Lʉkas 19:38 - Kálar Nzyɛ̌m : Ejwán é Sáá

³⁸ Bé á lɨlɛ́ɛ ó: “Mɨná gúmlaa gá njwɨ́ɨ dí enze e díé mé Dâ Nzyɛ̌m nyá. Kwár mé Nzyɛ̌m, nye lónaa ɨ́ mepyɛbla. Bʉr o dí ɨ́ jʉ́o kʉ́ bá, bé dwêʼ Nzyɛ̌m kûm.”

Kálara Zyɛ̌m Edwán é mpʉ̌n

³⁸ Bé a lɛɛ-lɛɛ ó: «Mocyɛʼ mo mpom, mé swɨŋɨ é waa lé eze e die mo Da nwa ɔɔ! Motala, mé diʼe é lal mo Zyɛm ɔɔ! Kɛɛɛɛɛɛ é lal mo Zyɛm di e kum wi ɔɔ!»

Lʉkas 19:38 ပူးပေါင်းရင်းမြစ်များ

Lʉkas 13:35

Jwɛ́ʼɛ́ɛ́ gâ, mbɛ̌r wɨ́n, wé ólíʼɔɔ ó gumo. Mě lɛ́ɛ́ bɨ́n ó, bɨ̌n bé ákǎ bee mê, tó pyâl ɨ́ jɔʼ bɨ́n ngá lɛ́ɛ ó: “Mɨná gúmlaa gá waá dí enze e díé mé Dâ nyá.”»

Mataos 21:9

Le bʉr o b'á nze tô nye dóló, le baá bé á dû nye píhe bá, bé á be lɨ́ ebʉ̂ bítím. Bé á lɨlɛ́ɔɔ ó: «Kûm díʼee ɨ́ Mwân mé David. Mɨná gúmláá gá waá dí enze e díé mé Dâ nyá! Bʉr o dí ɨ́ jʉ́o kʉ́ bá, gúmláá gá nye.»

1 Pyɛr 1:12

Nzyɛ̌m á lɛ́ɛ le ogwíha o mílɔ̌b baá ó, túnó bé á to le etúno wɨ́, wé á bé abe lɨ́ esú lɔ́ɔ́ bé bʉr o tɨ̂, ó bé gʉ́ŋaa wé ɨ́ pébébé. Bé á tyɛ̂b le túnó ɨ́ jɔʼ yaá ó, lɨ́ esú lɨ́n. Bɨ̌n ó dí edirǎ nyɔm e túnó waá ɨ́ báánâ. Bʉr o b'á to le etúno Mbɨambɨa Lɔ́ɔ waá bá, bé á tutúno wé ó e nkul Sísǐm á duho ɨ́ jʉ́o kʉ́ nyɨ́. Lɔ́ɔ́ bé á lɨlɛ́ɛ bɨ̌n wɨ́, wé ó waá bééngeles dí ɨ́ buú gwɨ̂m ésʉ médwôʼlʉ tɨ̂ʼ wɨ́.

1 Timotɛ 1:17

Nzyɛ̌m dí njwɨ́ɨ melú mé mpóʼo mɨ́mɛ̂h, adwidwe nyá, waá dí anyɨ̂n, waá dí Nzyɛ̌m nye omér nyá, dúu e kûm, byé díʼee e né njʉ̌m dǐ e njʉ̌m dǐ. Amɛn.

Éfɛsɔs 1:12

Nye á kpɛl ó, bʉr dwêʼ nye dúu e kûm ɨ́ lɔ̌b syɛ́ɛla nyé á sâ ɨ́ sɔ́má gá yɨ́ná, mɨná gá bɨɛ, bʉr o nyé á nyɛɛ gbâ mpûʼla ɨ́ miléme ɨ́ nzɨ̌ mé Krîst bá yɨ́.

Mataos 25:34

Jɔʼ yaá, njwɨ́ɨ ólɛ́ɛ e baá o dí nye ɨ́ mbó éjʉ́m bá ó: “Ntáʼ gâ, bʉr o Sɔ́ŋ wǎm á sʉ metyɛʼ me mpóm bá. Ntaá nzě nî gá ɨ́ sí nyé á boo komlo bɨ̌n, táare ɨ́ jɔʼ kʉ́ e sí, byé á be apǎ bě kuhá yɨ́.

Éfɛsɔs 1:6

Mɨná dwêʼ gá nye dúu ndu e kûm ɨ́ lɔ̌b mpâm nyé! Nyɨ́ buú cwɨ́a e mɨná gá e nzɨ̌ Mwâ kpɛ̌l wé.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.

Kolosi 1:20

Nye á tíʼe ntémé ɨ́ lémé wé ó, milɔ̌b mi dí páʼ bé e bʉr bɨ́bɛ̂h mí, nyě komló myé ó, ɨ́ nzɨ̌ Mwân wé. Nzyɛ̌m á sâ saá e bʉr ó, ɨ́ nzɨ̌ metié me Mwân wé á dwe ɨ́ kolôs kʉ́ nyá. Damá jóʼo bísâ bi dí kâʼ sí bí, damá be byaá bi dí ɨ́ jʉ́o kʉ́ bí: Nzyɛ̌m á gbâ bʉr bɨ́bɛ̂h mepyɛbla ɨ́ miléme ó, duho lɨ́ eswɨɨ e métié mé Krîst mé á swɨɨ sí lɨ́.

Éfɛsɔs 3:21

Kûm díʼee e né e nzɨ̌ Mbɛ̌r-Nzyɛ̌m ti e Yésʉs-Krîst ntémé, tó pyâl ɨ́ mimyǎ mi bʉ̂r mímyɛ̂h njʉ̌m dǐ e njʉ̌m dǐ. Amɛn.

Éfɛsɔs 3:10

Yé ka lîʼ ɨ́ báánâʼ ó, njɨ epâʼlǎ jwɨʼ yé yaá, pyêl yé ɨ́ myɛ́n lɨ́ esú lé écɨ̂l mísísǐm mí édúrʉ́ʉ́ mi dí e jwɨ́ɨ mí le myaá mi nkûl, myaá mi dí páʼ jʉ́o le ejwoo mí. Myé mû ó lɨ́ ekǎ jɨ̂ʼ yé kwá gá nyɨ́ná, bʉr ó Mbɛ̌r-Nzyɛ̌m, le egʉ́ǎ mpʉ ócwóó mé Nzyɛ̌m dí ɨ́ buo mímbi wɨ́.

Mataos 2:2

Nó ó bé á to le edî bʉ̂r ó: «Mwân byɛ́l nyá, nye wó? Nye ó dí Njwɨ́ɨbʉr óYúden ebě, bɨ̌h bé á si bee twítwén wé kwá nyɨ́h, nko dʉ́o dí ejɨma yɨ́. Bɨ̌h nzé ó, lɨ́ enzě dwe nyé kûm.»

Mataos 25:40

Nó ó, njwɨ́ɨ ókǎ yala e bé ó: “Mě lɛ́ɛ́ bɨ́n lɨ́ otyeetye ó, gúmó bɨ́n á sâ mʉr ngwár ɨ́ sɔ́má bɨ́ɔɔ́ bâm bâ nó yɨ́, damá jóʼǒ waá dí agbáŋɔɔ ɨ́ nkɔb nyá, gúmo yaá, bɨ̌n bé á sâ ó me embɨa laá.”