Lʉkas 17:2 - Kálar Nzyɛ̌m : Ejwán é Sáá

² Yé á gwa mbɨa ɨ́ páʼ wé ó, bé tyéelaa nye nkoʼ ɨ́ twíí, ntɔ̂ʼ guhɔɔ nyé ɨ́ mâŋ, laa ó, nye gbâʼ ebɔ̌ʼ ɨ́ nzɨ̌ ngá bɨma mʉ̂r ngwár ɨ́ bwán bâm lɨ́.

Kálara Zyɛ̌m Edwán é mpʉ̌n

² Laa ó, mʉr gomla mʉr twaʼa é baa bam é zi mɨsyem, yé a ngbaa mbɨa é paʼ mo zizii wam waa ó, bé tiila we bwaʼbwaʼ ekoʼ é twii, wé guhɔ é maŋ, dwè, abe ó, wé gomla mʉr twaʼa ngwar wam é zi mɨsyem waa.

Lʉkas 17:2 ပူးပေါင်းရင်းမြစ်များ

Markus 9:42

«Ɨ́ nkǒ páʼ bwán ó dí edyɛ̂ʼwo e me bá, mʉr nyɨnyɛ̂h ngá gbâ ébɔ̌ʼ lé óbɨma ngwár tɨ̂ʼ ɨ́ léme lɨ́ nyá, yé bá bě mbɨ̂mbɨá ɨ́ páʼ wé ó, bé tyéelaa nye nkǒʼ nɨ́nɨ́ɨ́ ɨ́ twíí, guho nyé ɨ́ mâŋ.

Mataos 18:14

Nó ntémé, gwɨ́má mé Sɔ́ŋ wɨ́n dí ɨ́ jʉ́o kʉ́ nyá, yé abe ó, nye dímlaa mwân ngwár ɨ́ bwán bé.»

Mataos 18:10

«Gwá di gá le ocwóó ó, bɨ̌n ayɨ́ pyêh mwân ngwár lɨ́ bwán bâ, ebě, mě lɛ́ɛ́ bɨ́n ó: beéngeles bɔ́ɔ́ dí kʉ́ bá, bé lɨ́ ebee ɨ́ tooobó mpǒm me Sɔ́ŋ wǎm dí ɨ́ jʉ́o kʉ́ nyá ɨ́ jɔʼ yɨ́yɛ̂h.»

1 Korɛnt 9:22

Ɨ́ jɔʼ mé dí e bʉr o dí apǎ bi pîm ɨ́ búʼó bá yɨ́, mě dǐ ntémé ó mpʉ mʉ̂r dína apǎ bi pîm ɨ́ búʼó nyá. Mě sá nó ó, me dúlaa bê. Me lɨ́ esáa énwɨɨla e mimbi mi bʉ̂r mímyɛ̂h lɨ́ esú lé étiʼ bʉ́ʉ́ bʉ̂r.

Mataos 26:24

Yé ó nó. Mwân mé Mʉr ódwě mpʉ yé á boo be cɛmá ɨ́ lɔ̌b wé yɨ́. Sâ gwár, nkoó, nye ó e mʉr ngá bɛ́ma Mwân mé Mʉr nyá! Yé á gwa mbɨa mʉr waá ó, mpa nye á bé abyɛ̂l!»

1 Korɛnt 9:15

Sâ gwár, mɛm, mé apǎ dirǎ nyɔm e sâ gwár mé á gwa bi yɨ́. Me ntémé, mé acɛma bɨ́n milɔ̌b mîʼ ó, me díraa nyɔm waá. Yé á gwa mbɨa me ó, me dwêʼ, laa ó, bɨ̌n jánaa me syɛ́ɛ́ yaá. Mʉ̌r sá apɛʼ mé menkʉ́na mâm mâʼ ɨ́ míh mé Nzyɛ̌m!

Yʉanes 21:15

Jɔʼ bé á sil ede yɨ́, Yésʉs, nye e Simon Pétrus ó: «Simon, mwân mé Yʉánɛs, nzê gʉ́ kpɛl mê, laǎ bím bʉ̂r bâʼ ɛ̌?» Nye nzě kam ó: «Dâ ɛ̌, go lɨ́ egʉ́a ó, me lɨ́ ekpɛl gô.» Yésʉs, nye e né ó: «Baʼlaa bwá bínteme bâm.»

Mataos 17:27

Damá be nó, mɨná bé agwɨ̂m egbâ gá bé ebɔ̌ʼ lé óbɨma bé ɨ́ miléme lɨ́. Nó, tóʼ, tó guho ésyɛb ɨ́ mâŋ. Sû esôʼ gó ójʉ̂ nyá, go e bɛ́ɛ́ nyé num. Go ókœ̌b nzǎŋ mɔnɨ́ tɨ̂. Nzaŋ waá, wé lɨ́ ejala e mɔnɨ́ tœ́a lɨ́ esú é bʉ̂r obá. Go e nʉ́á wê, gó otó jána mɨ́ná bitœ́a e tɨ̂.»