Lʉkas 18:13 - Kálar Nzyɛ̌m : Ejwán é Sáá

¹³ Sâ gwár, nwɨa mɔnɨ́ tœ́a, nye á tîtyɛb sá yé ó ɨ́ pɨ́nʉ́ʉ́. Nye á bé akpɛl ébá bɨ̂n mîh kʉ́. Nye á gbâ ó, njɨ mebô kʉ́ lʉ̂, le elɛ́ɛ ó: “Dâ Nzyɛ̌m, Dâ Zyɛ̌m, sáʼ ó, ebúʼ lô, lé tálaa lɨ́ esú lâm, ebě, me ó syɛ̂l misyóm.”»

Kálara Zyɛ̌m Edwán é mpʉ̌n

¹³ Sa gwar, nwɨa tœa a cyɛb ó pɨnʉ. Nye a baakpɛl bɨn ba mih kʉ. Nye a kɛl ó njɨ mobo é lʉ, lé elɛɛ ó: “Da Zyɛm, saʼ ó, empime lo, lé tala é l'efu lam, ebe, me ó syɛl mɨsyem.”»

Lʉkas 18:13 ပူးပေါင်းရင်းမြစ်များ

1 Timotɛ 1:15

Lɔ́ɔ́ ébûʼlɔɔ, waá bʉ̂r bɨ́bɛ̂h jálá le ekam wɨ́, wé ó wɨ̂: Yésʉs-Krîst á nze ɨ́ sí yɨ̂ʼ ó, nye ntáa nzě tíʼ ósyɛ̂l o mísyóm. Nó ó, ɨ́ sɔ́má bʉ̂r o b'á sâ misyóm bá, mɛm ó b'á sahle.

Lʉkas 23:48

Nó ntémé ó méntumo me bʉ̂r mé á nze, lɨ́ enzě beě sá yé á syɛ́ɛ yɨ́. Mbeá bé á bee yé yɨ́, bê nzě gɔ́na le ebúla ɨ́ twíaaa, mebô kʉ́ milʉ̂.

Ebrœ̂ 8:12

Me ójɨ̂ʼ bʉ̂r o b'á gbah metié mâm bá nkoó. Me ákǎ símsa mísyóm myɔ́ɔ́.”

Mɨlʉmlʉ 2:37

Jɔʼ éntumo e bʉ̂r, lé á jóʼo mekǎn maá yɨ́, mé ntɔ̂ʼ mɛ̂r bé ɨ́ milémé myɔ́ɔ́. Nó ó bé á dî e Pétrus, bé e bʉ́ʉ́ bʉ̂r o mílʉ́mlʉ́ ó: «Bɨ́ɔɔ́ bɨ́h, bɨ̌h bé ɨ́ jala le ekǎ sâ nyá ɛ́?»

Ebrœ̂ 4:16

Nó, mɨná sîhlaa gá bǎʼ e né, tó pyâl pyáláa ɨ́ mecwɨ́ɨ́ mé jwɨ́ɨ́ yé. Mɨná pyálaa gá ɨ́ mpǒm nyé, abáawǒ sɔ̂ʼ, le ebúʼla ó, nyě dǐ ɨ́ mecwɨ́ɨ́ maá ó, lɨ́ esú ó, nye sâʼ bʉr mpam, le ejɨ̂ʼ bé nkoó. Mɨná bi gá mpam nyé ó, ɨ́ jɔʼ mɨ́ná dí ebuú jɨ gá nkɔ̌m nyé yɨ́.

Rôm 5:8

Yésʉs-Krîst nyɨɛ á búra e mɨná gá ó, ɨ́ jɔʼ mɨ́ná bé á be gá osyɛ̂l o mísyóm yɨ́. Nó ó Nzyɛ̌m dí elɛ̂ʼle mɨ́ná gá kpɛ̌l yé yɨ́.

Lʉkas 5:8

Jɔ̌ʼ Simon Pétrus á bee syɛ́ɛla yaá yɨ́, nye ntɔ̂ʼ bɨʼ mébóó sí ɨ́ mpǒm mé Yésʉs. Nye e né ó: «Dâ ɛ̌, ayɨ́ di bǎʼ e me, ebě, me ó mʉrʉ̂m dí syɛ̂l misyóm nyá.»

2 Korɛnt 7:11

Jwɛ́ʼɛ́ɛ́ gá sɔ̂ʼ njɨ sá Nzyɛ̌m á gbâ bɨ̌n ɨ́ miléme yɨ́. Ebúʼ e dí esâ ó, mʉr jʉ́baa, duho ɨ́ bisyɛ́ɛla byé lɨ́, lé á be ɨ́ sâ ó: bɨ̌n díʼee e léme ngwár ɨ́ báná báná ó, bɨ̌n sâʼ embɨa, bɨ̌n sáŋaa nzɨ̌ dí ó, me tɨ́ʼee bibaa bí ébébe mé á niʼe bɨ̌n bí, bɨ̌n bíʼee túú le bʉ́á ɨ́ miléme, bɨ̌n bíʼee mimpaŋ bígwɨ́má, bɨ̌n díʼee e sɨ́n ɨ́ miléme, bɨ̌n dwêʼ nye bintɨ́ʼá ɨ́ lɔ̌b wé. Ɨ́ menzɨ̌ maá mɨ́mɛ̂h, bɨ̌n bé á lɛ̂ʼle ó, bɨ̌n bé á be ó otîtyěl, abe e mebě ɨ́ lɔ̌b waá.

Mataos 9:13

Swíʼɨ́ɨ́ gâ. Bɨ̌n a tó jɨ̂ʼ sá mékǎn mâʼ dí elɛ́ɛ ɨ́ Mekaná mé Nzyɛ̌m yɨ́. Yê cɛmá ó: Mě gwɨ́m ó, bɨ̌n lɛ̂ʼlaa bʉr mpam, laa ó, bɨ̌n dwêʼ me mindwéá mí ótír. » Yésʉs nzě kɛl tɨ̂ʼ ó: «Ebě, me á bé anzě jébe ótîtyěl o bʉ̂r. Me á nze jébe ó, osyɛ̂l o mísyóm.»

Lʉkas 17:12

Jɔʼ nyé á pyâl ɨ́ nyʉ́ʉ́ kwár yɨ́, minzɨ̂nzǎm kám, nzě bɔma e né. Myé á tyɛ̂b ó e bá e ncɛrá,

Mataos 6:5

«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Mataos 10:3

Philippe bé e Barthélemy, Thomas bé e Matthieu (mʉr á be lɨ́ enʉǎ mɔnɨ́ tœ́a nyá), Jacques, mwân mé Alfê, Tadê,

Markus 11:25

Bɨ́n ótyɛ̂b mítîtyěl lɨ́ esâ mínjɨʼla, bɨ́n e bʉr dína e lɔ̌b nó, sáʼ gá ó, bɨ̌n nyɛ́ɛ pɛʼ bíbaa bí ébébe bɨ́n á niʼe bé bí. Nó ó Sɔ́ŋ wɨ́n dí ɨ́ jʉ́o kʉ́ nyá ngá pɛʼ ntémé bibaa bí ébébe nyé á niʼe bɨ̌n bí. [

Lʉkas 22:41

Nó nyé á líʼe bê, nzě bá tô dóló, tyé mʉ̂r dí e nkul eguho ébaalé yɨ́. Nye ntɔ̂ʼ bɨʼ mébóó sí, jɨʼla e Nzyɛ̌m.