Lʉkas 16:28 - Kálar Nzyɛ̌m : Ejwán é Sáá

²⁸ Ebě, mé e bɨ́ɔɔ́ otɛ̂n. Nye tô cɨ̂l bê, ebě, bé ntémé ámû jaá nze kâʼ ɨ́ gúmó dí ɨ́ buú gunwa yɨ̂ʼ ɔ̌!”

Kálara Zyɛ̌m Edwán é mpʉ̌n

²⁸ Ebe, me e l'obɨɔ otɛn ɔɔ. Loma nye ó, nye toʼ, to bal be, ebe, bé amu ze nteme kaʼ é gumo ndɨ é bul gumba yiʼ ɔɔ!”

Lʉkas 16:28 ပူးပေါင်းရင်းမြစ်များ

Mɨlʉmlʉ 20:23

Mě jaá gʉ́a ó, njɨ ɨ́ nkana yɨ́yɛ̂h mé dí ecɨɨ yɨ́, Sísǐm mé Nzyɛ̌m jaá lɨlɛ́ɛ ó, njɨ me ókáʼɔɔ e mikǒl, tíblɔɔ ntémé.

Mɨlʉmlʉ 2:40

Pétrus nzě báʼǎ boʼlo bé myúú mílɔ̌b ɨ́ buo buo, le etô le egbâ bé nkul ɨ́ miléme. Nye ó: «Biʼee gá twiʼ. Bɨ̌n a dí e ncɛrá le onzyɛ́h ó bʉ̂r ó myǎ bʉ̂r wɨ̂.»

1 Tesalonika 4:6

Mʉ̌r sá abyaʼ mɨ́ɔɔ́ wé mʉr lɔ̌b ɨ́ mbi waá, nkʉ̂ sâ nyé ebébe. Bɨ̌h bé á si boo lɛ́ɛ bɨ̌n, cɨ̂l bɨ́n ó, Tî Yésʉs ódwě ntɨ́ʼá ó, baá o dí esâ syóm ɨ́ lɔ̌b waá bá.

Lʉkas 16:27

Nó ó kúmá á lɛ́ɛ e né ó: “Dâ ɔ́, yé bé nó wá, me lɨ́ ejɨʼla e go ó, go lómaa Lazare ɨ́ mbɛ̌r sɔ́ŋ wǎm ɔ̌!

Mɨlʉmlʉ 8:25

Jɔʼ bé á sil elɛ́ɛ, le eboʼlǒ lɔ́ɔ́ dí edumo e Tî Yésʉs wɨ́ yɨ́, bʉr o mílʉ́mlʉ́ obá baá, bé ntɔ̂ʼ báʼǎ tô Yerʉ́zalɛm. Nzɨ́ e nzɨ̌, bé á be lɨ́ ebuú tô le etúnǒ Mbɨambɨa Lɔ́ɔ ɨ́ mekwár mé sí Samarî.

Mɨlʉmlʉ 10:42

Nye á si lɛ́ɛ e bɨ̌h ó, bɨ̌h tôʼ le etúnǒ Mbɨambɨa Lɔ́ɔ́ wé, ó: Yésʉs ó dí mʉ̌r Nzyɛ̌m á tyêl ɨ́ dǐ tîʼ milɔ̌b, waá ngá tíʼe míkublakúbla le odwe milɔ̌b nyá.

Mɨlʉmlʉ 18:5

Jɔ̌ʼ Silâs bé e Timotɛ̂, bé á ka pyâl, duhǒ sí Masedónia yɨ́, Pɔ̂l ntɔ̂ʼ lɛ̌ŋ jɔʼ yɨ́yɛ̂h njɨ lɨ́ elɛ̂ʼle mílɔ̌b mé Nzyɛ̌m, lɨ́ eboʼlo kwá oYúden ó, Yésʉs ó dí kwahaá Mʉ̌r Nzyɛ̌m á lœm múló mé jwɨ́ɨ nyá.

