Lʉkas 20:14 - Kálar Nzyɛ̌m : Ejwán é Sáá

¹⁴ Jɔʼ bílóbila byé á bee mwân yɨ́, byê nzě lɛ́ɛla páʼ nyɔ́ɔ́ ó: “Beyɨɨ gá, medilá me kúm pemé ó mâ! Mɨná jʉ́ʼoo gá nye. Bilíʼé byé, byé nkʉ̂ sûʼla byaá gá bíná.”

Kálara Zyɛ̌m Edwán é mpʉ̌n

¹⁴ É jɔʼ osyɛl o mosa be, bé a bee mwan ɨ, byé ze lɛɛla paʼra wɔɔ ó: “Mbe ga: modila mo mʉr peme ó ma ze nɨ! Bɨna jʉʼo ga nye! Bɨliʼ mo sɔŋ we nye a ngbaa bi ɨ, byé nkʉʼ fuʼla mopoʼ ga mɨna!”

Lʉkas 20:14 ပူးပေါင်းရင်းမြစ်များ

Rôm 8:17

Yé bé mɨná gá mû ó bwân mé Nzyɛ̌m nó, go ó, mɨná gá ntémé bé ó bʉr o ngá bi ménkɔb kwá mé Nzyɛ̌m bá. Yé óbe ɨ́ páʼ gá wɨ́ná ó, jwɨʼ gwár e gwár e mpʉ̌ Krîst, mɨ́ɔɔ́ gá wɨ́ná, ngá bi mé ménkɔb yɨ́. Mɨ́ná gá le onɔ́ɔ́, bé ósia e mitúú mímpwár, lɨ́ esú ó, mɨná bíʼee gá kûm mpwár nó, mɨná bé ónʉa gá membɨa maá, jala e nkɔb líʼe gá nyɨ́ná.

Ebrœ̂ 1:2

Ɨ́ yɨ̂ʼ jɔʼ mpʉ mélú mé mpóʼo sí yɨ̂ʼ mû lɨ́ ekɔ́a yɨ́, nye mû kǎ lwib e mɨná gá ó, cɨɨ ɨ́ nzɨ̌ Mwân wé. Nye ó waá Nzyɛ̌m á kɛʼ ó, nye ónʉa bílíʼé bí sí yɨ̂ʼ bíbyɛ̂h nyá. Nzyɛ̌m á kuho kʉ́ e sí ndu e l'ekomlǒ sá yɨ́yɛ̂h dí tɨ̂ʼ yɨ́ ó, ɨ́ nzɨ̌ nyé.

Mɨlʉmlʉ 3:15

Bɨ̌n bé á si bana jʉ̂ Etín é Twiʼ. Damá jóʼǒ mpʉ yé á syɛ́ɛlɨ nó yɨ́, Nzyɛ̌m nyɨɛ, nyɨ́ bánǎ pɛh nyê, dwih nyé lɨ́ odwe. Bɨ̌h ó dí oboʼlo ó lɔ̌b waá.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Lʉkas 22:2

Ojwɨ́ɨ o mpáh Nzyɛ̌m le olɛ̂ʼla o métié, bé á be ó lɨ́ esáa ménzɨ̌ mé éjʉ̂ Yésʉs. Sâ gwár, abee, ebě, bé á be ó lɨ́ ekpɛ́ɛ̌ sá mínzɨnzɨ mi bʉ̂r, myé ámû sâ bé yɨ́.

Lʉkas 20:19

Olɛ̂ʼla o métié le ojwɨ́ɨ o mpáh Nzyɛ̌m á be ó lɨ́ esáa émɛ̂r Yésʉs ɨ́ jɔʼ yaá, ebě, bé á be ɨ́ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be lɨ́ ekpɛ́ɛ mínzɨnzɨ mi bʉ̂r.

Lʉkas 20:5

Nó ó bé á nze díila páʼ nyɔ́ɔ́. Bé ó: «Mɨ́ná yálá gá ó: “Nzyɛ̌m ó b'á lómo nye” nó, nye óbáʼǎ dî ó: “Yé bé nó wá, bɨ̌n á bé abûʼla nyé ɨ́ yé?”

Lʉkas 19:47

Yésʉs á lɨlɛ̂ʼle bʉr ɨ́ mpáh Nzyɛ̌m tʉ́ŋlʉ̌ ó, dʉ́ó lɨ́lɛ̂h. Ojwɨ́ɨ o tɨ̂, bé le olɛ̂ʼla o métié ndu e minjwɨ́ʼ mí bʉ̂r, bé á be ó lɨ́ esáa nzɨ́ ejʉ̂ nyê.

Mataos 21:25

Nzé á lómo Yʉánɛs lɨ́ edu bʉ̂r? Nzê Nzyɛ̌m ó b'á lómo nye ɛ̌? Nzê bʉr ɛ̌?» Bê nzě timle tíá nyaá páʼ nyɔ́ɔ́. Bé ó: «Mɨ́ná bé óyala gá ó: “Nzyɛ̌m ó b'á lómo nye” nó, nye óbáʼǎ dî e mɨná gá ó: “Á bɨ̌n bɨɛ bé á bé abûʼla nyé ɨ́ yé ɛ́?”

Mataos 16:7

Ompʉ́n bé, bê nzě lɛ́ɛla páʼ nyɔ́ɔ́ ó: «Sá nyê lɛ́ɛ́ yɨ́, nye lɛ́ɛ́ yé ó, ebě, ɨ́ jɔʼ mɨ́nâ nzé gá wâʼ yɨ́, mɨná bé anze gá e biblêr.»

Mataos 21:34

Jɔʼ mpúmó pemé á be, nye mû sí tɨ̂ yɨ́, nye nzě lómo ósyɛ̂l o mésá bé ó, bé tôʼ nʉa wé páʼ mpúmó kwá bilóbila byaá.

Lʉkas 20:13

Kúm pemé óraisin nzě lɛ́ɛ ó: “Á me káa sâ wâʼ nyá? Me múo kǎ lómo mwân wǎm mé dí ɨ́ buú kpɛl nyá. Jáŋá, byé ódwáawo nyê.”

Lʉkas 20:15

Byê nzě pɛʼ nyé ɨ́ pemé tʉ́ŋlʉ̌, tó jʉ́ŋɔɔ nyé mpómo pemé. «Nó kúm pemé ókǎ sâ bé nyá?