Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Lʉkas 18:12 - Kálar Nzyɛ̌m : Ejwán é Sáá

12 Me lɨ́ eti méde ɨ́ sóno ngwár bijɔʼ bibá. Me lɨ́ edwe gó yô pêh ɨ́ mebi mâm mɨ́mɛ̂h mé dí ebi má, jala e nkɔb mpwár ɨ́ menkɔb kám.”

အခန်းကိုကြည့်ပါ။ ကော်ပီ

Kálara Zyɛ̌m Edwán é mpʉ̌n

12 Me eti mode é sono ngwar zɔʼ ba. É mobi mam mɨmɛh me lé ebi ɨ, me edwe go nkɔb ewʉm tɨ.”

အခန်းကိုကြည့်ပါ။ ကော်ပီ




Lʉkas 18:12
24 ပူးပေါင်းရင်းမြစ်များ  

«Nkoó, nye ó e bɨ̌n, oFarizyɛ̂n, ebě, bɨ̌n damá bi bísâ bi dí ɨ́ twâʼwo bí mpʉ bíká ménumó, biká bí dʉ̂m ti e byaá mépulo, bɨ̌n bé lɨ́ ebánǎ dwě Nzyɛ̌m nkɔb mpwár ɨ́ menkɔb kám tɨ̂. Tó kœb ó, bisyɛ́ɛla bi mpâm le byaá bí ótîtyěl Nzyɛ̌m dí ɨ́ buú beě mbɨ̂mbɨá bí, bɨ̌n bé lɨ́ epyêh byê. Yé jala ó, bɨ̌n dwêʼ nye nkɔb bisá bín dí nyaá nyé nyɨ́. Sâ gwár, ajɨha ntémé bisyɛ́ɛla bi mpâm le byaá ótîtyěl.


Ompʉ́n mé Yʉánɛs Ndubʉr nzě sîhlě súm Yésʉs á be yɨ́. Bê nzě dî e né ó: «Bɨ̌h bɨɛ le oFarizyɛ̂n, bé lɨ́ etiti méde pâʼ e pâʼ lɨ́ edwě Nzyɛ̌m kûm, ompʉ́n bô bɨ́ɛ l'ati ɨ́ yé?»


Damá jóʼo bɨ́n, jɔʼ bɨ́n ósîl ésâ mílʉ́mlʉ́ mímyɛ̂h yɨ́, lɛ́yɨ́ɨ́ gá páʼ nyɨ́n ó: “Mɨná gá bé ó baántéʼenteʼe ósyɛ̂l o mésâ. Mɨná bé á jaa séa gá ó, njɨ bím syɛ́ɛ́ nyé á líʼe ó, mɨná séaa gá yɨ́.”»


Ebě, pɨ́ʼá nyʉ̂l wɨ́ɛ, wê mʉr tɨ̂, wé ó e mâ nyɔm. Edwáawǒ Nzyɛ̌m lɨ́ɛ, lé e nyɔm ɨ́ páʼ bísá bíbyɛ̂h, ebě, mʉr dí edwáawǒ Nzyɛ̌m nyá, nyɨ́ bi ménkɛ̌ʼ ɨ́ páʼ twiʼ, yaá báánâ, ti e yaá ngá tô dóló njʉ̌m dǐ e njʉ̌m dǐ yɨ́.


«Baʼaa gá lɨ́ elɛ̂ʼle ɨ́ míh mé bʉ̂r mpʉ bɨ́n dí edwě Nzyɛ̌m kûm yɨ́, ó bɨ̌n nkʉ̂ beɔɔ. Bɨ́n sá nó wá, bɨ̌n bé ábǐ mpǎŋ myɛ́na kwá sɔ́ŋ wɨ́n dí ɨ́ jʉ́o kʉ́ nyá.


Nye á bé acwɨ́a e bɨ̌n ɨ́ lɔ̌b yʉ́ʉ́ syɛ́ɛla mpâ yɨ́n. Nó ntémé, yé ajala ó, mʉr nkʉ́naa ɨ́ nye mʉr tɨ̂.


Ɨ́ bʉr ó duo yâm, me ó b'á bu dû metum mé óYúden. Me á si gbâ nyʉ̂l nyǎm ɨ́ swííá lɨ́ ebaʼle métum bímpám bíh, byé á líʼe má.


Nó, kâr tɔʼ e sâ gwár ɨ́ sí yɨ̂ʼ dí e nkul enkʉ́na ɨ́ míh mé Nzyɛ̌m.


Mpʉ yé dí nó yɨ́, nzê mʉr óbánǎ tô le enkʉ́na ɨ́ bisyɛ́ɛla byé nyé mʉr tɨ̂ʼ ɛ̌? Heʼé, yʉ́ʉ́ sɔ̂ʼ, yé abe nó! Yé dí ekamle e mɨná gá ó, mɨná nkʉ́naa gâ? Nzê metié mé Nzyɛ̌m ó dí ekamle mɨ́ná gá lɨ́ enkʉ́na ɛ́? Yaá! Sá dí esâ ó, mɨná sá ankʉ́na gá yɨ́, yé ó nzɨ̌ búʼó mɨ́ná dí edû gá nyɨ́.


«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.


«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.


Nó mě lɛ́ɛ́ bɨ́n ó: ótîtyěl wɨ́n, wé óbe, alaa waá óFarizyɛ̂n le olɛ̂ʼla o métié nó, bɨ̌n bé ákóʼó nî ɨ́ Mpóʼo mé Dâ.»


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