Lʉkas 17:30 - Kálar Nzyɛ̌m : Ejwán é Sáá

³⁰ Nó ntémé ó yé ngá syɛ́ɛlɨ ɨ́ móhó Mwân mé Mʉr ngá nze wɨ́.

Kálara Zyɛ̌m Edwán é mpʉ̌n

³⁰ Yé óbe nteme ó, jwɨʼ gwar e gwar yaa é dobo Mwan mo Mʉr óbâʼle nyin ɨ.

Lʉkas 17:30 ပူးပေါင်းရင်းမြစ်များ

Mɨngwiha 1:7

Paá bee gâ: nye lɨ́ enze ɨ́ dwiné. Bʉr bɨ́bɛ̂h, bé óbee nyê, damá be ó baá bé á lúmo nye ekʉá bá. Bʉr o bíkúl bí sí yɨ̂ʼ bíbyɛ̂h, bé ójɨ médwê le ekâm ékúhó lé. Eee! Amɛn!

2 Tesalonika 1:7

Yé ntémé, yé óbe ó syɛ́ɛla mpâ ɨ́ jɔʼ nyé ódwe mɨ́ná gá óbɛ̂h egbalá píe bintɨ́ʼá bín yɨ́, ebě, mɨná bé ógbala gá ɨ́ jɔ̌ʼ Tî Yésʉs ónyɨ̂n, duho ɨ́ jʉ́o kʉ́ yɨ́. Bé e beéngeles bé, baá o dí ɨ́ lele ménkul bá, bé ópyâl ɨ́ njʉ̌l siʼe tʉ́ŋlʉ̌.

1 Korɛnt 1:7

Tó pyâl ó, sá yɨ́yɛ̂h Nzyɛ̌m dí edwe bʉ̂r bé yɨ́, nyɨ́ dwe bɨ́n ntémé yǎ. Jɔʼ yɨ́yɛ̂h bɨ́n dína lɨ́ ebónǒ nzéá Tî gá wɨ́ná, Yésʉs-Krîst ngá nze wɨ́ yɨ́, bɨ̌n mû ó le mindwéá mé Nzyɛ̌m myaá.

1 Pyɛr 1:13

Nó, diʼee gá ɨ́ cǎr ó, bɨ̌n sâʼ bisyɛ́ɛla bimpâ. Gwá mâr gá miléme. Mpûʼla, nye díʼee bɨ̌n ɨ́ miléme ó, bɨ̌n bé ódweŋɔɔ̌ mpǎŋ ndwéá ɨ́ jɔ̌ʼ Yésʉs-Krîst óbáʼǎ nyɨ̂n yɨ́.

1 Pyɛr 1:7

Ndyɛ́ʼwá bɨ́n dí edyɛ̂ʼwo e Nzyɛ̌m wɨ́, wê bɨ̌n ó, ɨ́ buo ódimé, laǎ gʉ̂l. Gʉ̂l pǎ nyɛɛ́ gbáŋɔɔ ɨ́ duró lé ólûl, ó yé gwâ nyɨ̂n tyeetye ó, yé ó yaá mpâ, yɨ́ɛ yé ó sá dí ó, yé ódîm yɨ́, á dwɛʼra e búʼó gá yɨ́ná! Yé ógbáŋɔɔ ɨ́ duró, bʉr nkʉ̂ gʉ́a bee ó, yé ó búʼó mpâ. Nó bʉ̂r, bé ógúmlǒ Nzyɛ̌m, le edwe nyé kûm ɨ́ jɔ̌ʼ Yésʉs-Krîst óbáʼǎ nze yɨ́.

Lʉkas 21:27

Jɔʼ yaá ó bé ngá bee Mwân mé Mʉr lɨ́ enze ɨ́ dwiné tʉ́ŋlʉ̌, lwɨ́ŋlá e nkul ɨ́ buo buo ti e mentyɛnwa yɨ́.

Mataos 24:3

Nó ó Yésʉs á nze tô lɨ́ Ecwɨ́ʼ lé ólivier, nzě di sí. Ompʉ́n bé, bê nzě tô e né, tó sâ bʉm. Bé e né ó: «Lɛ́yɨ́ɨ́ bɨ́h jɔʼ bísá bîʼ ngá syɛ́ɛ yɨ́. Lɛ́yɨ́ɨ́ bɨ́h ntémé dweʼle ngá lɛ̂ʼle ó, go mû ó kúno ebúla, le ntémé jɔʼ mpóʼo sí yɨ̂ʼ ngá síe yɨ́.»

