Lʉkas 18:1 - Kálar Nzyɛ̌m : Ejwán é Sáá

¹ Yésʉs ntɔ̂ʼ báʼǎ sâ bé kɨkɛna yɨ̂ʼ lɨ́ elɛ̂ʼle bé ó, bé ɨ́ jala le ejɨʼla e Nzyɛ̌m jɔʼ yɨ́yɛ̂h, akâr túú.

Kálara Zyɛ̌m Edwán é mpʉ̌n

¹ Yesʉs ze sa be kɨkɛna fih, kɨkɛna yaa lé elɛʼle ompʉn be ó, bé ekʉ jala le ejwɨʼla e Zyɛm é jɔʼ yiyɛh, akar tuu.

Lʉkas 18:1 ပူးပေါင်းရင်းမြစ်များ

Kolosi 4:2

Jɨjɨʼlaa gá e Nzyɛ̌m ɨ́ jɔʼ yɨ́yɛ̂h. Tirwaa gá syɛ́ɛ́ mínjɨʼla. Dwéʼ gá nye nzyǒo ɨ́ bisá nyé dí esâ bɨ́n bí.

Rôm 12:12

Diʼee gá e bisʉhʉʉ ɨ́ mpûʼlǎ Nzyɛ̌m á gbâ bɨ̌n ɨ́ miléme nyɨ́. Júhwáá gá mitúú bɨ́n dí esia e myé mí. Tirwaa gá syɛ́ɛ́ mínjɨʼla.

1 Tesalonika 5:17

Jɨʼlaa gá e Nzyɛ̌m ɨ́ bijɔʼ bíbyɛ̂h.

Filipi 4:6

Asyɛl gá bá ɨ́ yʉ́ʉ́ sɔ̂ʼ. Jɨʼlaa gá e Nzyɛ̌m ɨ́ bijɔʼ bíbyɛ̂h, ɨ́ bisá bíbyɛ̂h bɨ́n dí ejɨ bí. Jwǐdwéʼ gá nye nzyǒo ɨ́ jɔʼ yɨ́yɛ̂h ɨ́ bisá nyé dí edwe bɨ́n bí.

Éfɛsɔs 6:18

Sáʼ gá sâ yaá yɨ́yɛ̂h e minjɨʼla, le edî ó, Nzyɛ̌m súʼaa bɨ̌n. Jɨʼlaa gá ɨ́ jɔʼ yɨ́yɛ̂h ɨ́ mpʉ̌ Sísǐm mé Nzyɛ̌m dí etɨ́e bɨ́n yɨ́. Tɨ̂ʼ ntémé, atyɛʼ gá lɨ́ edi ɨ́ doho. Ɨ́ jɔʼ yɨ́yɛ̂h, tirwaa gá e syɛ́ɛ́ mínjɨʼla lɨ́ esú é bʉ̂r o mé Nzyɛ̌m bɨ́bɛ̂h.

Lʉkas 21:36

Diʼee gá ɨ́ mpʉ̂n. Jɨʼlaa gá ɨ́ jɔʼ yɨ́yɛ̂h, ó bɨ̌n nkʉ̂ kɨ̂ŋ bísyɛ́ɛla bí móhó waá bíbyɛ̂h. Jɨʼlaa gá ntémé ó bɨ̌n nkʉ̂ be e nkul etyɛ̂b ɨ́ mpǒm Mwân mé Mʉr.»

Galásia 6:9

Mɨná tôʼ dóló le esɨsâ gá bisyɛ́ɛla bimpâ, akâr. Mɨ́ná bé abîr gá bisyɛ́ɛla byaá nó, mɨná bé ódira gá nyɔm tɨ̂, píe mâ jɔʼ.

2 Korɛnt 4:1

Bɨ̌h bé adímle nkûl ɨ́ miléme, ebě, Nzyɛ̌m á si jɨ̂ʼ bɨ̌h nkoó lɨ́ edwe bɨ́h syɛ́ɛ́ yɨ̂.

Kolosi 4:12

Epafrâs, mʉr á duho kwá nyɨ́n nyá, nye lɨ́ esoho bɨ́n. Nye ó syɛ̂l mesâ mé Krîst. Nye lɨ́ ejɨʼla e Nzyɛ̌m e nkul jɔʼ yɨ́yɛ̂h ɨ́ lɔ̌b wɨ́n ó, bɨ̌n tyɛ́bɨɨ mekʉ̌ sí ɨ́ sɨ́ŋ, bɨ̌n díʼee otɔ́má bʉ̂r ɨ́ mipáʼ mímyɛ̂h, le egʉ́a bísyɛ́ɛla bíbyɛ̂h Nzyɛ̌m dí ekpɛl bí ɨ́ pébébé.

Lʉkas 11:10

Ebě, mʉr nyɨnyɛ̂h dí egwâm nyá, óbi. Mʉr dí esáa nyá, óbee. Ebê, lé ódibɔɔ lɨ́ esú é mʉ̂r dí ekwâʼle nyá.