Mɨlʉmlʉ 20:21

Me á si boʼlo kwá oYúden, ndu e baá o dí abe óYúden bá ó, yé jɨ ó, bé túmaa mikoo e mebébe mɔ́ɔ́, le edwira míléme. Bé e dyɛ́ʼwó e Tî gá wɨ́ná Yésʉs.

Mɨlʉmlʉ 20:24

Mɛm bee yɨ́ɛ ó, twiʼ yâm, yé abe mé dimé sɔ̂ʼ. Nyɔm wâm, wê njɨ ó, me swímɨɨ ɨ́ duo bíjʉ́ʉ́, tó pyâl lɨ́ odumo, le eswâhlě syɛ́ɛ́ Tî Yésʉs á líʼe me e yǎ yɨ́: yé ó, etúnǒ Mbɨambɨa Lɔ́ɔ́ mé Nzyɛ̌m.

Mɨlʉmlʉ 23:11

Ɨ́ pum wé á ka bɔma wɨ́, Tî Yésʉs nzě pyâl nyê, ntɔ̂ʼ lɛ́ɛ e né ó: «Mɛ́rɨ́ɨ́ léme. Ɨ́ mpʉ gó á nyɛɛ túno lɔ́ɔ́ wâm ɨ́ Yerʉ́zalɛm yɨ́, yé jala ntémé ó, go tôʼ túno wé Rôm.»

Mɨlʉmlʉ 26:22

Sâ gwár, Nzyɛ̌m á si kamle e me, nzě pyâl ɨ́ móhó wɨ̂ʼ mûh. Me dína ó wâ, lɨ́ eboʼlǒ lɔ̌b waá kwá bʉr bɨ́bɛ̂h, táare e bwá ó ntwǒm, kala le otɔ́má bʉ̂r. Mé alɛ́ɛ yʉ́ʉ́ sá swîh, njɨ yaá ógwíha o mílɔ̌b ndu e Moyɨ̂z bé á boo lɛ́ɛ ó, yé ópyâl yɨ́.

Mɨlʉmlʉ 28:23

Bê nzě tyêl móhó, bé e boo nɔ́ɔ́, bé á be ó, bé óbɔma wɨ́. Jɔ̌ʼ móhó waá, wé á pyâl yɨ́, bé ntɔ̂ʼ nze e bʉr ɨ́ buo buo, nzě kœb nyé ɨ́ gúmó nyé á didi yɨ́. Táare ɨ́ mɛ́n, tó pyâl ɨ́ bíí kʉ̌ʼ, Pɔ̂l nzě túnǒ Mbɨambɨa Lɔ́ɔ dí edumo e Mpóʼo mé Nzyɛ̌m wɨ́, le esáa ó, nye dúlaa bê, ó bé bûʼlaa lɛ́ʼlá dí edumo e Yésʉs wɨ́. Nye á nʉnʉa milɛ́ʼlá myaá ó, ɨ́ metié mé Moyɨ̂z le mekaná mé ógwíha o mílɔ̌b.

Galásia 5:3

Mě báʼá lɛ́ɛ bɨ́n ó, mʉ̂r óbǐ tíʼá mpʉ́n nó, nyé olîʼ ɨ́ mpila métié maá tʉ́ŋlʉ̌. Náǎ yé ó, mʉr waá, nye ɨ́ jala le ebaʼle métié maá mɨ́mɛ̂h.

Éfɛsɔs 4:17

Nó sá mé múo nzě lɛ́ɛ bɨ́n, le eboʼlo ɨ́ díé mé Tî Yésʉs yɨ̂, yé ó: mʉr adû gá kʉ̌ tyen óhááden dí edû wɨ́. Bé jaá sâ nó ó, njɨ ebě, ocwóó wɔ́ɔ́, wé ó dwêh.

1 Tesalonika 2:11

Bɨ̌n bé lɨ́ ekʉ́ gʉ́a ntémé ó, bɨ̌h bé á si cwɨ́a e mʉr nyɨnyɛ̂h ɨ́ sɔ́má yɨ́n mpʉ sɔ́ŋ dí ecwɨ́a e bwán bé yɨ́.