Lʉkas 18:22 - Kálar Nzyɛ̌m : Ejwán é Sáá

²² Jɔ̌ʼ Yésʉs á jóʼo nó yɨ́, nye nzě lɛ́ɛ e né ó: «Yé lɨ́ esáa gó sâ gwár. Tóʼ, tó bɛ́ma bísá bíbyɛ̂h gó dí e byé bí. Go e dwé míndyêbndyéb mɔnɨ́ yaá. Jɔʼ yaá ó gó ngá bi ókúm le ogbaa ɨ́ buo buo ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Kálara Zyɛ̌m Edwán é mpʉ̌n

²² É jɔʼ Yesʉs a joʼo no e, nye ze lɛɛ e nye ó: «Yé eka saa go sa gwar. Toʼ, to bɛma bɨsa bibyɛh go ndɨ e bye e. Go à dwe baanteʼenteʼe mɔn tɨ. É jɔʼ yaa ó go óbi okum e l'ogbaa é lal mo Zyɛm ɨ. Pie tɨ, go òze du me.»

Lʉkas 18:22 ပူးပေါင်းရင်းမြစ်များ

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Mataos 19:21

Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Lʉkas 16:9

Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Lʉkas 10:42

Tó kœb ó, sá dí ɨ́ buú buǒ nyɔm yɨ́, yé ó njɨ gwár. Sâ yaá, yé ó mbɨambɨa nkɔ̌b Maria nyɨɛ pɛ́h nyɨ́. Abe e mʉr ópɛʼ nyé nyǎ.»

2 Pyɛr 3:8

Bʉr ó kpɛ̌l bâm, ajɨha gá sɨ̂: ɨ́ páʼ mé Dâ Nzyɛ̌m, dʉ́o egwár, lé ó mpʉ tɔ́ɔ́sin mimbû; tɔ́ɔ́sin mimbû nyɨɛ, nye ó mpʉ dʉ́o egwár.

Filipi 3:13

Bɨ́ɔɔ́ bâm! Okɛ́l bâm! Mé apǎ bûʼla ó, mɨ́ nʉa myɛ́na mé dí egwɨ̂m má. Sá mé dí ejaá sœ̂ŋ yɨ́, yé ó, me jɨ́haa bisá bí píhe, kǎ tyěn lémě nko bísá dína me dóló bí.

Lʉkas 9:23

Nye ntɔ̂ʼ lɛ́ɛ e bɨ́bɛ̂h ó: «Mʉ̂r sí kpɛl édû mé nó, nye bénaa nye mʉr tɨ̂, nye e nkɛ́ɛ́ kolôs yé dʉ́ó lɨ́lɛ̂h. Nye e dú mê.

Lʉkas 18:21

Mʉ̌r nɨ̌ nzě lɛ́ɛ e né ó: «Mɨ́ baʼle métié ménɨ̌ mɨ́mɛ̂h, táare lɨ́ ontwǒm, kumo mûh.»

Lʉkas 18:23

Njóʼá mʉ̂r waá á jóʼo yalá yaá yɨ́, nye kʉ́ nzě tyɛʼ nyʉ̂l, ntɔ̂ʼ búla ɨ́ twíaaa, ebě, nye á be ó le okúm le ogbaa le ombeʼ o nyʉ̂l.