Mataos 16:27

Ebě, Mwân mé Mʉr múo nzě pyâl ɨ́ mentyɛnwa me Sɔ́ŋ wé, bé e bééngeles bé. Jɔʼ yaá ó nyé ngá tíʼe bʉ̂r milɔ̌b, dû mpʉ bísyɛ́ɛla byɔ́ɔ́, byé á be yɨ́.

1 Pyɛr 4:13

Sohaa gá ɨ́ buo buo ɨ́ jɔʼ bɨ́n dí esia e mitúú mé Krîst yɨ́. Bɨ́n ósia e mitúú myé myaá le bisʉhʉʉ nó, bɨ̌n ntémé bé óbuú soho ɨ́ jɔʼ méntyɛnwa mé, mé ónyɨ̂n ɨ́ ponó yɨ́.

Markus 13:26

Jɔʼ yaá ó bé ngá bee Mwân mé Mʉr mû lɨ́ enze ɨ́ bidwiné, témé nkǔl nɨ́nɨ́ɨ́ le mentyɛnwa mé Nzyɛ̌m.

Mataos 26:64

Yésʉs ntɔ̂ʼ yala e né ó: «Yé ó go mʉr tɨ̂ʼ dí sí lɛ́ɛ̌ nɨ̌. Me lɨ́ elɛ́ɛ bɨ́n, táare ɨ́ báánâ, bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 24:39

Bé á bé abûʼla ó, sɔ̂ʼ, yé e nkul esyɛ́ɛ nó, tó pyâl ɨ́ jɔʼ mpɨ́ɨ á bana sîl bɨ́bɛ̂h yɨ́. Yé óbe ntémé ó, jwɨʼ gwár, ɨ́ jɔʼ Mwân mé Mʉr ngá báʼǎ nze yɨ́.

Mataos 24:37

Syɛ́ɛla yaá, yé ósyɛ́ɛ ó, nwɨɨla e bisyɛ́ɛla byé á sisyɛ́ɛlɨ ɨ́ jɔʼ mé Nóe bí. Mpʉ yaá ntémé ó Mwân mé Mʉr ngá báʼǎ nze yɨ́.

Lʉkas 21:22

Ebě, yé óbe ó melú mé tíʼá mílɔ̌b. Tɨ̂ʼ ó sá yɨ́yɛ̂h Mékaná mé Nzyɛ̌m dí elɛ́ɛ yɨ́ ngá dira yɨ́.

Lʉkas 17:24

Mpʉ̌ ndweh dí edweh ɨ́ jʉ́o, pǎn myɛ́n ɨ́ mipáʼ mí jʉ́ó mímyɛ̂h yɨ́, ó Mwân mé Mʉr ósâ ɨ́ jɔʼ nyé ngá báʼǎ nze yɨ́.

Lʉkas 17:29

Ɨ́ móhó Lôt á duho Sodôm wɨ́, siʼe ti e pir, byé á si duho ɨ́ jʉ́o kʉ́, swɨɨ bɨ́bɛ̂h ɨ́ menyʉ̂l mpʉ métó mé mpíé, dímle bɨ́bɛ̂h.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.

Kolosi 3:4

Krîst ó dí edwe mɨ́ná gá mpǎŋ twiʼ. Jɔʼ nyé óbáʼǎ nyɨ̂n bʉ̂r ɨ́ mîh ɨ́ kpɛŋlɛm yɨ́, bɨ̌n le onɔ́ɔ́, bé ónyɨ̂n sɔ́má e kûm nyɨnyɛ̂h.

1 Yʉanes 2:28

Nó ó, bwán bâm, diʼee gá ɨ́ mpúhlá e Krîst, mbi dí ó, jɔʼ nyé óbáʼǎ nyɨ̂n yɨ́, mɨná nkʉ̂ nʉa gá pîm ɨ́ búʼó. Mɨná nkʉ̂ be gá asɔ́ma ɨ́ míh mé, ɨ́ jɔʼ nyé óbáʼǎ nze yɨ́.

1 Yʉanes 3:2

Bʉr ó kpɛ̌l bâm, ɨ́ báánâ, mɨná gá mû ó bwán mé Nzyɛ̌m. Yé damá be nó, mbi bʉ̂r mɨ́ná ódi gá wɨ́, wé dína ó, apǎ gʉ́ŋɔɔ. Sá mɨ́ná dí egʉ́a gá yɨ́, yê njɨ ó, jɔ̌ʼ Krîst óbáʼǎ nyɨ̂n yɨ́, mɨná bé ónwɨɨla gá e né, ebě, mɨná bé óbee gá nye ó, kwahaá mpʉ nyé dí yɨ́.