Lʉkas 19:28 - Kálar Nzyɛ̌m : Ejwán é Sáá

²⁸ Jɔʼ nyé á sil elwib nó yɨ́, Yésʉs ntɔ̂ʼ nʉa ésóʼ é sɔ́má bʉ̂r, lɨ́ etô Yerʉ́zalɛm.

Kálara Zyɛ̌m Edwán é mpʉ̌n

²⁸ É jɔʼ nye a sil lwib no e, Yesʉs ntɔʼ samle, lé eto Yerʉsalɛm.

Lʉkas 19:28 ပူးပေါင်းရင်းမြစ်များ

Lʉkas 9:51

Jɔʼ mélú Yésʉs á jala ó, nye pʉ́ʼaa ɨ́ sí yɨ̂ʼ má, mé á be, mé mû lɨ́ esîhle yɨ́, nye nzě tíʼe ɨ́ lémé wé ó, nyě tó ó Yerʉ́zalɛm.

1 Pyɛr 4:1

Krîst á si sia e mitúú ɨ́ nkǒ páʼ nyʉ̂l bipúno. Sá tɨ̂ʼ ó bɨ́n jálá le eboó bǐ mbǐ pahlá ngwár nyé á be e wé wɨ́ yɨ́, ebě, waá mû sí sia e mitúú ɨ́ nkǒ páʼ nyʉ̂l bipúno nyá, nyé abe lɨ́ ekǎ sɨsâ ébébe.

Ebrœ̂ 12:2

Míh gá mɨ́ná, mé dwɛ́ʼɛɛ sɔ̂ʼ njɨ Yésʉs, ebě, nye ó b'á kar nzɨ̌ búʼó. Nye ntémé ó b'á swâhle nye. Nye á kam ó, nye síaa e mitúú, nye tyélɔɔ ɨ́ lɨ́ kʉ́, jʉ́ŋɔɔ. Nye á si pyêh sôn mʉ̂r dí ebɛb ɨ́ mbi éswie laá nyɨ́. Nye á kam ó, nye dwêʼ nó ó, nye nkʉ̂ bi bísʉhʉʉ̌ Nzyɛ̌m á boo komo nye bí. Ɨ́ báánâ, nye mû ó ɨ́ mbó éjʉ́m mé Nzyɛ̌m Sɔ́ŋ ɨ́ mecwɨ́ɨ́ mé jwɨ́ɨ.

Lʉkas 18:31

Yésʉs nzě nʉa ómpʉ́n bé kám le obá, nye e bé ó: «Jóʼláá gâ: mɨná múo nzě bére gá ɨ́ Yerʉ́zalɛm. Bisá bíbyɛ̂h ógwíha o mílɔ̌b bé á cɛma ɨ́ lɔ̌b mé Mwân mé Mʉr bí, byé ódira.

Lʉkas 12:50

Me á nze ó, me dúŋɔɔ ndubó wâm. Lémé wâm, wé ó kʉ́ ɨ́ tyěl tî tyěl, tó pyâl ɨ́ jɔ̌ʼ ndubó waá, wé óbe, wé mû sí syɛ́ɛ yɨ́.

Yʉanes 18:11

Yésʉs, nye e Pétrus ó: «Swamaa pâsoŋ gǒ lɨ́ ebɔ́m. Nzê gǒ jwɨ̌ʼ ó, me ánkɛ́ɛ mítúú Sɔ́ŋ wǎm dwé mé mîʼ ɛ̌?»

Lʉkas 10:30

Yésʉs ntɔ̂ʼ lɛ́ɛ ó: «Nyʉ́ʉ́ mʉ̂r á be ɨ́ duhǒ Yerʉ́zalɛm ó, nyě tó ó Yerikô. Nyé dína téme-nzɨ̌ nɛ́ɛ: binzilngǎn nzě duho lɨ́ eboʼo bé á la lɨ́, nyába nyé ɨ́ nyʉ̂l, pɛʼɔɔ nyé mikán, bíŋɔɔ nyê, ɨ́ bíŋɔɔ bíŋɔɔ, líʼɔɔ nyé múu ɨ́ séhé.