Lʉkas 16:15 - Kálar Nzyɛ̌m : Ejwán é Sáá

¹⁵ Yésʉs ntɔ̂ʼ lɛ́ɛ e bé ó: «Bɨ̌n bé lɨ́ elɨlɛ̂ʼle bʉ̂r ó, bɨ̌n ó dí otîtyěl. Sâ gwár, Nzyɛ̌m, nye lɨ́ egʉ́a mílémé mín, ebě, sá bʉ̂r dí ebuú sêʼle yɨ́, Nzyɛ̌m, nye lɨ́ ebene yé mpene-numó.

Kálara Zyɛ̌m Edwán é mpʉ̌n

¹⁵ Yesʉs ntɔʼ lɛɛ e be ó: «Bɨn bé elɛʼle-lɛʼle bʉr ó, bɨn ó ndɨ ocɨcyel. Sa gwar, Zyɛm, nye egʉa mɨleme min! Ebe, sa bʉr lé ebul seʼle e, Zyɛm, nye ebula bene ye mpene-numo.

Lʉkas 16:15 ပူးပေါင်းရင်းမြစ်များ

1 Korɛnt 4:5

Ɨ́ tɨ̂ʼ ɨ́, alɨ̌ tíʼe gá lɔ̌b mé nyʉ́ʉ́ mʉ̂r ɨ́ jɔʼ yé dí apǎ pyâl jɔʼ élab yɨ́. Bónáá gá ó, Tî Yésʉs, nye ntâʼ. Nyé opyêl sá dí lɨ́ edúrʉ́ʉ́ yɨ́, tyen yé ɨ́ myɛ́n. Nyé ogwîh mípahlá mi dí misolá ɨ́ milémé mí bʉ̂r mí. Jɔʼ yaá ó Nzyɛ̌m ódwe mʉ̂r nyɨnyɛ̂h kûm jálá e né nyɨ́ yɨ́.

Mɨlʉmlʉ 15:8

Nó ó, Nzyɛ̌m, mʉr dí egʉ́a mílémé mí bʉ̂r nyá, á si kʉ lɛ̂ʼle ó, nyɨ́ kam bê, ebě, nye á si ntɨh bé Sísǐm wé jwɨʼ gwár e gwár e mpʉ nyé á ntɨh mɨná gá wǎ yɨ́.

1 Pyɛr 3:4

Ojaá wɨ́n, wé ɨ́ jala le ebe ó, waá o tʉ́ŋlʉ̌, mbi ójaa dí abe e nkul ekúrwo wɨ́. Lémé wɨ́n díʼee ɨ́ tala tala, ɨ́ pyɛɛɛ. Mbi ójaá waá ó dí ɨ́ buo ódimé ɨ́ míh mé Nzyɛ̌m.

Lʉkas 11:39

Nó ó Tî Yésʉs á nze lɛ́ɛ e né ó: «Paá bee gá mpʉ bɨ́n oFarizyɛ̂n dí yɨ́: bɨ̌n sʉsohlo bísʉ́á le bikɔ̂b ó ɨ́ páʼ kʉ̌l. Sâ gwár, bɨ̌n bɨ́ lóno ɨ́ bisá bɨ́n á pa dɛn bí, le sá bɨ́n á sâ e jélé yɨ́.

Lʉkas 10:29

Tó kœb ó, lɛ̂ʼla waá á be lɨ́ edǐ lɛ̂ʼle ótîtyěl wé. Nye ntɔ̂ʼ dî e Yésʉs ó: «Á mɨ́ɔɔ́ wǎm mʉr, nye nzé?»

Mɨngwiha 2:23

Me ntémé, me ójʉ̂ bwán bé. Ɨ́ nzɨ̌ nyaá ó bʉ̂r ó Mbɛ̌r-Nzyɛ̌m bɨ́bɛ̂h ngá gʉ́a ó, mɛm ó dí egʉ́a bíjwɨʼ ndu e bigwɨ́má bí bʉ̂r yɨ́. Me ójána mʉ̂r nyɨnyɛ̂h ɨ́ sɔ́má yɨ́n ó, dû mpʉ bísyɛ́ɛla byé dí yɨ́.

