Lʉkas 20:25 - Kálar Nzyɛ̌m : Ejwán é Sáá

²⁵ Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza; le Nzyɛ̌m, bisá mé Nzyɛ̌m!»

Kálara Zyɛ̌m Edwán é mpʉ̌n

²⁵ No ó Yesʉs a lɛɛ e be ó: «Dweʼ ga be Kɛɛza bɨsa mo Kɛɛza; bɨn bé à dwe Zyɛm byaa mo Zyɛm.»

Lʉkas 20:25 ပူးပေါင်းရင်းမြစ်များ

1 Korɛnt 10:31

Nó ó, bɨ̌n damá de méde nkʉ̂ de ményoʼ, nkʉ̂ bɨ̌n damá sâ yʉ́ʉ́ sɔ̂ʼ: sáʼ gá syɛ́ɛla yaá yɨ́yɛ̂h lɨ́ esú lé édwě Nzyɛ̌m kûm tɨ̂!

Mɨlʉmlʉ 5:29

Nó Pétrus, bé e bʉr o mílʉ́mlʉ́, bé á nze yala e bé ó: «Bɨ̌h bé ɨ́ jala le esâ Nzyɛ̌m mejóʼo, abe bʉ̂r.

Markus 12:17

Nó ó Yésʉs á nze lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza, le Nzyɛ̌m, bisá mé Nzyɛ̌m.» Nó bé á be ɨ́ buú kâm yalá yé yaá.

Mataos 22:21

Bé e né ó: «Yé ó bisá mé Kɛ́ɛza.» Nye nzě lɛ́ɛ e bé ó: «Bwóóláá gá bé Kɛ́ɛza bisá mé Kɛ́ɛza; bɨ̌n e bwóóló Nzyɛ̌m byaá mé Nzyɛ̌m!»

Mataos 17:27

Damá be nó, mɨná bé agwɨ̂m egbâ gá bé ebɔ̌ʼ lé óbɨma bé ɨ́ miléme lɨ́. Nó, tóʼ, tó guho ésyɛb ɨ́ mâŋ. Sû esôʼ gó ójʉ̂ nyá, go e bɛ́ɛ́ nyé num. Go ókœ̌b nzǎŋ mɔnɨ́ tɨ̂. Nzaŋ waá, wé lɨ́ ejala e mɔnɨ́ tœ́a lɨ́ esú é bʉ̂r obá. Go e nʉ́á wê, gó otó jána mɨ́ná bitœ́a e tɨ̂.»

1 Pyɛr 4:11

Yé bé mʉr ólwib mílɔ̌b mé Nzyɛ̌m nó, nye lɛ́yɨɨ sá yɨ́yɛ̂h mpʉ mʉ̂r dí ekala mílɔ̌b mé Nzyɛ̌m nyá jálá le esâ yɨ́. Yé bé nyě súʼó ó bʉ́ʉ́ bʉ̂r nó, nye súʼaa bé e nkǔl Nzyɛ̌m mʉr tɨ̂ʼ á ntɨh nye nyɨ́. Nó ó Nzyɛ̌m ngá dweŋɔɔ kûm ɨ́ sá yɨ́yɛ̂h ɨ́ nzɨ̌ mé Yésʉs-Krîst yɨ́. Kûm le nkul, byé dwéŋɔɔ nye njʉ̌m dǐ e njʉ̌m dǐ. Amɛn.

Lʉkas 20:24

«Paá lɛ̂ʼle gá me nzǎŋ mɔnɨ́. Mpǒm mé nzé le díé mé nzé dí lúlá ɨ́ nzaŋ wɨ̂?» Nó ó bé á lɛ́ɛ ó: «Byaá mé Kɛ́ɛza.»