Lʉkas 18:14 - Kálar Nzyɛ̌m : Ejwán é Sáá

¹⁴ Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n ó: nwɨa mɔnɨ́ tœ́a waá á ka tô mbɛ̌r wé ó, nyé osí bi nkâm ɨ́ míh mé Nzyɛ̌m, abě mpʉ̌ Farizyɛ̂n, ebě, mʉr nyɨnyɛ̂h dí ebɨ̂r nyé mʉr tɨ̂ʼ kʉ́ nyá, ósulɔɔ sí. Waá nyɨnyɛ̂h dí ejɔr nyʉ̂l nyé nyá, óbɨ́nɔɔ kʉ́.»

Kálara Zyɛ̌m Edwán é mpʉ̌n

¹⁴ Yesʉs ntɔʼ lɛɛ e be ó: «Me elɛɛ bɨn ó, nwɨa tœa waa a ka fiʼ, to mbɛr we ó, nye osi bi mokebe é mih mo Zyɛm, abe mpʉ Farizyɛŋ, ebe, mʉr lé enkɛɛ nyʉl ɨ, nye ófilɔ si; waa lé efil nyʉl si ɨ, nye óbɨnɔ kʉ.»

Lʉkas 18:14 ပူးပေါင်းရင်းမြစ်များ

Lʉkas 14:11

Ebě, mʉr dí enkɛ́ɛ nyʉ̂l nyá, ósulɔɔ sí. Mʉr waá dí ejɔr nyʉ̂l nyé nyá, óbɨ́nɔɔ kʉ́.»

Lʉkas 16:15

Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Jacques 4:10

Jɔrɨɨ gá menyʉ̂l ɨ́ mpǒm mé Dâ Nzyɛ̌m. Nyé ogbɛl bɨ́n.

Mataos 23:12

Mʉr nkɛ́ɛ́ nyʉ̂l nyá, ósulɔɔ sí. Waá súl nyʉ̂l sí nyá, óbɨ́rɔɔ kʉ́.

Jacques 4:6

Damá be nó, Nzyɛ̌m, nye lɨ́ esʉ mɨ́ná gá metyɛʼ me mpóm ɨ́ buo buo. Mekaná mé Nzyɛ̌m, mé lɨ́ elɛ́ɛ ó nó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ejɔr ményʉ́l mɔ́ɔ́ bá bɨɛ, nye lɨ́ esʉ bé metyɛʼ me mpóm.»

Lʉkas 1:52

Nye á si pɛʼ ojwɨ́ɨ ɨ́ bidiá byɔ́ɔ́. Nó bʉr o dí ejɔr ményʉ́l mɔ́ɔ́ bá, nyɨ́ dwe bé bidiá bi kʉ́.

Mataos 5:3

Yésʉs nzě lɛ́ɛ ó: «Metyɛʼ me mpóm, mé díʼee e bʉr o dí egʉ́a ó, misísǐm myɔ́ɔ́, myé dína ó le edyêb ɨ́ páʼ mé Nzyɛ̌m bá, ebě, Mpóʼo mé Dâ Nzyɛ̌m, nye tyélá ó, lɨ́ esú é bʉ̂r o dí mpʉ bé bá.

Galásia 2:16

Sâ gwár, mɨná bé lɨ́ egʉ́a gá ó, mʉr, nyé abi nkâm ɨ́ míh mé Nzyɛ̌m ɨ́ lɔ̌b mbaʼlá métié. Mʉ̌r bi nkâm ó, ɨ́ lɔ̌b búʼó, lɨ́ edyêʼ koo e Yésʉs-Krîst. Mɨná bɨ́ dyɛ̂ʼwo ntémé e Yésʉs-Krîst. Búʼó gá yɨ́ná yaá, yé aduho ɨ́ mbaʼlá metié. Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié.

Rôm 4:5

Tó kœb ó, mʉ̂r dí asɨ̂sa bísyɛ́ɛla bimpâ nyá, sí dyɛ̂ʼwo e Nzyɛ̌m, le ebúʼla ó, Nzyɛ̌m sá ó dwe mínjéʼe-Nzyɛ̌m nkam nó, Nzyɛ̌m óbeě mpʉ̌ nyé dí edyɛ̂ʼwo e né yɨ́, ntɔ̂ʼ kǎ láa ó, nye ó tîtyěl mʉr.

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Lʉkas 10:29

Tó kœb ó, lɛ̂ʼla waá á be lɨ́ edǐ lɛ̂ʼle ótîtyěl wé. Nye ntɔ̂ʼ dî e Yésʉs ó: «Á mɨ́ɔɔ́ wǎm mʉr, nye nzé?»

Rôm 8:33

Nzé dí e nkul epʉgʉ́ pur bʉ̂r ó Nzyɛ̌m á twâr bá? Nzyɛ̌m mʉr tɨ̂ʼ ó b'á boo sâ ó, mɨná bíʼee gá nkam ɨ́ míh mé.

Rôm 5:1

Nzyɛ̌m á be ɨ́ dwe mɨ́ná gá nkam ɨ́ lɔ̌b búʼó gá yɨ́ná. Sá tɨ̂ʼ ó mɨ́ná gá e Nzyɛ̌m mû mbɨ̂mbɨá ɨ́ nzɨ̌ Tî gá wɨ́ná, Yésʉs-Krîst yɨ́.