Lʉkas 18:32 - Kálar Nzyɛ̌m : Ejwán é Sáá

³² Nye óbɛ́mɔɔ kwá bʉr o bíkûl e biloo. Bé ópya nyê, sáŋɔɔ nyé cére, syɛɛ nyé metyéelé ɨ́ mîh,

Kálara Zyɛ̌m Edwán é mpʉ̌n

³² Bé òkɛha nteme nye boo bʉr o bɨkul. Bé ókpeʼle nye, saŋɔ nye cere, syɛɔ nye mocyeele é mih,

Lʉkas 18:32 ပူးပေါင်းရင်းမြစ်များ

Lʉkas 23:11

Erôd, bé e bisója byé nzě lwɨ́ɔɔ nyé le epyéhɔɔ nyê. Bé ntɔ̂ʼ bôr nyé kán ɨ́ nyʉ̂l ɨ́ nkaaá. Erôd ntɔ̂ʼ báʼǎ tyen nyé kwá mé Pilátos.

Mɨlʉmlʉ 3:13

Nye tiʼe nó ó, ebě, Nzyɛ̌m mé Abraham, Isaac, ndu e Yákɔb, Nzyɛ̌m bimpám gá bíná, á kpɛl ó, nye dwêʼ syɛ̂l mesâ wé, Yésʉs kûm. Bɨ̌n bɨɛ bé á si bɛ́ma nye kwá mé Pilátos, ntɛŋɔɔ nyé ɨ́ mebó mé ó, nye jʉ́ʼoo nye. Bɨ̌n bé á sâ nye nó ó, Pilátos nyɨɛ, nyé osí tíʼe ɨ́ lémé wé ó, nyě bír ó nye.

Markus 14:65

Nó ó bʉ́ʉ́ bʉ̂r ɨ́ sɔ́má yɔ́ɔ́ bé á nze taare esyɛɛ nye metyéelé ɨ́ mîh, le ebúblo nyé mpǒm, le etû nyé bikúra, le elɛ́ɛ e né ó: «Twóóláá díé é mʉ̂r ŋmɛ́h gó nyá.» Bisója, byé ntɔ̂ʼ nʉa nyê, nze ŋmɛ́hɔɔ nyé mempɛ̂h.

Mataos 26:67

Nó ó bʉ́ʉ́ bʉ̂r ɨ́ sɔ́má yɔ́ɔ́ bé á nze syɛɛ nye metyéelé ɨ́ mîh le etû nyé bikúra. Bʉ́ʉ́, bé á ŋmɨŋmɛ̂h ó nye mempɛ̂h.

Mataos 16:21

Táare ɨ́ jɔʼ yaá, Yésʉs nzě gɔ́na le elɛ́ɛ ómpʉ́n bé ó, yé jala ó, nye tôʼ ɨ́ Yerʉ́zalɛm, nye síaa e mitúú ɨ́ buo buo ɨ́ mebó mé ótɔ́má bʉ̂r, le ojwɨ́ɨ o mpáh Nzyɛ̌m le olɛ̂ʼla o métié. Nye ntémé ójʉ́ŋɔɔ. Lɨ́ elú élɛ̂l píe tɨ̂, nye ópah ɨ́ soo.

Mɨlʉmlʉ 2:23

Mpʉ̌ Nzyɛ̌m á boo tíʼe ɨ́ lémé wé yɨ́, nye á kpɛl ó, nye dwêʼ bɨ̌n nkul emɛ̂r Yésʉs. Nó bɨ́n bɨɛ á tímle nye ɨ́ mebó mínjéʼe-Nzyɛ̌m, míɛ nzě bomlo nyé e binzâŋ, bɨ́nɔɔ nyé ɨ́ kolôs kʉ́, jʉ́ŋɔɔ nyê.

Yʉanes 18:35

Pilátos, nye e né ó: «Nzê me ó Yúden ɛ̌? Bʉr ó sí yô le ojwɨ́ɨ o mpáh Nzyɛ̌m bô, bé ô ntɨ̌h gó wâ. Go á pʉgʉ sâ yé ɛ́?»

