Lʉkas 19:10 - Kálar Nzyɛ̌m : Ejwán é Sáá

¹⁰ Ebě, Mwân mé Mʉr á nze ó, nzě sáa baá mû sí dîm bá ó, nye ódwe bé twiʼ.»

Kálara Zyɛ̌m Edwán é mpʉ̌n

¹⁰ Mwan mo Mʉr a ze ó, ze saa baa mu si pɔhba ɛ, ó nye ódwe be tiʼ molu mo mpoʼ mɨmɛh.»

Lʉkas 19:10 ပူးပေါင်းရင်းမြစ်များ

Mataos 1:21

Nye óbyâ mâ mʉrʉ̂m. Go ójwɨr nyé “Yésʉs”, ebě, nye ó ngá tǐʼ kúl yé, lɨ́ etáǎ góo, le edwih yé ɨ́ mpila mísyóm, pɛʼ yé ɨ́ fá.»

Rôm 5:6

Sá mé dí elɛ́ɛ yɨ̂ʼ, yé ó: mélú mé épíhe, mɨná bé á be gá ó, onzwoó. Jɔʼ yaá ó Krîst á nze ka búra e mɨná gâ, minjéʼe-Nzyɛ̌m yɨ́. Nye á dwe ó, ɨ́ mpǎŋ jɔ̌ʼ Nzyɛ̌m á boo pɛ̂h yɨ́.

Mataos 15:24

Yésʉs nzě yala e bé ó: «Me á jaa lómɔɔ ó, njɨ lɨ́ esú é bínteme bí Ɨ́zraɛ̂l mû sí dîm bí.»

Lʉkas 15:32

Sâ gwár, yê kʉ jalá ó, mɨná tyélɨɨ gá nzɔɔ bisʉhʉʉ, ebě, ntwómô á pa be ndwe nyá, nyɨ́ pah. Nye á si boo dîm. Nyɨ́ kǎ beɔɔ.”»

Ebrœ̂ 7:25

Sá tɨ̂ʼ ntémé ó nyé dí e nkul etíʼ bʉ̂r o ngá sîhlě bǎʼ e Nzyɛ̌m, cɨɨ ɨ́ nzɨ̌ nyé bá. Nyě jaá pɛʼ mébébe mɔ́ɔ́ ó mɨ́mɛ̂h. Mpʉ nyé dí njʉ̌m dǐ e njʉ̌m dǐ yɨ́, nó ntémé ó nyé dí e nkul ejɨʼla e Nzyɛ̌m lɨ́ esú lɔ́ɔ́ ɨ́ jɔʼ yɨ́yɛ̂h yɨ́.

Mataos 10:6

«Tóʼ gá kwá kúl bʉ̂r o b'Ɨ́zraɛ̂l, ɨ́ binteme mû sí dîm bí.

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

Yʉanes 3:17

Nye á bé antɨh Mwân wé ó, nye ntáa nzě dwe bʉ̂r ó sí yɨ̂ʼ mebě. Nye á ntɨh nye ó, bʉr bíʼee twiʼ ɨ́ nzɨ̌ nyé.

Lʉkas 15:8

«Nyʉ́ʉ́ mʉ́má á be ó e minzaŋ mí mɔnɨ́ kám. Nzaŋ ngwár nzě dîm. Nye nzě tumo éláma, gwámlě mbɛ̌r. Nye nzě gɔ́na le esáa wé twîtwǒʼ, twîtwǒʼ, tó pyâl ɨ́ jɔʼ nyé á ka bee wé yɨ́.