Lʉkas 19:26 - Kálar Nzyɛ̌m : Ejwán é Sáá

²⁶ Nye ó: “Mě lɛ́ɛ́ bɨ́n ó: mʉr nyɨnyɛ̂h dí e sɔ̂ʼ nyá, ódweŋɔɔ yʉ́ʉ́. Waá nyɨnyɛ̂h dí tʉ̂toʼó nyá, bé ópɛʼ nyé damá jóʼo ó, mâ bím nyé dí e tɨ̂ʼ nyá.

Kálara Zyɛ̌m Edwán é mpʉ̌n

²⁶ Nye ó: “Me elɛɛ bɨn ó nɛɛ, mʉr nyiwɛh ndɨ e guu paʼ bɨsa ɛ, nye óbâʼle dweŋɔ byʉʉ. To kœb ó, waa ndɨ tɨtoʼo e, nye ópɛʼɔ ma bim nye ndɨ e tɨʼ ɨ.

Lʉkas 19:26 ပူးပေါင်းရင်းမြစ်များ

2 Yʉanes 1:8

Bɨ̌n e báʼ gá bɨ̌n bʉr o tɨ̂. Abîr gá ó, bɨ̌n dímlaa sá mɨ́ná bé á boo séa gá lɨ́ esú lé yɨ́. Sáŋáá gá ó, bɨ̌n bíʼee myɛ́na maá ɨ́ ntʉʉʉ́.

Lʉkas 8:18

«Gwá jôʼlo gá mekǎn mâm: mʉr dí e bisâ nyá, óbáʼǎ dweŋɔɔ byúú. Tó kœb ó, waá dí tʉ̂toʼó nyá, ópɛʼɔɔ mâ bím nyé dí e né nyá.»

Mataos 21:43

«Sá tɨ̂ʼ ó mé dí elɛ́ɛ bɨ́n ó, Nzyɛ̌m múo nzě dwih Mpóʼo nyé kwá nyɨ́n yɨ́. Nyé okǎ tyêl Mpóʼo nyaá kwá bʉr o ngá séa nyé syɛ́ɛ́ bá.

Mataos 13:12

Ebě, mʉr dí e sâ gwár nyá, óbáʼǎ dweŋɔɔ byúú. Nyé odi e byé ɨ́ buo buo. Nó waá dí tʉ̂toʼó, abe e sɔ̂ʼ nyá, ódɛ́ʼɔɔ̌ damá jóʼo mâ sâ gwár nyé dí e yé yɨ́.

Markus 4:25

Ebě, mʉr dí e sâ gwár nyá, óbáʼǎ dweŋɔɔ byúú. Sâ gwár, waá dí tʉ̂toʼó, abe e sɔ̂ʼ nyá, ódɛ́ʼɔɔ̌ damá jóʼo mâ sâ gwár nyé dí e né nyá.»

Mɨngwiha 2:3

Bɨ̌n bé lɨ́ esâ bíhwó. Bɨ̌n bé lɨ́ edûhwo mítúú ɨ́ lɔ̌b díé lâm, atyɛʼ míléme.

Mɨngwiha 3:11

Me mû ó kúno enze. Mɛ́rɨ́ɨ́ gá sá bɨ́n dí e yé yɨ́ ɨ́ kpɨ́ɨ́ɨ́, ebě, nyʉ́ʉ́ mʉ̂r ámû jaá dɛ̂ʼ bɨ́n káráá mé á gwa dwe bɨ̌n tâŋ myɛ́na yɨ́.

Lʉkas 16:3

Nó mbɔ̂ʼlʉ ekúró waá á nze lɛ́ɛ ɨ́ lémé wé tʉ́ŋlʉ̌ ó: “Mpʉ sɔ́ŋ wǎm lɛ́ɛ́ ó, nyě pɛ̌ʼ ó me ɨ́ dǐ mbɔ̂ʼlʉ ekúró yɨ́, me ókǎ sâ nyá ɨ́ jɔʼ yɨ̂? Mɛm apʉgʉ́ be e nkul lí bípemé. Nó yé óbuú sâ mé sôn lɨ́ etô le engʉl méde.

Mɨlʉmlʉ 1:20

Pétrus nzě lɛ́ɛ ntémé ó: «Ebě, yê cɛmá lɨ́ oSâm mé David ó: “Mbɛ̌r wé, wé líʼɨɨ gumo. Mʉ̌r sá akǎ báʼǎ di tɨ̂.” Yé ntémé, yê cɛmá ó: “Nyʉ́ʉ́ mʉ̂r, nye nʉ́aa dǐ tyɛ̂b esôʼ yé.”

Lʉkas 19:25

[Nó bé á lɛ́ɛ e né ó: “Dâ ɛ̌, nye mû ó, boó be e minzaŋ mí gʉ̂l kám!”]