Lʉkas 16:10 - Kálar Nzyɛ̌m : Ejwán é Sáá

¹⁰ Mʉr dí egwá kʉ́ baʼle bísâ bi dí tîtííǎ bí nyá, nye ntémé ókʉ́ gwá baʼle bísâ bi dí ɨ́ buo buo bí. Mʉr dí esâ syóm lɨ́ ebi bísâ bi dí abuo bí nyá, nye ntémé ósâ syóm ntémé nó ɨ́ jɔʼ nyé ngá bi bísâ ɨ́ buo buo yɨ́.

Kálara Zyɛ̌m Edwán é mpʉ̌n

¹⁰ «Mʉr lé egʉa kʉ baʼle bɨsa ndɨ abuo e, nye nteme ókʉ gʉa baʼle ntwiha bɨsa. Ozyɛhozyɛh o bʉr, bé ejeʼe esa lé ebaʼle bɨsa ndɨ abuo e. Bé nteme, bé ójeʼe ebaʼle ntwiha bɨsa.

Lʉkas 16:10 ပူးပေါင်းရင်းမြစ်များ

Mataos 25:21

Nó ó njwɨ́ɨ wé á nze lɛ́ɛ e né ó: “Yé ɨ́ mbɨa. Go ó mpǎŋ syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Lʉkas 19:17

Sɔ́ŋ, nye e né ó: “Yé ɨ́ mbɨa. Go ó mpǎŋ syɛ̂l mesâ. Mpʉ gó á gʉ́a ebaʼle bísâ bi dí tîtííǎ bí yɨ́, mɨ́ tyêl gó njwɨ́ɨ binkana kám!”

Mataos 25:23

Nó ó njwɨ́ɨ wé á nze lɛ́ɛ e né ó: “Ɨ́ mbɨa! Go ó syɛ̂l mesâ dí mʉr ebúʼlɔɔ nyá, ebě, go á si gwa baʼle sá dí tîtííǎ yɨ́. Me ósâ ó, go bâʼlaa byaá bi dí ɨ́ buo buo bí. Nó ó, ntaá nzě nʉa nkɔ̂b bisʉhʉʉ jwɨʼ gwár e gwár e mpʉ mé dí ɨ́ bisʉhʉʉ yɨ́.”

Ebrœ̂ 3:2

Nzyɛ̌m ó b'á tyêl Yésʉs ɨ́ dǐ njwɨ́ɨ opara gá wɨ́ná. Yésʉs, nye ó mʉr ebúʼlɔɔ, ɨ́ mpʉ̌ Moyɨ̂z á bûʼlɔɔ, nzě tyélɔɔ ɨ́ dǐ yé tʉ́ŋlʉ̌ mbɛ̌r bʉ̂r mé Nzyɛ̌m yɨ́.

Yʉanes 12:6

(Nye á bé alɛ́ɛ nó ɨ́ lɔ̌b nkóó nyé á jɨ̂ʼ baántéʼenteʼe o bʉ̂r nyɨ́. Nye á lwib nó ó, ebě, nye á be ó ndíblʉ̌. Nye ó b'á bɨbaʼle ekúró lɔ́ɔ́, le edidíbě sá bʉ̂r, bé á gbɨgbâ tɨ̂ʼ yɨ́.)

Yʉanes 13:27

Lě Yʉ́das á nʉa blêr yaá, lě Sátan ntɔ̂ʼ á nî ɨ́ nye. Yésʉs, nye e né ó: «Sá gó dí egwɨ̂m ésâ yɨ́, kaá sâ yé kám e kám!»

Yʉanes 13:2

Yésʉs, bé le ompʉ́n bé, bé á be ó lɨ́ ede. Jɔʼ yaá, sɔ́ŋ meleme á be ó sí tyɛ̂b Yʉ́das, mwân mé Simon Iskariôt, ɨ́ léme, dwe nyé pɨʼ ó, nye bɛ́maa Yésʉs.

Mataos 24:45

«Nzé dí twóó túʼǎ, waá dí mʉr ebúʼlɔɔ, waá sɔ́ŋ wé á tyêl ó, yé díʼee lʉ́ bítúʼǎ byé, le ekab byé mede ɨ́ mepʉ́la me dí ejala má nyá?