Lʉkas 2:1 - Kálar Nzyɛ̌m : Ejwán é Sáá

¹ Njwɨ́ɨ̌ nɨ́nɨ́ɨ́ Kɛ́ɛza Agûst nzě tyêl bʉ̂r o b'á didi ɨ́ mesí mé bá etié ó, bé tôʼ láŋɔɔ, bɨ́bɛ̂h.

Kálara Zyɛ̌m Edwán é mpʉ̌n

¹ Twii mojwɨʼa a be ó si duho boo Kɛɛza Ogust ó, bʉr bɨbɛh, bé toʼ, to tibla mie é láŋ-bʉr.

Lʉkas 2:1 ပူးပေါင်းရင်းမြစ်များ

Lʉkas 3:1

Yé á be ó ɨ́ mbû kám e tɛ̂n Kɛ́ɛza Tibɛ́rios á tyɛ̂b njwɨ́ɨ yɨ́. Pɔ́ŋtus Pilátos á be ó ngóvina ɨ́ sí Yʉ́da; Erôd nyɨɛ, ɨ́ sí Galilê. Mɨ́ɔɔ́ wé Philippe á be lɨ́ ejwɨ́ɨ mésí mé Itwirê ndu e Trakónitos. Lisanías nyɨɛ á jwɨ́ɨ ó, sí Abilên.

Mataos 24:14

Nó Mbɨambɨa Lɔ́ɔ dí edumo e Mpóʼo mé Dâ Nzyɛ̌m wɨ́, wé ólɛ́ɔɔ̌ gúmó yɨ́yɛ̂h ɨ́ sí yɨ̂, lɨ́ esâ ó, kúl yɨ́yɛ̂h jóʼaa bʉr o dí eboʼlǒ lɔ́ɔ waá bá. Píe tɨ̂ʼ ó éswéhlɨ́ é kʉ́ e sí ngá kǎ bɔma yɨ́.»

Mɨlʉmlʉ 25:21

Nó ó Pɔ̂l á bene yé. Nye ó, nyɨɛ, nyě tyěn wé lɔ̌b ó dóló. Nye nzě dî ó, bé bâʼlaa nye ɨ́ mbɛ̌r mímbʉʼ, mbi dí ó, Kɛ́ɛza, nye nʉ́aa ngúmǎ tíʼá ntinɨ̂ ɨ́ lɔ̌b wé yɨ́. Me á si kʉ dwe nkul ó, bé bâʼlaa nye, tó pyâl ɨ́ jɔʼ yé á be ó, mě e nkul ebɛ̌m tyen nyé kwá mé Kɛ́ɛza yɨ́.»

Filipi 4:22

Bɨ́ɔɔ́ bɨ́n le okɛ́l bɨ́n bɨ́bɛ̂h dí kâʼ bá, bé lɨ́ esoho bɨ́n, kʉ́ buú be, baá o dí ɨ́ mbɛ̌r mé Njwɨ́ɨ Kɛ́ɛza bá.

Rôm 1:8

Sá ésôʼ, me lɨ́ edwě Nzyɛ̌m nzyǒo ɨ́ díé mé Yésʉs-Krîst ɨ́ lɔ̌b wɨ́n, ebě, ɨ́ sí yɨ́yɛ̂h, bʉr bé lɨ́ ejóʼo mílɔ́ɔ́ mín mpʉ bɨ́n dí ebúʼlǎ Yésʉs-Krîst yɨ́.

Mɨlʉmlʉ 11:28

Nyʉ́ʉ́ mʉ̂r á be ó ɨ́ sɔ́má yɔ́ɔ́, díé lé, Agábus. Nye á si mɔa, nzě lɛ́ɛ bʉ̂r ɨ́ nkul Sísǐm mé Nzyɛ̌m ó, nza ɨ́ bwaʼ bwaʼ mû ó kúno enyaŋla ɨ́ melû maá ɨ́ sí yɨ́yɛ̂h. Nza nyaá á ka nyaŋla ó, ɨ́ jɔ̌ʼ Klodíʉs á be kɛ́ɛza yɨ́.

Mɨlʉmlʉ 25:11

Yé bé mɨ́ byaʼ, nkʉ̂ ó, mɨ́ sâ yʉ́ʉ́ sá ébébe jálá le eswie yɨ́ nó, mé abene édwe, lɨ́ ebúra e sâ yaá. Yé bé bisá bé dí elaʼ mé tɨ̂ʼ bí, byé abě tyeetye nó, yé abe e mʉr dí e nkul edwe nkûl ó, bɨ́ɛ jʉ́ʼoo me. Mě tyěn lɔ̌b wâm ó kwá mé Kɛ́ɛza!»

Markus 16:15

Nó nyé á lɛ́ɛ e bé ó: «Tóʼ gá ɨ́ sí yɨ́yɛ̂h, lɨ́ etô le etúnǒ Mbɨambɨa Lɔ́ɔ ɨ́ mesí mɨ́mɛ̂h Nzyɛ̌m á kuho má.

Markus 14:9

Mě lɛ́ɛ́ bɨ́n lɨ́ otyeetye ó, súm yɨ́yɛ̂h ɨ́ sí yɨ̂ʼ yɨ́yɛ̂h bé ngá túnǒ Mbɨambɨa Lɔ́ɔ yɨ́, sá mʉ́má nyâʼ sá yɨ́, yé ólɛ́ɔɔ ntémé. Bʉr bé ósímsa nyé tɨ̂.»

Mataos 22:17

Lɛ́yɨ́ɨ́ bɨ́h jwɨʼ yô mpʉ yé dí yɨ́. Nzê metié gá mɨ́ná, mé kam ó, mɨná jánaa gá Kɛ́ɛza tœ́a ɛ̌? Nzê yê mpéné ó, mʉ̌r sá ajána nyé yǎ ɛ̌?»

Lʉkas 2:3

Nó bʉ̂r bɨ́bɛ̂h, bé á nze ka tô, tó cɛmɔɔ míe, mʉr nyɨnyɛ̂h ɨ́ nkanǎ kúl yé, yé á sisyɛŋa tɨ̂ʼ yɨ́.

Lʉkas 2:5

Nó nyé á to cɛmɔɔ díe, bé e Maria, mʉmá bé e nɔ́ɔ́ bé á be le etié lé ébâ nyá. Maria á be ó, nye mû le ebum.