Lʉkas 17:24 - Kálar Nzyɛ̌m : Ejwán é Sáá

²⁴ Mpʉ̌ ndweh dí edweh ɨ́ jʉ́o, pǎn myɛ́n ɨ́ mipáʼ mí jʉ́ó mímyɛ̂h yɨ́, ó Mwân mé Mʉr ósâ ɨ́ jɔʼ nyé ngá báʼǎ nze yɨ́.

Kálara Zyɛ̌m Edwán é mpʉ̌n

²⁴ ebe, mpʉ ndweh mpie lé edweh é jobo, bʉr bɨbɛh lé ebee we é keb-keb ɨ, no nteme ó Mwan mo Mʉr ósa é dobo nye óbula ze e. Nye óbeɔ ó, é mɨpaʼ mɨ si mimyɛh!

Lʉkas 17:24 ပူးပေါင်းရင်းမြစ်များ

Mataos 24:27

Ebě, mpʉ̌ ndweh dí edweh, táarě nko dʉ́o dí ejɨma, tó kumǒ nko lé dí edíme yɨ́ ó Mwân mé Mʉr ngá báʼǎ nze yɨ́.

Mataos 24:30

Jɔʼ yaá, dweʼle ngá lɛ̂ʼle ó, nzéá mé Mwân mé Mʉr, wé mû lɨ́ ekúnwo yɨ́, yé ónyɨ̂n ɨ́ jʉ́o kʉ́. Bikúl bí sí yɨ̂ʼ bíbyɛ̂h, byé ótáare éjɨ médwê, le ekâm ékúhó lé. Bé óbee Mwân mé Mʉr lɨ́ enze ɨ́ bidwiné bí jʉ́o, le ánɨ̂nɨ̂n nkul le mentyɛnwa ɨ́ buo buo.

2 Pyɛr 3:10

Ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r ó, metwɨrâ, mpʉ̌ ndíblʉ̌. Jʉ́o le ejwoo le baántɛ́n, byé ótɨ̂l e duú ɨ́ buo buo. Bisá Nzyɛ̌m á komlo byé e tɨ̂ʼ bí, nye ódîʼ bíbyɛ̂h. Sí yɨ̂ʼ ti e bisá bíbyɛ̂h bi dí esumɔɔ tɨ̂ʼ bí, byé ódíʼɔɔ.

Jacques 5:8

Júhwáá gâ. Biʼee gá nkul ɨ́ miléme, ebě, Tî gá wɨ́ná mû ó kúno ebáʼǎ nze.

2 Tesalonika 2:2

Bɨ̌h lɛ́ɛ́ bɨ́n ó nɛ́ɛ: akǎ twɨra gá dwêh. Nyʉ́ʉ́ mʉ̂r ólɛ́ɛ bɨ́n ó, Tî gá wɨ́ná Yésʉs, nyɨ́ báʼǎ pyâl nó, sɨ́ǎ yaá atɨ̂l bɨ́n mekʉ̌ sí. Mʉr waá damá lɛ́ɛ ó, lɛ́á wé waá, wé ó solá sɔ̂ʼ, duho kwá mé Nzyɛ̌m, yé abe nó. Nyě damá lɛ́ɛ ó, yé ó ekǎn nyʉ́ʉ́ mʉ̂r á lɛ́ɛ nye lɨ́. Yé ntémé, yé abe nó. Nyě damá boʼlo ó, lɛ́á waá, wé duho ɨ́ mekaná me dí enyɨ̂n ó, mé duho kwá nyɨ́h má, yé abe nó.

1 Tesalonika 5:2

Ebě, bɨ̌n bʉr o tɨ̂, bé lɨ́ ekʉ́ gʉ́a ɨ́ pébébé ó, ɨ́ jɔʼ Tî Yésʉs óbáʼǎ nze yɨ́, nye ópyâl bʉ̂r metwɨrâ mpʉ míndíblʉ̌ dí eboó pipyâl ɨ́ mipum yɨ́.

2 Tesalonika 2:8

Jɔʼ yaá ó nyɨ́ɛ, mʉr dí egbah metié mé Nzyɛ̌m nyá, ókǎ nyɨ̂n ɨ́ kpɛŋlɛm yɨ́, Tî Yésʉs, nyé okǎ jʉ̂ nyé e ngúl num wé. Nye óteʼle mʉ̂r waá ó, ɨ́ nzéá nyé ónze wɨ́.

Mataos 26:64

Yésʉs ntɔ̂ʼ yala e né ó: «Yé ó go mʉr tɨ̂ʼ dí sí lɛ́ɛ̌ nɨ̌. Me lɨ́ elɛ́ɛ bɨ́n, táare ɨ́ báánâ, bɨ̌n bé óbee Mwân mé Mʉr, ndîndǐl ɨ́ páʼ mbó éjʉ́m mé Nzyɛ̌m nkul nyɨnyɛ̂h. Bɨ̌n bé óbee nyé lɨ́ enze, témé dwiné.»

Mataos 25:31

«Jɔʼ Mwân mé Mʉr ónze ɨ́ mentyɛnwa mé, bé e beéngeles bɨ́bɛ̂h yɨ́, nye ónʉǎ diá ɨ́ mecwɨ́ɨ́ mé jwɨ́ɨ́ yé, maá me dí ɨ́ ntyɛ̌n ntî ntyɛ̌n má.

Mataos 5:15

Bé abe lɨ́ etumo éláma ó, bé óbûr lé ɨ́ mpɨ̌. Yé jala ó, bé tyélɨɨ lé ɨ́ tyélátyéla éláma kʉ́, gúmó lé ókʉn bʉ̂r bɨ́bɛ̂h o dí ɨ́ mbɛ̌r bá yɨ́.

1 Korɛnt 1:8

Nye ntémé ó ngá gbâ bɨ́n pîm ɨ́ búʼó, tó pyâl ɨ́ mesíé, abe e sá ébébe nyé ónwâhle bɨ́n e tɨ̂ʼ ɨ́ jɔʼ Tî gá wɨ́ná, Yésʉs-Krîst ngá pyâl yɨ́.