Lʉkas 16:14 - Kálar Nzyɛ̌m : Ejwán é Sáá

¹⁴ OFarizyɛ̂n, bé á be ó lɨ́ ejóʼo mílɔ̌b myaá mímyɛ̂h, ntɔ̂ʼ táare épya nyê, ebě, bé á be ɨ́ buú kpɛ̌l mɔnɨ́, ntaa sʉ́ŋa.

Kálara Zyɛ̌m Edwán é mpʉ̌n

¹⁴ OFarizyɛŋ, bé a be ó lé ejoʼo mɨlɔb myaa mimyɛh, ntɔʼ taare lé etamɔ nye, ebe, bé a be ó é bul kpɛl mɔn, ntaa njɨ.

Lʉkas 16:14 ပူးပေါင်းရင်းမြစ်များ

Lʉkas 23:35

Bʉ́ʉ́ bʉ̂r ó sí yaá, bé á be ɨ́ tyɛ̂b tɨ̂ʼ ɨ́ gúmo yaá, lɨ́ edwɛ́ʼɔɔ. Otɔ́má ó bʉ̂r, bê nzě pya nyê. Bé ó: «Nye á si tiʼ bʉr oswîh. Nye káa tiʼ nyé mʉr tɨ̂, yé bé nye ó dí Mʉ̌r Nzyɛ̌m á lœm múló mé jwɨ́ɨ, waá Nzyɛ̌m á pɛ̂h nyá nó!»

Lʉkas 20:47

Bé lɨ́ esa míkúho, nʉnʉa bísá bíbyɛ̂h bé dí e tɨ̂ʼ bí. Bé jɨjɨʼla ntémé e Nzyɛ̌m ó, bul mékǎn, ebě, bé gwɨ́m ó, bʉr béyɨɨ bé mimbɨambɨa mi bʉ̂r. Bé ó ngá buú nʉa mébě le edweŋɔɔ bíntɨ́ʼá bí tɨ̂.»

Lʉkas 12:15

Nye ó: «Gwá di gá le ocwóó. Syɛ́hláá gá nzɔ́ɔ́ bísâ, mimbi mímyɛ̂h, ebě, twiʼ mʉ̂r, yé aduho ɨ́ bisá mʉ̂r waá dí e byé bí, byé damá buo.»

Ebrœ̂ 11:36

Bʉ́ʉ́ bʉ̂r, bé á si kam elwɨ́ɔɔ le ebíŋɔɔ ɨ́ lɔ̌b búʼó yɔ́ɔ́. Bâʼ, bé á si káʼɔɔ e mikʉ̂kɔ̌b, tyenɔɔ lɨ́ okómó ɨ́ lɔ̌b búʼó yɔ́ɔ́.

2 Timotɛ 3:2

Ɨ́ jɔʼ yaá, bʉr bé ójaá kpɨkpɛl ó, njɨ bé bʉr o tɨ̂. Bé ókpɛ̌l mɔnɨ́, ntaa sʉ́ŋa. Bé óbuú sâ jáálé le enkɛ́ɛ e nyʉ̂l. Bé óbuú sâ nkěh, le esâ ntémé obyɛ̂l bɔ́ɔ́ ebɨ̌h. Bé álɛ́ɛ émbɨa bé dí esáŋɔɔ lɨ́. Bé abe e nkul enʉa mílɔ̌b mé Nzyɛ̌m, gbâ myé ɨ́ nkɔb.

Lʉkas 8:53

Bê nzě pya nyê, ebě, bé á be ó sí kʉ́ gʉ́a ó, nyɨ́ dwě tyeetye.

Mataos 23:13

«Nkoó, nye ó e bɨ̌n, olɛ̂ʼla o métié le oFarizyɛ̂n! Bɨ̌n baányâ-mikóo, bɨ̌n bé lɨ́ ela bʉ̂r nzɨ̌ dí etô ɨ́ Mpóʼo mé Dâ nyɨ́. Bɨ̌n bʉr o tɨ̂, bɨ̌n bé adyɛ̂l tɨ̂. Bɨ̌n bé abîr ntémé ó, baá o dí esuo édyɛ̂l tɨ̂ʼ bá, bé dyɛ́lɨɨ.

Mataos 9:24

Yésʉs nzě lɛ́ɛ e bé ó: «Búláá gá wâ, ebě, mwân nyâ, nyé adwe. Nye ɨ́ jô.» Bê nzě jo nyé le epya nyê.