Lʉkas 19:47 - Kálar Nzyɛ̌m : Ejwán é Sáá

⁴⁷ Yésʉs á lɨlɛ̂ʼle bʉr ɨ́ mpáh Nzyɛ̌m tʉ́ŋlʉ̌ ó, dʉ́ó lɨ́lɛ̂h. Ojwɨ́ɨ o tɨ̂, bé le olɛ̂ʼla o métié ndu e minjwɨ́ʼ mí bʉ̂r, bé á be ó lɨ́ esáa nzɨ́ ejʉ̂ nyê.

Kálara Zyɛ̌m Edwán é mpʉ̌n

⁴⁷ É dobo lɨlɛh, Yesʉs a be ó é jahla bii mo Zyɛm tʉŋlʉ lé eyeʼle bʉr. Ojwɨɨ be opara bé e l'oyeʼle o motie ndwe e mɨnjwɨ̂ʼ mɨ bʉr, bɛɛ, bé a be ó lé ebà bɨjwɨʼ ó, bé jʉ ó nye.

Lʉkas 19:47 ပူးပေါင်းရင်းမြစ်များ

Markus 11:18

Ojwɨ́ɨ o mpáh Nzyɛ̌m le olɛ̂ʼla o métié, ɨ́ mpʉ bé á jóʼo sá nyé á lɛ́ɛ yɨ́, bé ntɔ̂ʼ sáa ménzɨ̌ ó, bé jʉ́ ó nye. Bé á be yɨ́ɛ ó lɨ́ ekpɛ́ɛ nyê, ebě, entumo e bʉ̂r lɨ́lɛ̂h, lé á be ó lɨ́ ebuú kâm mbi mílɛ́ʼlá nyé á dwe mí.

Mataos 26:55

Jɔʼ yaá ó Yésʉs á nze lɛ́ɛ le sɔ́má bʉ̂r yaá ó: «Bɨ́n pa nze mɛ́r mé le opasoŋ le mimbɨ́ŋ nó, nzê bɨ̂n jóʼó ó, me ó nzilngǎn? Me á bɨbe ó, dʉ́ó lɨ́lɛ̂h ndîndǐl tʉ́ŋlʉ̌ mpáh Nzyɛ̌m, lɨ́ elɛ̂ʼle bʉ̂r. Bɨ̌n bé á bé amɛ̂r mê.

Yʉanes 18:20

Yésʉs, nye e né ó: «Me á jaa lwilwib ó, njɨ ɨ́ hwɨ́m, bʉr bɨ́bɛ̂h lɨ́ ejóʼo. Me á lɨlɛ̂ʼle bʉr ó, ɨ́ mempáh mínjɨʼla mɔ́ɔ́ ndu e mpáh Nzyɛ̌m, bigúmó óYúden bɨ́bɛ̂h dí egwɨ̂hlǎ jɔʼ yɨ́yɛ̂h bí. Me á bé alɛ́ɛ yʉ́ʉ́ sɔ̂ʼ mesǒ.

Yʉanes 10:39

Bé ntɔ̂ʼ kʉ́ báʼǎ sáa ó, bé mɛ́r ó nye. Nye nzě pʉʼa ɨ́ mebó mɔ́ɔ́.

Yʉanes 7:44

Bʉ́ʉ́ bʉ̂r ó sɔ́má yɔ́ɔ́, bé á be ó e gwɨ́má ó, bé mɛ́r ó nye. Sâ gwár, abe e mʉr ngwár á gbâ nye mbô ɨ́ nyʉ̂l.

Yʉanes 7:19

Ntʉ̌ Moyɨ̂z á tyêl bɨ̌n metié ɛ́? Sâ gwár, abe e mʉr dí ebaʼle métié maá. Bɨ̌n bé lɨ́ esáa éjʉ̂ mé ɨ́ yé?»

Markus 14:1

Nzɔɔ Páska óYúden le nyaá bíblêr bi dí abe e levure bí, nye á be ó, kǎ lîʼ mélú mébá ó, nye bwálɔɔ. Nó ojwɨ́ɨ o mpáh Nzyɛ̌m le olɛ̂ʼla o métié, bé á be ó lɨ́ esáa ménzɨ̌ mé émɛ̂r Yésʉs ɨ́ nzɨ̌ mikóo, bé nkʉ̂ jʉ̂ nyê.

Markus 12:12

Nó ó bé ntɔ̂ʼ táare ésáa ménzɨ̌ mé émɛ̂r Yésʉs, ebě, bé á si kʉ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be ó lɨ́ ekpɛ́ɛ éntumo e bʉ̂r. Bê nzě líʼe nyê, ntɔ̂ʼ tô.

Mataos 21:23

Yésʉs nzě nî mpáh Nzyɛ̌m. Jɔʼ nyé á be lɨ́ edwe bʉ̂r milɛ́ʼlá yɨ́, ojwɨ́ɨ ó tɨ̂ʼ le otɔ́má bʉ̂r o b'Ɨ́zraɛ̂l, bê nzě dî e né ó: «Nzé á lómo go ó, go sâʼ bisá bî? Go ntémé pʉgʉ́ sâ byé e nkul jwɨ́ɨ mé nzé?»

Markus 14:49

Mɨná bé á be gá ó, dʉ́ó lɨ́lɛ̂h sûm gwár, mɛm lɨ́ edwe bʉ̂r milɛ́ʼlá tʉ́ŋlʉ̌ mpáh Nzyɛ̌m, bɨ̌n l'amɛ̂r mê. Bɨ̌n mɛ́r mé ɨ́ báánâʼ ó, ebě, sá dí cɛmá ɨ́ Mekaná mé Nzyɛ̌m yɨ́, yé díraa.»

Lʉkas 19:48

Bé á bé agʉ́ǎ mpʉ bé sâʼ nó yɨ́, ebě, minzɨnzɨ mi bʉ̂r mímyɛ̂h, myé á be lɨ́ ekʉ́ gwá jôʼlo nyê.

Lʉkas 20:19

Olɛ̂ʼla o métié le ojwɨ́ɨ o mpáh Nzyɛ̌m á be ó lɨ́ esáa émɛ̂r Yésʉs ɨ́ jɔʼ yaá, ebě, bé á be ɨ́ gʉ́a ó, nye á lwib ɨ́ nzɨ̌ bikɨkɛna byaá ó, dumo e bê. Sâ gwár, bé á be lɨ́ ekpɛ́ɛ mínzɨnzɨ mi bʉ̂r.