Lʉkas 16:9 - Kálar Nzyɛ̌m : Ejwán é Sáá

⁹ Yésʉs ntɔ̂ʼ lɛ́ɛ ó: «Mě lɛ́ɛ́ bɨ́n ó: nʉaa gá bibɨ́bla bí ókúm le ogbaa ó sí yɨ̂. Jwɛ́náá gá byê, lɨ́ esú ó, bɨ̌n tíaa esó e bʉr. Jɔʼ ókúm le ogbaa waá, wé ósíe yɨ́, bé odil bɨ́n ɨ́ bisaʼ ngá dǐ njʉ̌m dǐ e njʉ̌m dǐ bí.

Kálara Zyɛ̌m Edwán é mpʉ̌n

⁹ Me elɛɛ bɨn ó: dwɛna ga bɨbebebebe bɨ okum e l'ogbaa o si nwa é l'efu ó, bɨn tia efo e bʉr. É jɔʼ okum e l'ogbaa waa, wé ósie e, bé óbɨlan e bɨn é modia mé ódi molu mo mpoʼ mɨmɛh ɛ.

Lʉkas 16:9 ပူးပေါင်းရင်းမြစ်များ

Mataos 19:21

Yésʉs nzě lɛ́ɛ e né ó: «Yé bé go lɨ́ egwɨ̂m édǐ mbɨ̂mbɨá ɨ́ mipáʼ mímyɛ̂h nó, pǎ nyɛɛ́ tó bɛ́ma bísá gó dí e byé bí, dwe báántéʼenteʼe o bʉ̂r mɔnɨ́ tɨ̂. Jɔʼ yaá ó gó ngá bi ókúm le ogbaa ɨ́ jʉ́o kʉ́ kwá mé Nzyɛ̌m yɨ́. Píe tɨ̂, go e nzé dû mê.»

Mataos 6:24

«Kâr tɔʼ e mʉr ngwár dí e nkul eséa le ojwɨ́ɨ obá jɔʼ gwár, ebě, nye ónwim nyʉ́ʉ́, kpɛl nyʉ́ʉ́; nkʉ̂ ntɔ̂ʼ ó, nye ódwe nyʉ́ʉ́ dúu; pyêh nyʉ́ʉ́. Nó, bɨ̌n bé abe e nkul eséǎ Nzyɛ̌m syɛ́ɛ́, séa Ókúm-le-Ogbaa syɛ́ɛ́ ɨ́ jɔʼ gwár.

Lʉkas 16:11

Bɨ́n óbe, agʉ́a ébaʼle bíbɨ́bla bí ókúm le ogbaa ó sí yɨ̂ʼ nó, onzé ngá láa ó, bɨ̌n bé ó bʉr o bé ébûʼlɔɔ? Onzé ókomo mímpǎŋ bisá byɔ́ɔ́ kwá nyɨ́n, ó bɨ̌n bâʼlaa bé byǎ?

Lʉkas 14:14

Gó sá nó wá, go óbi métyɛʼ me mpóm, ebě, bé abe e nkul ebwóolo gó embɨa lô. Embɨa laá, lé óbwóolɔɔ gó ó, ɨ́ móhó ótîtyěl o bʉ̂r, bé ópah wɨ́.»

Lʉkas 12:33

Bɛ́máá gá mebi mɨ́n. Súʼáá gá baántéʼenteʼe o bʉ̂r. Laraa gá mimpɨ́ʼ bímɔnɨ́ mi dí aswɨ́ɨ mí. Máʼáá gá okúm le ogbaa wɨ́n ɨ́ jʉ́o kʉ́, gúmó byé ngá be, adîm yɨ́, ebě, mindíblʉ̌, myé abe e nkul ekúnwo e tɨ̂. Oswôʼ ntémé, ajʉ́a byê.

Lʉkas 11:41

Dwéʼ gá baántéʼenteʼe o bʉ̂r sá dí ɨ́ bisʉ́á bín tʉ́ŋlʉ̌ yɨ́. Bɨ̌n bé óbee ó, bisʉ́á bín bíbyɛ̂h, byé ó mbɨ̂mbɨá ɨ́ míh mé Nzyɛ̌m.

2 Korɛnt 4:17

Ebě, bwá mítúú bɨ́h dí esia e myé ɨ́ báánâʼ mí, myé lɨ́ elaǎ mpʉ̌ ngúl mpáá. Mitúú myaá míɛ, myé ó sá dí esâ ó, bɨ̌h bíʼee kûm ɨ́ buo buo ngá dǐ njʉ̌m dǐ e njʉ̌m dǐ nyɨ́ yɨ́.

Lʉkas 16:13

«Kâr tɔʼ e syɛ̂l mesâ ngwár dí e nkul eséa le ojwɨ́ɨ obá jɔʼ gwár, ebě, nye ónwim nyʉ́ʉ́, kpɛl nyʉ́ʉ́; nkʉ̂ ntɔ̂ʼ ó, nye ódwe nyʉ́ʉ́ dúu; pyêh nyʉ́ʉ́. Nó, bɨ̌n bé abe e nkul eséǎ Nzyɛ̌m syɛ́ɛ́, séa Ókúm-le-Ogbaa syɛ́ɛ́ ɨ́ jɔʼ gwár.»

Mɨlʉmlʉ 10:31

Nye e me ó: “Corneille! Nzyɛ̌m, nyɨ́ yala mínjɨʼla myô. Nye mû ó lɨ́ etoŋlo gó ɨ́ lɔ̌b míngúlá gó dí edwidwe báántéʼenteʼe o bʉ̂r mí.

Mataos 6:19

«Amâʼ gá okúm le ogbaa wɨ́n ɨ́ sí yɨ̂, gúmó óswôʼ le myámnkɛ̂l dí endáma bísɔ̂ʼ, mindíblʉ̌ bʉ̂ mébê le edíbe yɨ́.

Yʉ̂d 1:21

Baʼlaa gá bicwiʼ bín, lɨ́ edi baá Nzyɛ̌m dí ekpɛl bá. Bɨ̌n e bónó móhó Tî gá wɨ́ná Yésʉs-Krîst ngá báʼǎ nze wɨ́. Nye ónze ó, nzě jɨ̂ʼ mɨ́ná gá nkoó. Bónáá gá nye. Nye ódi e bɨ̌n ó, tô tóʼ, tó pyâl pyáláa ɨ́ twǐʼ njʉ̌m dǐ.

Mɨlʉmlʉ 10:4

Nye nzě dwɛ̂ʼ éngeles e bʉ́á. Nye e né ó: «Dâ ɛ̌, yê nyá?» Éngeles ntɔ̂ʼ yala e né ó: «Nzyɛ̌m, nyɨ́ yala gó mbɨ̂mbɨá. Nye mû ó sí toŋlo gó ɨ́ lɔ̌b mínjɨʼla myô le mingúlá gó dí edwidwe báántéʼenteʼe o bʉ̂r mí.

Lʉkas 16:4

Mɨ́ gʉ́ǎ sá mé dí e nkul esâ yɨ́! Jɔʼ mé ngá dímlě dǐ yâm yɨ́, bʉr, bé óbaʼle mé ɨ́ mimbɛ̌r myɔ́ɔ́!”