Yʉanes 18:30

Bé e né ó: «Yé bé nye bé abě bɨ́bla mʉ̂r nó, lɛ́ɛ́, bɨ̌h bé anze e né nko gó dí yɨ́.»

Yʉanes 18:22

Jɔ̌ʼ Yésʉs á be lɨ́ elwib mpʉ́nʉ̌ yɨ́, nyʉ́ʉ́ mâ sója á bě bǎʼ e né nyá, kʉ́ nzě tʉ̂l nyé bɛ̂h lɨ́ emúʼ. Nye e né ó: «Nzê mpʉ́nʉ̌ ó gó dí eyala e njwɨ́ɨ opara yɨ́ ɛ́?»

Lʉkas 23:35

Bʉ́ʉ́ bʉ̂r ó sí yaá, bé á be ɨ́ tyɛ̂b tɨ̂ʼ ɨ́ gúmo yaá, lɨ́ edwɛ́ʼɔɔ. Otɔ́má ó bʉ̂r, bê nzě pya nyê. Bé ó: «Nye á si tiʼ bʉr oswîh. Nye káa tiʼ nyé mʉr tɨ̂, yé bé nye ó dí Mʉ̌r Nzyɛ̌m á lœm múló mé jwɨ́ɨ, waá Nzyɛ̌m á pɛ̂h nyá nó!»

Lʉkas 23:1

Nó bʉ̂r ó gwɨ́hlá yaá á mɔa sí, ntɔ̂ʼ tóŋɔɔ e Yésʉs kwá mé Pilátos.

Mataos 27:2

Jɔʼ bé á be, bé mû sí kâʼ nyé menkara yɨ́, bê nzě tô e né, tó tímlɔɔ nyé Pilátos, á be ngóvina nyá.

Yʉanes 18:28

Bê nzě búla e Yésʉs kwá mé Kayɨáfa, nzě tóŋɔɔ e né mbɛ̌r me njwɨ́ɨ sí yaá. Yé á be ó, yé mû ɨ́ dwiné mɛ́n. OYúden, bé á bé anî mbɛ̌r me njwɨ́ɨ, lɨ́ ekpɛ́ɛ ó, bé ámû lœʼ ményʉ́l mɔ́ɔ́, bé ntɔ̂ʼ kǎ sû méde me nzɔ́ɔ Páska.

Markus 15:1

Ɨ́ dwiné mɛ́n, ojwɨ́ɨ o mpáh Nzyɛ̌m, otɔ́má bʉ̂r o b'Ɨ́zraɛ̂l, olɛ̂ʼla o métié, le bʉ́ʉ́ bʉ̂r ó bʉ̌m nɨ́nɨ́ɨ́, bê nzě sáŋɔɔ pɨ̂ʼ, dumo e Yésʉs. Jɔʼ bé á be, bé mû sí kâʼ Yésʉs menkara yɨ́, bê nzě tô e né, tó tímlɔɔ nyé Pilátos.

Mataos 20:19

Bé óntɛŋ nyé ɨ́ mebó mé bʉ̂r o bíkûl lɨ́ esú ó, bé pyâʼ nye, le eŋmɛ̂h nyé mingáhá le ebomlo nyé ɨ́ kolôs kʉ́. Nó ɨ́ móhó lɛ̂l, nye ópah.»

Mataos 22:6

Baá bʉ́ʉ́, mɛ́rɔɔ ósyɛ̂l o mésâ ónɨ̌, sáŋɔɔ bé cére, jʉ́ŋɔɔ.

Lʉkas 18:33

ŋmɛ̂h nyé mingáhá, ntɔ̂ʼ jʉ́ŋɔɔ nyê. Ɨ́ móhó lɛ̂l, nye ópah.»

Yʉanes 18:32

(Yé á syɛ́ɛ nó ó, mekǎn nyé á lɛ́ɛ má, mé díraa. Nye á be ɨ́ boó lɛ̂ʼle bé mbi éswie nyé ngá dwe wɨ́.)