Lʉkas 18:9 - Kálar Nzyɛ̌m : Ejwán é Sáá

⁹ Yésʉs ntɔ̂ʼ kɛ̌n kɨkɛna yɨ̂, lɨ́ emveʼle bʉ́ʉ́ bʉ̂r. Bʉr baá, bé á bubûʼla ó, bé ó dí otîtyěl o bʉ̂r ɨ́ míh mé Nzyɛ̌m. Bé ntémé lɨ́ epyêh bʉ́ʉ́ bʉ̂r.

Kálara Zyɛ̌m Edwán é mpʉ̌n

⁹ Yesʉs ntɔʼ sa kɨkɛna yi, lé edweʼle bʉʉ bʉr. Bʉr baa, bé a buʼla-buʼla ó, bé ó ndɨ ocɨcyel o bʉr é mih mo Zyɛm, bé nteme lé ecyɛl bʉʉ bʉr.

Lʉkas 18:9 ပူးပေါင်းရင်းမြစ်များ

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Rôm 10:3

Bé á si jéʼe nzɨ̌ Nzyɛ̌m á tíʼe ɨ́ lémé wé ó, nyě kǎr ó bé nyǎ, ó bé ócɨɨ tɨ̂, bé obi nkâm tɨ̂ʼ nyɨ́. Bé á jaa sáa njɨ ó, bé káraa nyɔ́ɔ́ nzɨ́. Nó ó bé á gbɔba e Nzyɛ̌m, lɨ́ esú ó, bé bíʼee nkam lɨ́ ecɨɨ ɨ́ nzɨ̌ bɨ́ɛ bé bʉr o tɨ̂ʼ, bé á kar nyɨ́.

Rôm 14:10

Ɨ́ mpʉ yé dí nó yɨ́, gua, go nzé, gua mʉr dí edwe mɨ́ɔɔ́ gǒ mʉr mebě nɨ̌? Gua ntémé, go nzé, gua mʉr dí epyêh mɨ́ɔɔ́ gǒ mʉ̌r nɨ̌? Mɨná gá óbɛ̂h, bé ótó tyɛ̂b gá ɨ́ mpǒm diá tîʼ milɔ̌b gá wɨ́ná, Nzyɛ̌m.

Lʉkas 7:39

Nó ɨ́ jɔ̌ʼ Farizyɛ̂n á báŋle Yésʉs nyá, á bee syɛ́ɛla yaá yɨ́, nye ntɔ̂ʼ táare élwib ɨ́ lémé wé ó: “Yé bé mʉr nyâ, nyě tyeetye ó ngwíha milɔ̌b mé Nzyɛ̌m nó, lɛ́ɛ́, nyɨ́ gʉ́a ó, mʉmá dí ekúna e né nyâ, nye lɨ́ esâ syóm ɨ́ nwérédé.”

Rôm 7:9

Ɨ́ mimbú mí píhe, jɔʼ mé á be apǎ gʉ́a métié maá yɨ́, me á be lɨ́ etiʼe. Tó kœb ó, le mé á gʉ́a metié maá, le métié maá ntɔ̂ʼ á jɨm syóm ɨ́ jô,

Lʉkas 19:7

Bʉr bɨ́bɛ̂h bé á bee syɛ́ɛla yaá bá, bé á si lwib lɔ̌b waá minyimla. Bé ó: «Mʉr nyâ, nyɨ́ tó jâ ɨ́ mbɛ̌r syɛ̂l misyóm!»

Lʉkas 18:11

Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Mɨlʉmlʉ 22:21

Nó ó Tî Yésʉs á ka lɛ́ɛ e me ó: “Tóʼ, ebě, me múo nzě tyen gó lɨ́ ejaa, ɨ́ nko bʉ̂r o dí abe óYúden bá di yɨ́.”»

Yʉanes 9:34

Bé e né ó: «Gbaa gó á byɛ̂l, go ó njɨ témé misyóm. Gǒ lɛ́ɛ́ ó, gǒ lɛ́ʼlé ó, bɨ̌h ɨ́?» Ntɔ̂ʼ soŋɔɔ nyé ɨ́ mpáh minjɨʼla nyɔ́ɔ́.

Yʉanes 9:28

Bê nzě táare élwɨ́ɔɔ nyê. Bé e né ó: «Gua, go óbɛ̌m di mpʉ́n wé. Sâ gwár, bɨ̌h bɨɛ, bé ó ompʉ́n mé Moyɨ̂z.

Yʉanes 8:48

OYúden, bé e né ó: «Nzê bɨ̌h bé abe lɨ́ egwá lɛ́ɛ ó, go ó mʉr Samarî, ndu e ntémé ó, gǒ le eleme ɛ̌?»

Lʉkas 15:2

Nó ó óFarizyɛ̂n le olɛ̂ʼla o métié, bé á nyimla páʼ nyɔ́ɔ́ ó: «Mʉr nyâ, nye lɨ́ enʉa ósyɛ̂l o mísyóm! Bé e boo nɔ́ɔ́ bánǎ pûhla mébô, de!»

Lʉkas 10:29

Tó kœb ó, lɛ̂ʼla waá á be lɨ́ edǐ lɛ̂ʼle ótîtyěl wé. Nye ntɔ̂ʼ dî e Yésʉs ó: «Á mɨ́ɔɔ́ wǎm mʉr, nye nzé?»

Rôm 14:3

Mʉr waá dí ede mímbi méde mímyɛ̂h nyá, nyě sá apyêh búʼó mʉ̂r dí eti tír nyá. Mʉr dí eti tír nyá, nyě sá adwe baá o dí ede mímbi méde mɨ́mɛ̂h bá mebě, ebě, Nzyɛ̌m á si beŋle mɨ́ɔɔ́ wɨ́n waá.