bɨ̌n bé óbi myɛ́na maá, mpʉ̌ nkɔ́ɔ́ dí ebórɔɔ̌ káráá yɨ́.

Mataos 24:8

Bisâ byaá bíbyɛ̂h, byé ónyɛɛ́ syɛ́ɛ. Náǎ yé óbe ó enyɛ̌l e mékpaa, nwɨɨla e mekpaa me mín.

Lʉkas 21:11

Sí, yé óbuú kubla bígúmo bígúmo. Nza, nye ónyaŋla ɨ́ sí yɨ́yɛ̂h. Bibébebébe bínumo, byé ópyâl ɨ́ byúú bígúmo. Bidǐm bi dí esâ ékɛ̂n bí le bidweʼle bí ábwaʼbwâʼ, byé ónyɨ̂n ɨ́ jʉ́o kʉ́.

Yʉanes 15:21

Sâ gwár, bé ótîtible bɨ́n nó ó ɨ́ lɔ̌b wâm, ebě, bé agʉ́a mʉ̂r á ntɨh me nyá.