Lʉkas 20:47 - Kálar Nzyɛ̌m : Ejwán é Sáá

⁴⁷ Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Kálara Zyɛ̌m Edwán é mpʉ̌n

⁴⁷ Bé esà-sà mɨkuho, dɛn-dɛn bɨsa bibyɛh myé ndɨ eliʼ e tɨʼ ɨ. Bé ejwɨʼla-jwɨʼla nteme e Zyɛm ó, bul mokan, lé esa lɛʼla. Bé ó ngo bul dweŋɔ mobe le ekabɔ bɨntɨʼa bɨ tɨ.»

Lʉkas 20:47 ပူးပေါင်းရင်းမြစ်များ

Markus 12:40

Bé ó dí edɛn míkúho sá yɨ́yɛ̂h myé dí e yé yɨ́, le esâ mínjɨʼla ɨ́ jaa jaa, yé nkʉ̂ lɛ́ɔɔ ó, bé ɨ́ buú mbɨa bʉ̂r. Bé ó ngá bɔma e tíʼá mílɔ̌b dí ɨ́ buú nyan wɨ́.»

Jacques 3:1

Bɨ́ɔɔ́ bâm, yé ajala ó, bʉr ɨ́ buo buo díʼee ɨ́ dǐ lɛ̂ʼla. Bɨ̌n bé lɨ́ egʉ́a ó, jɔ̌ʼ Nzyɛ̌m ótíʼe bɨ́h, olɛ̂ʼla, milɔ̌b yɨ́, nye ótíʼe myé ó e ngɨ́r ɨ́ léme, abě mpʉ nyé ótíʼe bʉ́ʉ́ bʉ̂r myɔ́ɔ́ yɨ́.

Títos 1:16

Bé sá ó, go ó, bé ɨ́ kpɛ̌l Nzyɛ̌m. Sâ gwár, bisyɛ́ɛla byɔ́ɔ́, bíɛ yɨ́ɛ lɨ́ elɛ̂ʼle ó, bé akpɛl nyê. Bʉr baá, bé ɨ́ lwaʼwo. Bé asâ méjóʼo. Ɨ́ bisyɛ́ɛla bimpâ bíbyɛ̂h mʉ̂r dí e nkul ebɛ̌m sâ bí, abe e syɛ́ɛla gwár bé dí e nkul ekoʼo ésâ.

Lʉkas 12:1

Lɛŋ bá jɔʼ, entumo e bʉ̂r ntɔ̂ʼ báʼǎ swâl. Bé á be ó otɔ́ɔ́sin otɔ́ɔ́sin. Bʉr tîtibe bʉ́ʉ́ mekʉ̌. Yésʉs, nye le ompʉ́n bé ó: «Gwá baʼ gá oFarizyɛ̂n ɨ́ lɔ̌b levure bé dí e yé yɨ́. Yé ó mikóo.

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

1 Tesalonika 2:5

Gʉ́ŋáá gá ntémé ó, bɨ̌h bé á bé abe lɨ́ esêʼle bɨ́n. Bɨ̌h bé á bé asâ míkóo ɨ́ nyɔm énʉa bísá bín. Nzyɛ̌m, nye me ó mboʼlo!

Lʉkas 20:46

«Bɨ̌n e báʼ ólɛ̂ʼla o métié. Bé ɨ́ kpɛl ébwâr míkán mi dí ɨ́ jaa jaa mí. Bé kpɨkpɛl ntémé ó, bʉr sóhaa bê, le edwe bé dúu gúmó bʉ̂r dí eswâl yɨ́. Bé ntémé kpɨkpɛl ó, bidiá bí ésôʼ ɨ́ mempáh mínjɨʼla ti e mpǎŋ bidiá bí dóló, gúmó bé dí edě dína yɨ́.

Lʉkas 21:1

Yésʉs ntɔ̂ʼ bɨ̂n mîh, beě mpʉ ókúm ó bʉ̂r, bé á gbɨgbâ mindwéá myɔ́ɔ́ ɨ́ mpɔra míndwéá yé á be ɨ́ mpáh Nzyɛ̌m yɨ́.