Lʉkas 16:26 - Kálar Nzyɛ̌m : Ejwán é Sáá

²⁶ Yʉ́ʉ́ sɔ̂ʼ ntémé ó yɨ̂: ntabantaba bɨ́ dí ká sí ɨ́ kœ́ʼlɛ́ yɨ́, yé ó páʼ nyɨ́ná. Nó, bʉr o dí ekpɛl émɔa kâ, tô gʉ̂ʼ nko bɨ́n dí yɨ́ bá, bé abe e nkul entaa. Bʉr bé abe e nkul eduho ntémé nko bɨ́n dí nɨ̌, nze kâ, nko bɨ́h dí yɨ́.”

Kálara Zyɛ̌m Edwán é mpʉ̌n

²⁶ Yʉʉ sɔʼɔ nteme ó yiʼ ɔɔ! Ntabantaba bɨ ndɨ ká si é kwɛʼlɛ yi ɔɔ! Yé ó paʼra wina ɔɔ! No ó, bʉr o ndɨ ekpɛl mʉa ka, to gʉʼ nko bɨn ndɨ ɨ, bé abe e nkul entaa ɔɔ! Bʉr, bé abe e nkul eduho nteme nko bɨn ndɨ nɨ, ze ka, nko bɨh ndɨ yi ɔɔ!”

Lʉkas 16:26 ပူးပေါင်းရင်းမြစ်များ

Yʉanes 3:36

Mʉr dí edyɛ̂ʼwo e mwân waá nyá ó ngá bǐ twǐʼ njʉ̌m dǐ. Mʉr dí adyɛ̂ʼwo e né nyá, nye ákóʼó bǐ twiʼ yaá. Nyɨ́haá ójaʼra e nkpaǎ Nzyɛ̌m ngá lɛ̂ʼle nyé nyɨ́.»

Mɨngwiha 20:10

Nó ó, sɔ́ŋ meleme, mʉr á kʉ dímle bɨ́bɛ̂h nyá, á si mɛ́rɔɔ, guhɔɔ ɨ́ bɨ́ siʼe. Tɨ̂ʼ ó pir dí edúo jɔʼ yɨ́yɛ̂h, adímedime yɨ́. Bé á guho nye ó, ɨ́ gúmó bé á nyɛɛ guho tír, bé e ngwíha milɔ̌b bibɛr yɨ́. Bé ójaʼra e siʼe yaá tɨ̂ʼ ó, móhó ndu e pum, kɔ́m ti e kɔ́m.

Mataos 25:46

Bʉr baá, bé ótô ɨ́ ntɨ́ʼá dí kɔ́m ti e kɔ́m yɨ́. Otîtyěl o bʉ̂r bɨ́ɛ, bé ótô ó, tó di ɨ́ twǐʼ njʉ̌m dǐ.»

Lʉkas 12:59

Mě lɛ́ɛ́ gó ó, go ódi ó náǎ, tó pyâl ɨ́ jɔʼ gó ójána mpʉ́lá nyaá, pára gwár alîʼ yɨ́.»

Mɨngwiha 22:11

Mʉr dí ekpɛl ésâ ébébe nyá, nye e tó dóló le esâ lê. Waá dí ekpɛl éswêʼ nyʉ̂l nyé nyá, nye tôʼ dóló le esâ nó. Nó ó, waá dí tîtyěl nyá, nye tôʼ dóló le esâ bísyɛ́ɛla bi dí otîtyěl bí. Mʉr dí tí nyá, nye tôʼ dóló le edi mʉ̂r dí tí nyá.»

Lʉkas 16:25

Nó ó Abraham á lɛ́ɛ e né ó: “Mwân wǎm ɔ́, símsáá ó, go á di ó ɨ́ diá mépwaʼ ɨ́ jɔʼ gó á be ɨ́ twiʼ yɨ́ ɔ̌! Lazare nyɨɛ á jaa didi ó, njɨ ɨ́ diá éntéʼe. Ɨ́ báánâ, nye mû ó sí póblɔɔ kâ; gua, go lɨ́ ejóʼo mégunwa.

Lʉkas 16:27

Nó ó kúmá á lɛ́ɛ e né ó: “Dâ ɔ́, yé bé nó wá, me lɨ́ ejɨʼla e go ó, go lómaa Lazare ɨ́ mbɛ̌r sɔ́ŋ wǎm ɔ̌!