Lʉkas 20:26 - Kálar Nzyɛ̌m : Ejwán é Sáá

²⁶ Bé á bé abe e nkul ká dwe nyé mebě ɨ́ mekǎn nyé á lwib ɨ́ míh mínzɨnzɨ mi bʉ̂r má. Bé á si kâm yalá yé. Bɨ́bɛ̂h di ɨ́ jolaaa.

Kálara Zyɛ̌m Edwán é mpʉ̌n

²⁶ Bé a baabe e nkul eka dwe nye mobe é mokan nye a lwib é mih mɨzɨze mɨ bʉr ɨ. Bé a si jehe mpɨha we. Bɨbɛh twe é leb.

Lʉkas 20:26 ပူးပေါင်းရင်းမြစ်များ

Lʉkas 20:20

Bê nzě táare étô le ebaʼɔɔ nyê. Nzě lómɔɔ bʉ̂r o b'á nwɨɨla le otîtyěl o bʉ̂r bá ó, bé tôʼ lâm nyé lâm dí ó, bé nkʉ̂ mɛ̂r nyé ɨ́ lɔ̌b yalá yé. Jɔʼ yaá ó bé á be e nkul ebɛ́ma nyé ɨ́ mebó mé njwɨ́ɨ, ó nye kúrɨɨ ɨ́ nkul jwɨ́ɨ mé ngóvina yɨ́.

Títos 1:10

Ɨ́ sɔ́má óYúden o dí ebúʼla bá, yé e bʉr ɨ́ buo buo o dí egbɔba le otyɛ̂b bé ésôʼ bɔ́ɔ́ bá. Bilwǐb byɔ́ɔ́, byé ó dwêh, bé yɨ́ɛ lɨ́ ekʉ́ bánǎ kʉ́a bʉ́ʉ́ bʉ̂r.

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Lʉkas 13:17

Mpʉ̌ Yésʉs á yala e né nó yɨ́, ontɨ̂m le obɨn bé bɨ́bɛ̂h ntɔ̂ʼ jóʼo sôn. Entumo e bʉ̂r lɨ́ɛ, lé á be lɨ́ ekʉ́ soho ɨ́ lɔ̌b mbɨambɨa bísyɛ́ɛla bíbyɛ̂h nyé á sɨsâ bí.

Mataos 22:34

Jɔʼ óFarizyɛ̂n, bé á jóʼo ó, Yésʉs á si pɨr oSadwisyɛ̂n minum yɨ́, bé ntɔ̂ʼ sáa pɨ̂ʼ ɨ́ lɔ̌b wé.

Mataos 22:22

Mpʉ bé á jóʼo nye lɨ́ elɛ́ɛ nó yɨ́, bé ntɔ̂ʼ buú kâm nyê, líʼɔɔ nyê, tóŋɔɔ.

Mataos 22:12

Nye nzě dî e né ó: “Só wǎm, yê nyá? Gua ka nzé wâ, abwâr yɨ́ɛ kán nzɔ́ɔ ebâ ɨ́ yé ɛ́?” Mʉr waá kâr éyalǎ sɔ̂ʼ. Nye á jaa di ó, njɨ ɨ́ jwɨ́m.

Mataos 8:10

Ejóʼǒ Yésʉs á jóʼo mekǎn maá yɨ́, nye ntɔ̂ʼ kâm. Nye e bʉr o b'á dû nye bá ó: «Mě lɛ́ɛ́ bɨ́n lɨ́ otyeetye ó, abe e nyʉ́ʉ́ mʉ̂r ngwár, damá jóʼo ɨ́ kúl bʉ̂r o b'Ɨ́zraɛ̂l, dí e mbǐ búʼó wɨ̂.

Lʉkas 11:54

Bé á sâ nó ó, lɨ́ elámɔɔ nyé bilâm ɨ́ nzɨ̌, lɨ́ esâ ó, nye lɛ́yɨɨ lʉ́ʉ́ ékǎn bé ngá pur nyé e tɨ̂ʼ lɨ́.