1 Pyɛr 5:5

Bɨ̌n biloʼo, yé jala ó, bɨ̌n díʼee ɨ́ jwɨ́ɨ́ ótɔ́má ó bʉ̂r. Bɨ̌n bɨ́bɛ̂h, jɔrɨɨ gá menyʉ́l mɨ́n páʼ nyɨ́n. Diʼee gá bʉr o dí ɨ́ talǎ njwɨr bá, ebě, yê cɛmá ó: «Nzyɛ̌m, nye lɨ́ elwímla e bʉr o dí enkɛ́ɛ ményʉ́l mɔ́ɔ́ bá. Baá dí ɨ́ talǎ njwɨr bá bɨɛ, nye lɨ́ esʉ bé metyɛʼ me mpóm.»

Rôm 3:20

Mʉr ákóʼó bi nkâm ɨ́ míh mé Nzyɛ̌m ɨ́ lɔ̌b mbaʼlá métié. Metié, mé jaá séǎ syɛ́ɛ́ ó, njɨ yaá élɛ̂ʼle mɨ́ná gá ó, mɨná gá bé ó osyɛ̂l o mísyóm.

Yʉanes 2:25

Nye á bé agwɨ̂m ó, mʉr tɨ́aa nye sɔ̂ʼ dumo e mʉr, ebě, nye mʉr tɨ̂ʼ á be ɨ́ gʉ́ǎ sá dí ɨ́ lémé mʉ̂r yɨ́.

Mataos 23:5

Bé lɨ́ esâ bísyɛ́ɛla byɔ́ɔ́ bíbyɛ̂h ó, bʉr béyɨɨ byê. Nó ntémé ó bé dí eběʼ pɔ̌b métié mé Nzyɛ̌m yɔ́ɔ́ yɨ́, le edyɛɛ médumo míkán myɔ́ɔ́.

Lʉkas 18:21

Mʉ̌r nɨ̌ nzě lɛ́ɛ e né ó: «Mɨ́ baʼle métié ménɨ̌ mɨ́mɛ̂h, táare lɨ́ ontwǒm, kumo mûh.»

Lʉkas 18:11

Farizyɛ̂n waá ntɔ̂ʼ tyɛ̂b, nzě jɨʼlǎ mbi wɨ̂: “Dâ Nzyɛ̌m, me lɨ́ edwe gó nzyǒo, ebě, mé abě mpʉ bʉ́ʉ́ bʉ̂r. Bâʼ, bé lɨ́ edɛn bímɔnɨ́ byé onkán; bʉ́ʉ́, bé ó osyɛ̂l o mísyóm; bʉ́ʉ́ ntémé, osyɛ̂l o médyɛ̂n. Me lɨ́ edwe gó nzyǒo, ebě, mé abě mpʉ nwɨ́a mɔnɨ́ tœ́a nyâ.

Mɨlʉmlʉ 1:18

(Náǎ yé ó, ɨ́ mɔnɨ́ Yʉ́das waá á bi tâŋ myɛ́na duho ɨ́ bɨ́blǎ syɛ́ɛla yé yɨ́, nye á be ó sí tó bwâm pemé. Ɨ́ pemé gwár yaá, nye nzě jéʼe éduma sí mbûmbǔr, mo wé ntɔ̂ʼ bʉ̂l, bisá bí mo bíbyɛ̂h kʉ̌l e kʉ̌l ɨ́ lwɨ́ʼlɨ́ lwɨ́ʼlɨ́ sí e sí.

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Lʉkas 20:20

Bê nzě táare étô le ebaʼɔɔ nyê. Nzě lómɔɔ bʉ̂r o b'á nwɨɨla le otîtyěl o bʉ̂r bá ó, bé tôʼ lâm nyé lâm dí ó, bé nkʉ̂ mɛ̂r nyé ɨ́ lɔ̌b yalá yé. Jɔʼ yaá ó bé á be e nkul ebɛ́ma nyé ɨ́ mebó mé njwɨ́ɨ, ó nye kúrɨɨ ɨ́ nkul jwɨ́ɨ mé ngóvina yɨ́.

Mataos 6:16

«Nó ó, ɨ́ jɔʼ bɨ́n dí eti méde lɨ́ edwě Nzyɛ̌m kûm yɨ́, mʉr alwaare méncémé ɨ́ mpʉ báányâ-mikóo dí esɨsâ yɨ́. Bé lulwaare méncémé ó, lɨ́ ekpɛl élɛ̂ʼle bʉ̂r ó, bé mû ó lɨ́ eti méde. Mě lɛ́ɛ́ bɨ́n lɨ́ otyeetye ó, bɨ́ boó bi myɛ́na mɔ́ɔ́.

