Lʉkas 19:22 - Kálar Nzyɛ̌m : Ejwán é Sáá

²² Sɔ́ŋ, nye e né ó: “Sá bɨ́bla syɛ̂l mesâ yɨ̂! Me ótíʼe gó lɔ̌b ɨ́ mekǎn me dí eduho ɨ́ num gô má. Go á be lɨ́ egʉ́a ó, me ɨ́ buú nyan mʉ̂r. Mě nʉa ó, sá mé á be akomo yɨ́. Go á si gʉ́a ntémé ó, mě kpɛ̌m méde ó, ɨ́ gúmó mé á be amyam mempeʼ yɨ́.

Kálara Zyɛ̌m Edwán é mpʉ̌n

²² «Sabene, nye e nye ó: “Go sa bɨbla syɛl mosa yi! Me ótiʼe go lɔb é mokan lé eduho é nʉm go e. Go a be ó si gʉa ó, me é lele mbo. Go a gʉa ó, me enʉa-nʉa sa me a baakomo e. Go a bee ó, me ekpɛl mwaʼ mode ó, é peme me a baabè mompœʼ tɨʼ ɨ.

Lʉkas 19:22 ပူးပေါင်းရင်းမြစ်များ

Mataos 22:12

Nye nzě dî e né ó: “Só wǎm, yê nyá? Gua ka nzé wâ, abwâr yɨ́ɛ kán nzɔ́ɔ ebâ ɨ́ yé ɛ́?” Mʉr waá kâr éyalǎ sɔ̂ʼ. Nye á jaa di ó, njɨ ɨ́ jwɨ́m.

Mataos 12:37

Nzyɛ̌m ódwe gó mekebe nkʉ̂ mebě ó, ɨ́ mekǎn mô.»

Rôm 3:19

Mɨná bé lɨ́ egʉ́a gá ó, sá yɨ́yɛ̂h Mékaná mé Nzyɛ̌m dí elɛ́ɛ yɨ́, mé lɛ́ɛ́ yé ó, lɨ́ esú é bʉ̂r o b'á tyélɔɔ metié mé Nzyɛ̌m bá. Nyě tyél bé metié maá ó, lɨ́ esú lé épɨr bʉ̂r bɨ́bɛ̂h minum, le edwe bɨ́bɛ̂h mebě ɨ́ míh mé.

Lʉkas 19:21

ebě me á be ó lɨ́ ekpɛ́ɛ gô, ebě, go ɨ́ buú nyan mʉ̂r. Gǒ nʉnʉǎ sá gó á be akomo yɨ́. Gǒ kpɨkpɛm méde ó, ɨ́ gúmó gó á be abe mempeʼ yɨ́.”

Lʉkas 19:23

Go á bé ató gbâ mé mɔnɨ́ yâm ɨ́ bâŋ ɨ́ yé? Ɨ́ mpúla nyǎm, me gwá nzě nʉǎ mɔnɨ́ yâm yaá, le eběr kʉ́.”