Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lʉkas 2:10 - Kálar Nzyɛ̌m : Ejwán é Sáá

10 Nó ó éngeles á nze lɛ́ɛ e bé ó: «Ayɨ́ kpɛ́ɛ gâ. Paá bee gâ: mɨ́ nze bɨ́n e Mbɨambɨa Lɔ́ɔ! Bʉr ó kúl bʉ̂r yɨ́n, bɨ́bɛ̂h, bé óbuú soho wê.

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

10 No ó engles a ze lɛɛ e be ó: «Ajoʼo ga bʉa. Mbe ga: mɨ ze bɨn e Mbɨambɨa Lɔɔ! Bʉr o kul yin, bɨbɛh, bé óbul soho we.

အခန်းကိုကြည့်ပါ။ ကော်ပီ




Lʉkas 2:10
30 ပူးပေါင်းရင်းမြစ်များ  

Yésʉs ntɔ̂ʼ sîhlě nko bé á be yɨ́. Nye ó: «Sɔ́ŋ wǎm, nyɨ́ dwe mé nkul jwɨ́ɨ nyɨnyɛ̂h ɨ́ kʉ́ ti e sí.


Tyé e tyé yaá, Yésʉs, nye e bé ó: «Talaa gá miléme. Yé ó me! Ayɨ́ jóʼo gá bʉ́á.»


Nó éngeles á nze lɛ́ɛ e né ó: «Maria, ayɨ́ jóʼo bʉ́á. Gʉ́ bi métyɛʼ me mpóm mé Nzyɛ̌m.


Bɨ́n ótô dóló le edyɛ̂ʼwo e Tî Yésʉs, le etyɛ̂b mekʉ̌ sí ɨ́ sɨ́ŋ nó, go ó, milémé mín, myé odi ɨ́ puuu. Mʉr apɨ́ŋla gâ! Mʉ̌r sá abîr ó, bé sâʼ ó, bɨ̌n léhee, nkʉ̂ sóŋlǒ Mbɨambɨa Lɔ́ɔ bɨ́n á jóʼo wɨ́. Mbɨambɨa Lɔ́ɔ waá, wé mû lɨ́ etúnɔɔ ó, ɨ́ sí yɨ́yɛ̂h, ɨ́ páʼ bʉ̂r bɨ́bɛ̂h dí sí jʉ́o bá. Mɛm Pɔ̂l á tyélɔɔ ɨ́ syɛ́ɛ́ ó, me lɛ́yɨɨ bʉr wǎ.


Bɨ̌h bʉr o tɨ̂ʼ mû ó lɨ́ elɛ́ɛ bɨ́n Mbɨambɨa Lɔ́ɔ waá. Wé ó nɛ́ɛ: sá Nzyɛ̌m á kɛʼ bimpám gá bíná yɨ́,


Yé á boo be cɛmá ntémé ó, bʉr, bé ótô ɨ́ lʉ́mlʉ́ wé, le etúnǒ Mbɨambɨa Lɔ́ɔ. Bé ótô le elɛ́ɛ bʉ̂r ó, bé túmaa mikoo e misyóm myɔ́ɔ́, le edwira míléme, Nzyɛ̌m pɛ́ʼɛɛ bé bibaa bí ébébe byɔ́ɔ́. Lɔ́ɔ waá, wé ónyɛɛ́ túnɔɔ ó, ɨ́ Yerʉ́zalɛm, tó túnɔɔ ntémé kwá bikúl bíbyɛ̂h.


Píe tɨ̂, Yésʉs nzě tô bínkana e bínkana le mékwár e mékwár, gúmó nyé á to le etúno Mbɨambɨa Lɔ́ɔ dí edumo e Mpóʼo mé Nzyɛ̌m wɨ́ yɨ́.


Ɨ́ sɔ́má bʉ̂r o bɨ́h le onɔ́ɔ́ dí egúmo e Nzyɛ̌m bá, bʉ́ʉ́ bɨ́bɛ̂h ó dí ejala le enyɛɛ́ gbáŋɔɔ ɨ́ nkɔb. Damá jóʼo nó, Nzyɛ̌m á si lɛ̂ʼle me mpam nyé, ó me túnaa Mbɨambɨa Lɔ́ɔ́ mé Yésʉs-Krîst kwá bʉr o dí abe óYúden bá, ó bé gʉ́ŋaa okúm le ogbaǎ Krîst dí enze mɨ́ná gá e wǎ wɨ́, nzamedwah e mpʉ wé dí agʉ́ŋɔɔ wɨ́wɛ̂h yɨ́.


Éngeles ntɔ̂ʼ yala ó: «Yé ó mɛm, Gabriel, mʉr dí etyɛ̂b ɨ́ míh mé Nzyɛ̌m nyá! Me nzé ó ɨ́ lʉ́mlʉ́, ó me ntáa nzě lwib e go, lɨ́ enzě lɛ́ɛ gó Mbɨambɨa Lɔ́ɔ́ wɨ̂.


Nó ó éngeles waá á nze lɛ́ɛ e né ó: «Sá ajóʼo bʉ́á, Zacharie. Nzyɛ̌m, nyɨ́ jóʼo mínjɨʼla myô! Elisabeth, mʉmá gǒ, óbyâ gó mwân, mâ mʉrʉ̂m. Go ójwɨr nyé díe ó, Yʉánɛs.


Nye á lɨlɛ́ɛ ó: «Jɔʼ, yɨ́ pyâl! Nzyɛ̌m, nye mû ó kúno etyêl Mpóʼo nyé ɨ́ sɔ́má yɨ́n! Túmáá gá mikoo e mebébe mɨ́n. Bɨ̌n a dwírá míléme. Búʼláá gá Mbɨambɨa Lɔ́ɔ.»


Bʉ̂r bé óbe, antɨhɔɔ nó, mʉr á gwa tô ɨ́ túnó waá nyá, á gwa tô le etúno wé náǎ e nyáa nkûl? Yé ó mpʉ yé dí cɛmá ɨ́ Mekaná mé Nzyɛ̌m yɨ́. Yê cɛmá ó: Á mbɨa lɨ́ ebee bʉ̂r o dí enze le etúnǒ Mbɨambɨa Lɔ́ɔ bá ɛ̌!


Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.


Nó ó éngeles á lɛ́ɛ e bʉbá baá ó: «Bɨ̌n bɨɛ, ayɨ́ jóʼo gá bʉ́á, ebě, me lɨ́ egʉ́a ó, bɨ̌n sáá ó, Yésʉs bé á bomlo ɨ́ kolôs nyá.


Ɨ́ pum wɨ̂ʼ ɨ́ nkana mé David, Tiʼbʉr wɨ́n, nyɨ́ byɛ̂l! Nye ó Mʉ̌r Nzyɛ̌m á lœm múló mé jwɨ́ɨ nyá. Nye ó dí ntémé Tî gá wɨ́ná!


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