Mataos 6:5

«Jɔʼ bɨ́n dí ejɨʼla e Nzyɛ̌m yɨ́, asâ gá mpʉ báányâ-mikóo dí esâ yɨ́. Bé jɨjɨʼla ó, mitîtyěl lɨ́ mempáh mínjɨʼla le meman mínkpǎʼ, ó bʉr, bé béyɨɨ bê. Mě lɛ́ɛ́ bɨ́n lɨ́ otyeetye ó, bɨ́ boó bi mɔ́ɔ́ myɛ́na.

Mataos 6:2

«Yé bé gǒ dwé ó ndyêbndyéb mɔnɨ́ nó, ayɨ́ tô le elɛ́ɛ̌ sâ yaá kʉ́kʉ́ mpʉ báányâ-mikóo dí esâ ɨ́ mempáh mínjɨʼla le meman mínkpǎʼ yɨ́. Bé sá nó ó, bʉr nkʉ̂ gúmlo bê. Mě lɛ́ɛ́ bɨ́n lɨ́ otyeetye ó, bɨ́haá bʉ̂r, bɨ́ boó bi myɛ́na mɔ́ɔ́.

Yʉanes 21:17

Píe tɨ̂, nye nzě báʼǎ dî e né ɨ́ jɔʼ lɛ̂l ó: «Simon, mwân mé Yʉánɛs, nzê gʉ́ kpɛl mé ɛ̌?» Pétrus nzě jóʼo ébúʼ ebě Yésʉs á baʼa dî e né ɨ́ jɔʼ lɛ̂l ó: “Simon, mwân mé Yʉánɛs, nzê gʉ́ kpɛl mé ɛ̌?” Nye e né ó: «Dâ ɛ̌, go lɨ́ egʉ́ǎ sá yɨ́yɛ̂h. Go lɨ́ egʉ́a ntémé ó, me lɨ́ ekpɛl gô.» Yésʉs, nye e né ó: «Baʼlaa bínteme byâm.»

Lʉkas 18:9

Yésʉs ntɔ̂ʼ kɛ̌n kɨkɛna yɨ̂, lɨ́ emveʼle bʉ́ʉ́ bʉ̂r. Bʉr baá, bé á bubûʼla ó, bé ó dí otîtyěl o bʉ̂r ɨ́ míh mé Nzyɛ̌m. Bé ntémé lɨ́ epyêh bʉ́ʉ́ bʉ̂r.

Lʉkas 18:14

Yésʉs ntɔ̂ʼ lɛ́ɛ e bé ó: «Mě lɛ́ɛ́ bɨ́n ó: nwɨa mɔnɨ́ tœ́a waá á ka tô mbɛ̌r wé ó, nyé osí bi nkâm ɨ́ míh mé Nzyɛ̌m, abě mpʉ̌ Farizyɛ̂n, ebě, mʉr nyɨnyɛ̂h dí ebɨ̂r nyé mʉr tɨ̂ʼ kʉ́ nyá, ósulɔɔ sí. Waá nyɨnyɛ̂h dí ejɔr nyʉ̂l nyé nyá, óbɨ́nɔɔ kʉ́.»

Mɨlʉmlʉ 1:24

Nó ó bʉ̂r ó gwɨ́hlá bɨ́bɛ̂h, bé á jɨʼla e Nzyɛ̌m, lɛ́ɔɔ ó: «Dâ ɛ̌, go ó dí egʉ́a mílémé mí bʉ̂r bɨ́bɛ̂h. Lɛ́ʼláá bɨ́h ɨ́ sɔ́má bʉ̂r obá bâ, waá gó á pɛ̂h nyá.

Rôm 8:27

Nzyɛ̌m Sɔ́ŋ, nye lɨ́ egʉ́a sá Sísǐm mé Nzyɛ̌m dí egwɨ̂m yɨ́. Nye ó mʉr dí ebeě sá dí ɨ́ milémé gá míná yɨ́ nyá. Sísǐm mé Nzyɛ̌m jɨʼlá e né ó, ɨ́ medilá mé óbûʼla ɨ́ mimbi mi dí ejala e né mí.