Lʉkas 20:35 - Kálar Nzyɛ̌m : Ejwán é Sáá

³⁵ Sâ gwár, odwe ó Nzyɛ̌m dí ebee ó, bé ɨ́ jala le epah, tó di e né ɨ́ mpóʼo ngá tyélɔɔ nyɨ́ bá, bé ákóʼó kǎ bɛ́a.

Kálara Zyɛ̌m Edwán é mpʉ̌n

³⁵ Sa gwar, odwè Zyɛm lé ebee ó, bé ejala le epàh, to di é lal we pie e l'esie e mbi jɔʼ yiʼ ɨ, bé aŋa ka bɛa, nkʉ cenɔ é moba,

Lʉkas 20:35 ပူးပေါင်းရင်းမြစ်များ

2 Tesalonika 1:5

Yé ó jwɨʼ dí elɛ̂ʼle mɨ́ná gá ó, Nzyɛ̌m, nyě e nkam ɨ́ mbi nyé dí etíʼe bʉ̂r milɔ̌b myɔ́ɔ́ wɨ́ yɨ́. Ɨ́ mpʉ bɨ́n dí esâ bíhwó nó yɨ́, yé lɨ́ esâ ó, bɨ̌n jálaa e bidiá ɨ́ Mpóʼo mé Nzyɛ̌m. Sá tɨ̂ʼ ó bɨ́n dí esia e mitúú e mindɛ̌l myaá yɨ́.

Yʉanes 5:29

Bé opah ɨ́ mesoo. Baá bé á sâ embɨa bá, bé ópah, bǐ twǐʼ njʉ̌m dǐ. Baá bé á sâ ebébe bá, bɨ́ɛ ntémé ópah; bé otíʼɔɔ mílɔ̌b.»

Mataos 12:32

Mʉr nyɨnyɛ̂h dí elwib e Mwân mé Mʉr ebébe nyá, baa ébébe laá, yé óbɛ̌m pɛʼɔɔ. Sâ gwár, mʉr ngá lwib e Sísǐm mé Nzyɛ̌m ebébe nyá, baa ébébe laá, yé ákóʼó pɛʼɔɔ, damá jóʼo ɨ́ jɔʼ yɨ̂, damá jóʼo ɨ́ jɔʼ ésúʼlá é sí yɨ̂.»

Mɨlʉmlʉ 24:15

Lémé wâm, wɨ́ lóno ɨ́ mpûʼla mpwár bé bʉr o tɨ̂ʼ dí e nye nyɨ́. Bɨ̌h bé e mpûʼla ɨ́ miléme ó, bʉr, bé ópah: otîtyěl o bʉ̂r, le onzyɛ́h ó bʉ̂r.

Mɨlʉmlʉ 5:41

Nó mpʉ bʉ̂r o mílʉ́mlʉ́, bé á duho ɨ́ bʉ̌m nɨ́nɨ́ɨ́ yɨ́, bɨ́bɛ̂h, bé ntɔ̂ʼ lóno ɨ́ bisʉhʉʉ, ebě, Nzyɛ̌m á bee ó, bé ó mbi bʉ̂r o jálá le esáŋɔɔ bísá bí ésɔ́m ɨ́ lɔ̌b díé mé Yésʉs bá.

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Mɨngwiha 3:4

Nó ó, yé e bʉ́ʉ́ bʉ̂r ɨ́ sɔ́má yɨ́n ɨ́ Sárdɛs, baá bé á be alœʼ mikán myɔ́ɔ́ bá. Bé óbwâr míkán ɨ́ pumo pumo. Bɨ̌h le onɔ́ɔ́ bé ótyě sɔ́má gwár, ebě, bé lɨ́ ejala e tɨ̂.

Ebrœ̂ 11:35

Bʉ́ʉ́ bʉ́bá, bé á baʼa nʉa bʉr bɔ́ɔ́ bé á nyɛɛ dwe, kǎ pah bá ó, ɨ́ nzɨ̌ búʼó yɔ́ɔ́. Bʉ́ʉ́ bʉ̂r, bé á si bɔma e bintɨ́ʼá ɨ́ lɔ̌b búʼó, akam ó, bé dwíhɔɔ lɨ́ okómó, ebě, bé á kpɛl ó, bé páhaa lɨ́ odwe, mbǐ pahá dí ɨ́ buú mbɨa wɨ́.

Markus 12:24

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m. Bɨ̌n ntémé, bé agʉ́a nkûl nyé.

Mataos 22:29

Yésʉs nzě yala e bé ó: «Bɨ̌n bê sí bɔ́ʼa le otyeetye, ebě, bɨ̌n bé agʉ́a Mékaná mé Nzyɛ̌m, agʉ́a ntémé nkul nyé.

Markus 10:42

Yésʉs nzě jébe bɨ́bɛ̂h. Nye ó: «Bɨ̌n bɨ́ gʉ́a ó, bʉr o dí enyɨ̂n ó, bé ó minjwɨ́ɨbʉr bá, bé jwɨ́ɨ́ ó e cére. Bʉr onɨ́nɨ́ɨ́ baá, bé kpɛl ó, bé lɛ̂ʼlaa bʉr mpél yɔ́ɔ́.

Lʉkas 16:8

Sɔ́ŋ waá nzě sêʼlě bɨ́bla mbɔ̂ʼlʉ ekúró waá, ebě, nye á si kûhlo mepɨʼ nó, ebě, bʉr ó sí yɨ̂, bé lɨ́ ekʉ́ gwá kûhlo mépɨʼ páʼ nyɔ́ɔ́, laa bʉ̂r o mé Nzyɛ̌m.»